34 Anmanin an sang, nang ko siat nale kanruoia an na hong neia na hong lian ani, han keini lam hi na man churangmo niti? han ama ha Sainagok tenna an not cheijui.
A pa, a nu ngai ning hiva antinako Jiw ulianrupngai ha an chit jarra ani, ajarko Jisu hi Mesaia ke tia tak angai miha Sainagok tenna notcheirei tia kan jot na alui om.
A thianga keini om hava mingai angnga ramuol la lungdo nuk juia taksa lungdo rakip ha kan lui tho, taksa lingdo ngaiha ko keini khodengthei nale puma lung thok na alui chang.
Hingahin nang ni nai pangngai ning om nan chunga mingai an duk lutru, nang ni nan renga khat le khat ning chitlejak tak a kan sanru, ajarko Pathian chong thiangin a ti, “A man kan lian ngaiha Pathian ning jot mak, hale a man kan sin ngai chunga Pathian ning a san.”
Kei ka hong karra a man atho atho na chuan nuk juia ka man mu rang ke, ama ning keini chunga a satlui chong, i na ri siat jak han khop tor luia, Khristianngai an hong ten nom man lut jot mak; hale a lut jot ngai ham a man a khan na mi kan chun na biakrup tenna a notchei.