MANJETNA 22:6 - Rabu Athar New Testament (BSI)

⁶ Han thaneithiang in kei jiang ana ti, “Hiva a hong ngaihi adik ani, takngairu, han Puma ning Pathian chong lui ri ngai jiang thavang a pek a mingai jiang sotluija, a hong suak rang chuan ngai ha a manjet jui.”

MANJETNA 22:6 ပူးပေါင်းရင်းမြစ်များ

MATHIU 13:41

Mi pasalnai ha ama thaneithiangngai ha hong tir na ta, ama ram sunga kutsuikesui le nun chan salui lui tho rakip manchun nanti.

LUK NING A JIAK CHONGSAT 1:70

Kum ijat madonna Thiampungai rakip jiang chong alui phuangsuak anga;

LUK NING A JIAK CHONGSAT 16:16

Mousi dan chong jen na rabuhan a om Pathian chong lui ri ngain an ri ngaiha Johon a phat tenna a lui om. Hava phat tenna an phut Pathian rengram ranga chongsat ha an lui ri jarra, mirakip ning hava han anmanche ani.

TIRLON 12:11

Han Pitar ning a hong jet a hong ti, chong tak balla ka jet jui tiko, Puma ning ama thaneithiang ha a hong tirra keihi Herod a kutchung tenna le Jiwngain an ngaidon lungdo tenna a na sanjui.

TIRLON 3:18

Tak-ha Pathian ning ama Khrista a pong khodengthei a dui na ha tashantheingai baisua a rapa ilui manjet ha a man a man tung jui.

ROM MINGAI JIANG PAUL NING A JIAK CHITHI 1:2

Asat chong hako Pathian ning a pha sot tak madonna ama tashantheingai chong lui ri nuk juia chongthiang rabu han an lui jiak sa chong samna ani.

1 KORINTH 14:32

Pathian kutchoi chongsat a ri jotngai ham. Pathian chongripa ama kut a om nanti.

1 KORINTH 7:29

Ulenaingai jiang ka na ri ani, a phat om lai mak atun tenna ko in nei pasalngai ning in nei lui anga om rase.

2 THESSALONIKA 1:7

Khodengthei tak a alui om mingai le keini chunga pathian in pong kan sak na ana pek rang ke. Jisu Khrista ning vanram tenna a hong chum pha han Pathian chuan a tho rang ani.

HEBRU 12:9

Kan tak sa ramuol ta a chang ngai ning keini an na man chua an na man dik chit jak na kan nei, ha a chang inko, a khel det ka tha vai ranga pa a chang ha ko kan lut kan ring rang a suak!

2 PITAR 1:21

Pathian tashantheingai ning an lui ri ha mi tenna a hong nimak, tak-ha mingai chunga athiang thavang ning alui chuanga, anmani ning an ri ngaiha Pathian tenna ahong ani.

2 PITAR 3:2

Kein nangni hi veikhat ka na man ngaidon khir jot ani, phat sot madonna Pathian tashantheingai ning nang ni jiang an na lui ri, puma Jisu ning ana ti pe nuk juia a tirlonngai ning an na lui manjet ani.

MANJETNA 1:1

Suai chil luija ala hong suak rang chong lam ngai Jisu Khrista ning Pathian suakngai jiang a rak a hong suak rang hi alui manjet ani, Jisu Khrista ning hivahi jet thei na ranga a nuk jui Johon jiang Thavang Thiang ha alui tir.

MANJETNA 18:20

Nan ning man satru, vanram ma, hiva a manmang jarra nan ning man satru, Pathian mingai le a nuk jui mingai, Pathian chong jui ngai, ajarko Pathian ning ama a tho na chunga lui jot pe mak.

MANJETNA 19:9

Hava suale thaneithiang in kei jiang a na ti, “Hivahi, jiakro belram mui ruai ranga a kui mingai ha ravansat ha anni, hale thaneithiang in arideret, hin Pathian chong dik ngaiha a om.”

MANJETNA 21:5

Hava suale reng ong na mun na a ong han a ti, “Atunko kei ning phur rakip hi ka man thar jui!” a man kei jiang om a ti “Jiakro hiva chongngai hi adik ani tia ngairo.”

MANJETNA 21:9

Thaneithiang saringai karra khat ning kheng kam sari ham rile rai sari a lek kei jiang a honga a ti, “Hongro kein mui ruai rang nu na man mu kati,”

MANJETNA 22:1

Thaneithiang in ring na tui pui a var an khat Pathian ong na tenna a hong suak ha a na man mu.

MANJETNA 22:16

Jisu kei ning ka tirlon ngaiha hiva chong ri ranga biakrup rakip ka hong tir jui, kei hi David inn sunga ama phung tenna ka hong ani, kei hi a var sisor a var ha ka ni.

MANJETNA 22:7

Jisu ning a ti, “Ngairu!” “kei a rak hong rang ka ni, Pathian chong thiang rabu chong a jui ngaiha ravansat anni.”

MANJETNA 4:1

Hi anga hin kein ka lung mit mu na khat ka neija vanram a kan longa a om hale pengkul rasa anga ka jet, a rapa ka lui jet rasa anga a ti, a man a ti “Hin hongro imo a suak rang ha na man mu kati,”