JOHON 8:32 - Rabu Athar New Testament (BSI)

³² Nang ni adik ha nan jet rang ke, hale adik ha ning na san nati.

JOHON 8:32 ပူးပေါင်းရင်းမြစ်များ

MATHIU 11:29

Ka ringkolpel nan chunga siakru, hale kei jiang kan churu, ajarko kei ko ka nun a hui, hale ka lung a nem an khat om nang nin nan lunga pong kan sak na mu nanti.

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 1:17

Mousi jiang anphut chongjen narang chong apek, tak-ha Jisu Khrista jiang anphut lungsiat manrit nale adik ha alui hong suak ani.

JOHON 14:6

Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.”

JOHON 16:13

Tak-ha, Puma ning adik thavang le kanruoia a hong karra a man keini lam Na kei nati, a man a thei jak a chong ri noning, tak-ha i suak i suak rang chong a jet rakip ha na manjet nati.

JOHON 17:17

Anmani ha adik na tianga na man thiangpero, nachongko adik ke ani.

JOHON 6:45

Chong phuang ngain hingahin an lui jiak, “Pathian in mirakip iman jet luininati, tu achang innom ka pa jiang anphut chong a jet, ankhat om akan chu miha kei jiang a hong ani.”

JOHON 7:17

Tu a chang innom Pathian lungdo tho rang mihan kimanchuhi Pathian an phut ahong ani nimak hale ka binga kijek jekmaking tiha nan jet rang ke.

JOHON 8:36

Mi Pasalnai ha ning nangni ha ana masu aninko nang ni ha tak balla ana ma sua jui ke.

ROM MINGAI JIANG PAUL NING A JIAK CHITHI 6:22

Tak-ha a tunko siatna tenna a na hong ma sua jui jarra Pathian suak ha an na man chang jarra thiang na ha tum na rang an khat om a mong na ha ko ator ti buija ring na ha tum rang nan ni.

ROM MINGAI JIANG PAUL NING A JIAK CHITHI 8:15

Ajarko nang nin veikhat chitret na ranga suak chang ranga thavang ha nan tum nima, tak-ha Pathian naingai chang na ranga thavang ha nan mu ke; hiva jarra kein in a pa tia kan kui.

ROM MINGAI JIANG PAUL NING A JIAK CHITHI 8:2

Ajarko Jisu Khrista jiang a om thavang jiang dan ha ning kei ha siatna le thina chong pek tenna ana masua jui.

1 KORINTH 7:22

Ajarko suak a changa puman akui amaha puma jiang ningsat na a nei, hale a man huija a om lai tak puman a kui ama ha puma suak ani jui.

GALATIA 5:1

Ajarko Khrista ning ana masua ha ana masua jui. Hiva jarra ngirtit taru hale nan tak ning suak chang ret ranga jot lai maru.

GALATIA 5:13

Ajarko nangni hi na masua ranga ana kui ani, u le naingai nang ni jiang a na masua ha tak sa lung khop na ranga nei man maru tak-ha lungsiat a khat le khat chunga kan sanru.

2 TIMOTHI 3:7

Numeingai ning jet na ranga an lui tok tak-ha anmani ning adik ha jet tor noni u.

JEMS 1:25

Tak-ha miring dan lungdo tunga lung lut tak a ajet a chuan a tho ama ha Pathian in ravansat a pek rang ke.

JEMS 2:12

Dan nuk jui a chong ri le chuan thoru nan chong ri le nan chuan tho nu kuija Pathian ning chong a jen rang ke.

1 PITAR 2:16

Mi thiang khat anga nang ni hi a rong a om ru. Tak-ha a rong a na om ha siatna tianga ko nei man maro han Pathian a suak khat anga omro.

2 JOHON 1:1

Ulian chang kein adik tak ka lungsiat, numei manrit le a nai jiang ka na hong manjet han, kei jak om chang lui adik le kan jet nan kan lungsiatngai ning om an na hong manjet ani.