JOHON 7:12 - Rabu Athar New Testament (BSI)

¹² Mitamngai karra han Jisu ruia mi alek in an luiti, “A mako a satmi ke” hale a dang khat ngain an luiti, “Nimak” a man mitamngai hi adik lui lam tiang aruai jui.

JOHON 7:12 ပူးပေါင်းရင်းမြစ်များ

MATHIU 10:25

Thiamruoi khat in oja anga, suak khat in a neipu anga anile a jot jui, anmanin inneipu ha Belzabul an tinko, ama a inn na omngai ha ko i duk a mel siat a an kui rang mo?

MATHIU 21:46

Tak-ha anmanin ama ha churna ranga an lui tok innom, anmanin ama ha tashanthei khat ke tia an lui ngaidon jarra, mitamngai han an lui chit.

MATHIU 27:63

An hong ti, “Oja, mi leiseipa ning a ring lai han, nithum suale ka ringkhir rang ke alui ti ha kein in kan hong ngaidon.

LUK NING A JIAK CHONGSAT 18:19

Han Jisu ning a sang, “Ijarra asat adik Puma na nati”? Tu khat om adik asat om ma u, Pathian ni luia.

LUK NING A JIAK CHONGSAT 23:47

Han ralmi riakhat neipu pa ning hiva rakip a mu karra ‘hiva mihi Pathian jet, adik chuan tho mi ani,’ aluitia Pathian amanpak.

LUK NING A JIAK CHONGSAT 23:50

Hale enru ulianrup karra Josep anti chuan dik a tho pasal khat alui om.

LUK NING A JIAK CHONGSAT 6:45

A sat mi ning avonsung tenna a om asat chuan a hong kei sua, han a satlui ngai ning an lung sunga a om a satlui jak a hong suak ani. Ajarko an lung sunga a om asatluihan an murra an hong suak ani.

LUK NING A JIAK CHONGSAT 7:16

Han mitamngain achit anluichitjui, hale Pathian an manpak a anti; “Pathian chong ri a lian tak Pathian ning kankaara a hong tir jui.” Hale Pathian in ama mingai jiang a mit en a lut jui.

JOHON 6:14

Mingain atho chuanlian a ngak pa ha an mu karra an luiti, “Suai luia amahi ramuol la chong phuangrang ihongha ani.”

JOHON 7:32

Pharisingain mitam karra Jisu tak chunga chong an ri hi an jet jarra anmani le thiampungain Jisu chur ranga anluitir.

JOHON 7:47

Pharisingain anluisang, “Nang ni ham adik lui lamtiangmo inaruaijui?”

JOHON 7:52

Anmanin anluisang, “Asatjui nang om Galili mo nini? Chong thiang ha telro, Galili an phut chong phuang mi tu khat om suak ma u tihi na jet rang a suak.”

JOHON 9:16

Pharisi aviar in an hong ti, hiva tho pa, mi ha ko Pathian tenna nitornoning; ajarko a man sernikhuo dan ha jui ma, aninom aviar in an hong ti, ijamo siatmikhat in angakpa chuan itho? han anmani masia rupni an suak jui.

TIRLON 11:24

Ajarko ama ha misat, Thavang Thiang in a sip le takngai mi pasal khat alui ni, han mitam lam Puma jiang an lui hong lut.

ROM MINGAI JIANG PAUL NING A JIAK CHITHI 5:7

Ajarko mi dik khat ranga tu ang khat in a na thi pe hi atang, aninom asat mi khat rang athi pe hi om a jot.

PHILIPI 2:14

Nuarle, rang luia chuan rakip ha sinru.