KOLOSIA 2:2 - Rabu Athar New Testament (BSI)

² Anmanin kan lungsiat a om thei na rang, hale khat le khat kan jot thei na rang, han Pathian chong ruk ha Khrista ani tihi man jetru.

KOLOSIA 2:2 ပူးပေါင်းရင်းမြစ်များ

MATHIU 11:25

Hava pha han Jisun a sanga a ti, “Vanram le simlei chunga Puma, a pa ka na manpak, ajarko hiva ngai hi mi ching an khat om a jet ngai jiang tenna nang in na luithup ha naipangngai jiang na phuong suak jui.

MATHIU 11:27

“Irakipngai hi ka Pan kei jiang ana pe jui, tu khat in nom a pa ni lui a a nai ha jet ma u, animakle a nai ni lui a tu khat innom a pa ha jet ma u, hale a nai ha ning ama jiang risuak ha an nei ni lui a tu khat innom a pa ha jet ma u,

MATHIU 13:11

A man anmani jiang a hong shanga a ti, “Ajarko vanrengram ruia a thuk chong jet na rang nang niko an napejui; tak-ha anmani ko pepe ma u.”

LUK NING A JIAK CHONGSAT 1:1

Aphut na tak anmipa anluimungai hale, chong lui ringai anmani ning, keini jiang an na lui ripe nuk jui a,

JOHON 10:30

Kei le ka pa le khat jak kan ni,”

JOHON 10:38

Tak-ha, kein ka tho inko tak nannangai mak in nom ka pa ning kei jiang a om. Kein ama jiang ka om tihi jet a tak nan hong ngai na rang chuan ha takngairu.

JOHON 16:15

Ka pa ning inei rakip ha keita ani, hava jarra Kein thavang ka na pek rang rakip ha nang ni anaripe.

JOHON 17:3

Kumsot ringna Puma Pathian jet le adik jet na, hale nang in na hong tir Jisu Khrista ha ani.

JOHON 5:17

Hiva jarra Jisun anmani jiang alui ti, “Ka pa ning anitin nachuan asin jarra kei ning om kasinrang asuak.”

JOHON 5:23

Hiva jarra mirakip in apa anjak anga anai ham an chit anjak rang, tu achang innom a pasalnai chit le jaklui miha, ajuangtirpu apa ham chitlejak nei lui anni jui.

JOHON 6:69

Hale a tun nang Pathian jiang an phut a thiang ha nani tihi keinin tak kanngaijui, hale kannajet.”

TIRLON 4:32

Atakngai mirakip ning an lung le an thavang khat jak changa an lui om, hale tun nom an nei phur rakipngai ha kabing kaphurke luiti ma u, tak-ha mitam taranga an lui nei man.

ROM MINGAI JIANG PAUL NING A JIAK CHITHI 15:13

Thavang thiang ranak han nang ni jet chichiak nan lungdo ha hong khel na ranga Pathian ning nan takngai na ha ningsat nale lunghip na rakip nangni ha na mansip rase.

ROM MINGAI JIANG PAUL NING A JIAK CHITHI 16:25

Atunko kei ning chongsat ruia an khat om ri jot lui ha ka na manjet Jisu Khrista ruia ka lui sem chong nuk juia nang ni ha a det i na man om tor ama jiang kein nang ni ha ka na pek jui.

ROM MINGAI JIANG PAUL NING A JIAK CHITHI 2:4

Animakle Pathian chuansat han nang ha lungthul na ranga lam a na ruoi ti ha jet luija, ama lung nem tiko; ana ngak thei le a dui thei hava rakip ha nang in ae shel na mo ninei?

1 KORINTH 14:31

Ajarko nang ni nan renga a don na Pathian chong ri ha a jot, hingahin khat le khat ning jet thei nale thanuam na nei nanti.

1 KORINTH 2:12

Keini ramuol la Thavang ha nei masing, tak-ha Pathian ning a hong tir a thiang Thavangai ha kan sunga a om, ama han i rakip ana manjet.

GALATIA 3:28

Hiva ruia Jiw le Jatdangai le ariang le a nei, numei le pasal nan renga Khrista jiang khat jak nan ni jui.

EPHESIA 1:7

Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui.

EPHESIA 3:16

Kein nang ni ranga lamna ka nei, puma rat na ranak han nangni ha na man rat nati hale ama Thavang Thiang ning nan sunga om rase.

EPHESIA 3:3

Pathian ning a tho jot a lungdo chuan rakip ha ruk a ana lui ri han kei ning akip a che chunga ka lui jiak ani.

EPHESIA 6:22

Hiva jarra ama hi nang ni jiang ka hong tir ani, hale ama ning keini ruia nari pe na ta nan lung sunga thanuam na na pek nati.

PHILIPI 2:1

Hiva jarra Khrista tenna nan om han nangni ha ana man rat jui, ama lungsiat han lung ngam na ana pek jui, nang nin ama le thavanga nan om jui.

PHILIPI 3:8

Adik tak a! Kein ka puma Jisu Khrista ka jet ha khel la chung chuan na asat ke tia ka nei phur rakip ha nem nabui ani jui; ka binga mi dik ka ni, tiko dan chong pek nuk juia ni luia Khrista jiang takngai na ki nei jarra Pathian tenna mi ha ka ni Khrista hi kei ranga a nem na a lian tak ha ani jui.

KOLOSIA 1:26

Tak-ha hiva chongsat hi mirual miruolla alui kan thup a alui om ha atunko ami thiang ngai jiang amanjet jui.

KOLOSIA 1:27

Pathian ning hiva chong ruk hi jatdangngai jiang a manjet jot, nangni hi Khrista ranga lianpui na ha nan ni.

KOLOSIA 1:9

A ma tenna keini ning nang ni ruia kan jet na nikhuo tenna, nang ni ranga Thavang Tianga chingna theina rakip Pathian lungdo nang nin jet theina ranga keinin kan lam na rakip a ka ngaidon.

KOLOSIA 2:19

Hi ang chat mingai ning a lu tir Khrista otit ma u, alutir tenna a honga a khit tharui rakip a man kan jom taksa Pathian lungdo ani.

KOLOSIA 3:14

Hiva rakip chunga nang nin lungdo tung han lung kan ruol la kan khit chunru.

KOLOSIA 4:3

Hiva phalai tak hin keini rang om na lam deru, ajarko Khrista chongsat ha kan ri torna rang, Pathian chong ruk hi om ri thei na rang lam ha ana long pe na rang, kei ning ren inna ka om ani.

KOLOSIA 4:8

Nang nin keini ruia nan jet na rang hale a man nang ni lunga ningsat na rang, kei ning ama hi nangni jiang ki va tir ani.

1 THESSALONIKA 1:5

Chongsat ha kein in nang ni jiang kan hong choi, Chongsat jak nilui a Pathian ranak ha adik chong ani tia nang ni le kan lui om lai han keini ijamo kan om tiha nang nin nan jui.

1 THESSALONIKA 3:2

Hale Timothi Pathian chuan tho ama hi nan karra chongsat ha ri rang le nan takngai na ha na man det pe na ranga kan hong tir jui.

1 THESSALONIKA 5:14

U le naingai a tal mingai ham, a chit dop ngai ham, lung thok na tho peru, asual ngai ham sanru.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

HEBRU 10:22

Hiva jarra asat le a siat jet thei na lung adik mak le tak sa ngaihi, lung a thianga takngai le nei man rei.

HEBRU 6:11

Nangni na ngaidon a adik tak a hong tung na rang a torna tunga nan ning nan man sat rang hi kan dei ani.

2 PITAR 1:10

Hiva jarra ka u ka naingai nang ni ana kuia ana lui thang pa ha a khel la jet na ranga ri theiru. Ajarko nang ni ning hiva ngai hi nan tho inko itik om pong na mu noni che u.

2 PITAR 1:3

Pathian rat na ha keini jiang akip a ana pek jui. Keini Pathian jet a ring na ranga ching na jet na hi keini a na kuipu ama tenna ani, ama asat nale a torna, lianpui na mu na ranga ani.

2 PITAR 3:18

Tak-ha chuan sat tho le puma Jisu ha ana san ringpa ani, tijet tianga nang ni ha kan son det detru. Puma ama jiang lianpui na ha a tun nom phat rakip han nom om rase Amen.

1 JOHON 3:19

Hi ang hin keini adik ta kan ni tihi kan jet han Pathian mai kung a kan lung hi lung ngam na a siak rang ani.

1 JOHON 5:7

Hiva hin shakhi an thum alui om;