Kein nang ni rakip jarra kari nimak, kein Kithang suaksa ngai rang jak kana ri tak-ha chong thiang rabu ning iri nuk juia ani rang ke ani kei kanuk anajui mi ha ning kei a na enda lam anchangrangke.
Jisun hiva ngai hi a ri suale, a tam a lung aponga phuangna shakhi apek a ati, “Kein a thianga nang ni jiang kanari mi: nang ni karra an khat in kei hi najuarrang ani jui.”
Nang ni kei nan na thang nimak tak-ha kein nang ni ha ka na thang ani, han nang nin. Ara om thei na rang, che unlang nang ni kei ka minga, puma jiang nan lam nan lam ha a man nang ni ha na pe nati,
Nang ni vannoi ramuol ta nan chang inko, ramuol in anta a na man chang jarra, na lungsiat nati, tak-ha Kein nang ni ha ramuol tenna phut ki na hong khal ani jarra, ramuol in nang niha an na ma tir ani.
Kein anmani ka ompui lai han, Naranak rat na na minga anmani kisel kingak ani. Chong thiang ning iriha tung na ranga ani, ama rang tu khat om ma u, Mi Pasalnai ni luia.
Nang ni nan pa ko Seitan hake ani, hiva jarra ama lungdo ha nang nin nan jui; a phut lai tenna a mako mi thatke ani, hale adik natianghan om mak. A ma jiang adik na ha om mak, a man a tho na rakip leisei jak a ri, ajarko leiseipa ani jarra, leiseiri rakip rang om an pa ani.
a hong ti, “Nang, Seitannai nang ko adik rakip le a kan enda nani, hale a satlui chuan jak kandai om na ni, han Puma adik lam ha ale lam tiang kairuai hi nibang lui rang mo?”
Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.