Lungchunga a chul chimu han Pathian chong ko an jet, an lui om an lui ningsat a tak-ha an lung ril tungako thun ma u, anmanin phatbongkhat rang jak a an luingai, mathemna a hong karra Pathian chong ha luijuitormau.
Hava chuanlian angakpa amasat itho hi Galili ram ma kana khuo a alui tho ani. Hava mun na ama lianpui na aphuanga thimruoingain ama takngai na anlui nei.
A ma jankhat Jisu jiang alui honga a ti, ‘Rabbi, nang Pathian jiang an phut alui hong oja khat nani tihi kein in kan jet, ajarko Pathian in kanruaipui luiako tu khat innom natho chuan angakpa ngaihi tho tor mau.’
Enru; mitam karra phuanga aman chong alui ri, tu khat innom iom lui ri ma u; lam kai ngain ama hi Khrista ani tihi aching athei lamkai pu ngain adik an hong jetrangmo?
Pharisi aviar in an hong ti, hiva tho pa, mi ha ko Pathian tenna nitornoning; ajarko a man sernikhuo dan ha jui ma, aninom aviar in an hong ti, ijamo siatmikhat in angakpa chuan itho? han anmani masia rupni an suak jui.
Hava han Simon innom takngai na aneia baptais a tho jui, hale Philip le alui kan ruai chak, mi ning tho torlui angakpa chuanlian ankhat om jet na angakpa tamtak tho torna inei ha a mu karra a man alui ngak.