MANJETNA 2:9 - Rabu Athar New Testament (BSI)

⁹ Kein na khodengthei na ha ka jet, nang hi na riang tak-ha a thianga nang hi na nei! Kein ka jet a satlui mingai ning nang jiang an ri; Jiw kan ni anti, tak-ha nima u anmani ko seitan karra an om.

MANJETNA 2:9 ပူးပေါင်းရင်းမြစ်များ

MATHIU 4:10

Han Jisun ama jiang a ti, “Chetaro seitan, ajarko, hingahin a kan jiak sake, nang in na Puma na Pathian jak ha chubei na buk rang a suak.”

LUK NING A JIAK CHONGSAT 12:21

Pathian tianga lalle thum neiluia an tak rang jak lal a buk ngaiha hingahin ani. Jisun chong ri ha a tor jui.

LUK NING A JIAK CHONGSAT 22:65

Hale anmanin Jisu ha chongsia an kokjui.

LUK NING A JIAK CHONGSAT 4:18

“Puma Thavang ka chunga a om, ajarko a riang khodengtheingai jiang chongrina ranga, Kei hi a na thang jui, anluichur ngaiha ma sua na rang, a mit luidel ngaiha mu khir na ranga, a pong khodengthei ngai ma sua na rang ani.

LUK NING A JIAK CHONGSAT 6:20

Jisu ning a thiamruoingai ha a en na a ti, “Ariang khodengtheingai ha ravansat nan ni! Pathian rengram ha nang ni ranga ani.

JOHON 16:33

Nang nin ka pa tenna lunghip lungdai nan mu na rang, kei nang ni jiang kanarijui; ramuol la pong khodeng nan thei tak-ha nan ning sattaru! kein ramuol hin ral ka tor jui.”

TIRLON 14:22

Thiamruaingai lung ha an man ngarra, an takngai na han om chak na ranga anmani ha an mathok an hong ti; “Atam lam pong khodengthei le kan ruaia kein in Pathian rengram han kan lut rang ani.”

TIRLON 26:11

Aphat rakip kei ning Sainagok sunga khodengthei ka lui pek, an takngai na ha an jot mak na rang ka lui tho, hale anmani karra kei ha avet an khat anga khoral khoralla ka chea ka lui not.

ROM MINGAI JIANG PAUL NING A JIAK CHITHI 12:12

Nan ngaidon lungdo ha jet chiak ningsat na neiru, pong na pha han a dui ratru, hale a pha rakip lam na neiru.

ROM MINGAI JIANG PAUL NING A JIAK CHITHI 2:17

Nang nin Jiws ming ha na choi inko, dan chong pek ha na bei inko, Pathian jiang na man kan lian inko;

ROM MINGAI JIANG PAUL NING A JIAK CHITHI 5:3

Hijak ni luia keini pong khodengthei pha han om ningsat na kan nei pong le khodengthei ham a huia kan don.

ROM MINGAI JIANG PAUL NING A JIAK CHITHI 8:35

Khrista lungsiat na ten han keini ha tu ning mo ina man kansen rang? Lung kannok in mo; pong khodengthei in mo, von cham tuiral jara mo; puan le diar om lui han na mo, kutsuikesui han na mo, animakle chemsei han na mo?

ROM MINGAI JIANG PAUL NING A JIAK CHITHI 9:6

Aninnom Pathian chong ha nemna bui hong nimak, hale Israel sung tenna an hong lim ha Israel nima u.

2 KORINTH 6:10

Ning dong na an na lui pek tak-ha kan ning alui sat phat rakip a, ariang anga kan om tak-ha mitamtak kan man nei jui, ite khat anei lui anga kan om tak-ha irakip kan nei.

2 KORINTH 8:2

Anmanin khodengthei na rakip ha an luidui tak-ha ningsat tak a an lui om hale a tam an lui riang nom pek na tiang ko lungdo lian na an lui pek.

2 KORINTH 8:9

Ajarko nang nin nan jet, kan puma Jisu Khrista ha alui nei achang nom, nang ni jarra ariang achang jui, a man ariang jarra nang nin a nei miha nan ni jui.

1 THESSALONIKA 3:4

Nan karra kan lui om lai han a rapatak a kan na lui manjet jui, ajarko keini chunga khodengthei na kan la mu rang ke kan luiti ha a hong suak jui.

1 TIMOTHI 1:13

A che sa phat a kei ning ani lui chuan ka lui tho a chang innom, Khristianngai manmang rang ka lui ti nom, kein Pathian ha tak ka luingai mak in nom, Pathian ning kei hi ana lungsiat ka tho ngaiha lui kan jet making.

1 TIMOTHI 6:18

Mingai ha chuan sat man thoru, chuan sat tho tianga a nei ha ni ru, hale an lungdo lian rase u, midangngai san ranga ngaidon rase u.

MANJETNA 1:9

Johon kei hi Jisu Khrista a nuk jui nan u nan nai ha ka ni, kei hi nang ni le pong a dui suam hale, Pathian rengram hi khodengtheingai ranga ani; Kei hi Patmos tui sirra an na siak, ajarko, Jisu ning ana manjet, Pathian chong thiang ha ka lui ri.

MANJETNA 2:13

Kei ka jet nang hon mo na om, hava han seitan ning ama reng ong na mun na a ong nang hi adik ha na ni, kei jiang tak na ngai na ha la man mang ma che, seitan ning a leng na mun na, nan madonna an that kei ka shakhi chang tak ana ngai Antipa phat lai ten nam kei jiang tak nan na la ngai.

MANJETNA 2:2

Kein ka jet “Nang in imo na tho, chuan tho hi iduk a tat mo ani, hale iduk khang thei mo na lui ni tihi.” Nang in mi salui ngai ko jot tor ma che, hale nang in na jet, Pathian tirlon kan ni an lui ti, tak-ha Pathian tirlon ko lui nima u, nang in anmani ha mi leisei anti tia na jet.

MANJETNA 2:24

Han Thiyatira hin a om mirakip ning hiva ani luija chuan hi lui jui ma u. Nang ni seitan lung rilla an tho chuan hi la jet ma che u, kein nang ni jiang na ti rong, nang ni chunga kein phur rik i te na pek noni king,

MANJETNA 3:9

keini Jiw kan ni tia a omngai ha leisei anni, hale seitan jiang a omngai ha anni, hava ngaiha kein nan ke nuaija chubei ki na man buk rang ke, ka na lungsiat na hi anmani ning an la jet rang ke.

MANJETNA 7:14

“Kein jet making Puma!” Nang in na jet Puma kati, a man kei jiang a ti ret, “Hiva mingai hi khodengthei na tenna a kan sanringa a hong mingai ha anni, anmanin an puan ngaiha belram thi senna an rasuk an man thiang jui.