MANJETNA 4:1 - Rabu Athar New Testament (BSI)

¹ Hi anga hin kein ka lung mit mu na khat ka neija vanram a kan longa a om hale pengkul rasa anga ka jet, a rapa ka lui jet rasa anga a ti, a man a ti “Hin hongro imo a suak rang ha na man mu kati,”

MANJETNA 4:1 ပူးပေါင်းရင်းမြစ်များ

MATHIU 3:16

Jisu ning baptais alui tho jui, hale tuisung tenna a hong suak lai han enru, vanram a kan longa, Pathian Thavang Thiang in vatuk turun anga a hong chumma a chunga a chuang ha Johon in alui mu.

MARK 1:10

Hale a man tuija an phut a hong suaklim le, vanram a kan longa, hale khunu anga Thavang ha a chunga a hong chumma a man a mu jui.

LUK NING A JIAK CHONGSAT 3:21

Hingahin a hong ni jui, mirakip tuija baptais an tho pha han Jisu om tuija baptais a lut jui. Pathian jiang an lam pha han vanram hi alui hong kan long.

JOHON 16:13

Tak-ha, Puma ning adik thavang le kanruoia a hong karra a man keini lam Na kei nati, a man a thei jak a chong ri noning, tak-ha i suak i suak rang chong a jet rakip ha na manjet nati.

TIRLON 10:11

A man vanram i kanglong ha amua puanlian lok anchun ang hin ikhat apuava ahong chum, han aki manlia ramuol la ihong masum ha a man alui mu.

TIRLON 7:56

a hong ti, “Enru, van a kan long Mi Pasalnai ning Pathian chang tiang a ngir ha kein ka mu.”

MANJETNA 1:10

A torna Pathian nikhuo hin thavang ning kei hi a na ruaia rasa khat ka lui jet, hava rasa ha ko, Pengkul rasa anga ka nuk tiang hin chong alui hong ri.

MANJETNA 1:12

Tu ning mo an na biak tia ka kan hei karra Sana thai mei a ke sari a an ngir ha ka lui mu.

MANJETNA 1:19

Hiva nang in na mu rakip, a tunna a suak hale nuk a ahong suak rang rakip ha lui jiak taro.

MANJETNA 11:12

Pathian chong ri anmani a vanram tenna rasa khat an lui jet, hong kalru vanram hin. Anmani en lal mingai ning an en karra sumphaile kan ruaia vanram ma an lut.

MANJETNA 11:19

Vanram ma Pathian inn khar kot a alui kan long, Pathian chong lam rabu han a kan long ha an mu, hava han pum varra alui var, ning nu alui kan nik, ruo a ri a hale rial alui chul.

MANJETNA 16:17

Hava suale sari chang na thaneithiang in a kheng kam ha chung van tianga alui bun karra rasa ringa, inn thiang mun na reng ong na mun tenna a hong suak a ti, “Hin a tor jui.”

MANJETNA 19:11

Hiva suale kein vanram kot inn khar a kan long ha ka mu, han sakor ngui khat alui om, hava sakor a chuang pa ha chong ngaile adik anti, adik lam ma a man ral a tho.

MANJETNA 22:6

Han thaneithiang in kei jiang ana ti, “Hiva a hong ngaihi adik ani, takngairu, han Puma ning Pathian chong lui ri ngai jiang thavang a pek a mingai jiang sotluija, a hong suak rang chuan ngai ha a manjet jui.”