JOHON 9:39 - Rabu Athar New Testament (BSI)

³⁹ Jisun a ti, “Ramuol la kihonghi chong tanranga ani,” a mit delngain an mu rang a mu ngain an mit idel rang,

JOHON 9:39 ပူးပေါင်းရင်းမြစ်များ

MATHIU 11:5

Mitdelngain an mu, hale kekiakngain an lonthei jui, pangphar tongngain an thiang jui, hale a kuorsepngain rasha an jet jui, a thi ngai om an ringkhir jui, hale a ring ngai jiang chongsat ha an manjet jui.

MATHIU 15:14

Anmani om rase u, anmani mitdelngai lamkei ke anni; hale a mitdel in mitdel ha an kan keiruoi inko, an ninia khurra an chul rang ke.”

MATHIU 6:23

Tak-ha na mit asat mak inko, na tak sa pumpui jing nati; nang jiang var ha a jing inko i duk amo a jing khup rang.

LUK NING A JIAK CHONGSAT 1:79

avarhi ajinga alui omngai ranga ani, lunghip ning kei hi a na manruai chak jui.”

LUK NING A JIAK CHONGSAT 13:30

Hale enru; a tunna aphut na ngai han a torna hong chang nanti, hale, a tunna a torna ngaining a rapa hong chang nanti.”

LUK NING A JIAK CHONGSAT 2:34

Semion ning anmani ha phual a pek Meri jiang a ti; “Hivahi Pathian ning a thang sa, Israelngai san ring ranga ani, hale Israelngai karra chulnarang, an khat om a khel la sang na rang, hale jot lui na rang tenna tetan na na ranga ani.

LUK NING A JIAK CHONGSAT 4:18

“Puma Thavang ka chunga a om, ajarko a riang khodengtheingai jiang chongrina ranga, Kei hi a na thang jui, anluichur ngaiha ma sua na rang, a mit luidel ngaiha mu khir na ranga, a pong khodengthei ngai ma sua na rang ani.

LUK NING A JIAK CHONGSAT 7:21

Hava phat lai tak han Jisu ning a nat mitam bhut a lut mitamtak amandam pe jui.

JOHON 12:31

Atunhi ramuol chunga chongtan na rang le vaihompa deng juan napha ani.

JOHON 12:46

Kei tak a na ngai mirakip in veikhat ajieng karra om mak na rang, Kei ramuol la varra ka hong ani.

JOHON 3:17

Ajarko Pathian in ramuol la chong tanranga a nai a hong tir nimak; tak-ha ramuol hi santhei na ranga ihongtir ani.

JOHON 3:19

Chongtan chuan ha ani; tiko var ha ramuol a hong tung, tak-ha mingain adik lui chuan an tho jarra, a var ha nek om a jing ha andeijui.

JOHON 8:12

Jisun veikhat anmani jiang a ti, “Kei ramuol la avar ha ka ni; tu a chang innom kei kanuk anajui ama han ring na a var ha nei nati, hale a jing na mun na om noning.”

JOHON 8:15

Nangnihko miring tak sa omchan nuk jui a chong nan tan; Keinko tu khat chunga chong tanmaking.

JOHON 9:25

A man a hong sang a mahi siatneimo? Neimak mo jet making. Kei ka jet khat ko, ka mit aluidel tak-ha a tun ko ka mu jui.

TIRLON 26:18

Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.

2 KORINTH 2:16

Amanga a om mingai rang ko a rim han thina ranga arim aluini, tak-ha a ringa a om mingai rang ko ring thei na ranga arim aluini. Hiva chuan a tho tor ha tumo ani?

EPHESIA 5:14

Hingahin chong thianga alui om, ajalla a omngai thuitaru, thina tenna thuitaru hale Khrista ama ning avar ha na pek nati.

2 THESSALONIKA 2:10

Hale puma a hong phat han Pathian madonna mi salui leisei chuan tho ngaiha thina mu nanti. Pathian tenna kum sot ring na ha mu noni u.

1 PITAR 2:9

Tak-ha nangni ha a jing kar tenna puma ama ning a var na han ana kui, puma ama alian na rakip ha nang ni ri ranga ana thang sa jat phung ha nan ni, puma ranga a ngir mingai ha nan ni.

1 JOHON 2:11

Tak-ha a u anai a enda mi ha ko a jing karra a chea a om ani han a jing karra a chea hon ma a jong a chea tung na kan jet mak ajarko a jing in ite man mu mak.