JOHON 6:51 - Rabu Athar New Testament (BSI)

⁵¹ Kei chung vanna anphut ahong ringna bulom ha kani. Tu a chang innom hiva bulom a nek miha kumsot ring nati. Hale kein ama jiang ki pek ranga bulom ha ka taksa ani, hivahi ramuolngai ring na rang ka pek ani.”

JOHON 6:51 ပူးပေါင်းရင်းမြစ်များ

MATHIU 20:28

Hi anga Mi Pasalnai ha ning a tak sepa man kan tho ranga i hong nima tak-ha a man misepa tho ranga ahong ani, hale mirakip masua na man ranga a ringkhuo akanpek ani.

LUK NING A JIAK CHONGSAT 22:19

Hale Jisun tal ha alui a Pathian ha amanpak, aher aher a ekkhui a anmani jiang a pek a ati, “Hivahi nang ni ranga ana pek ka taksa ani, nang nin kei nan na ngaidon na ranga chakru.”

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 1:29

Khuo ahon var suale, Jisu ni ning Johon a kolla a hongha amu a alui ti, “Enru, ramuol siatna achoi Pathian alungnem belramteha hin a om,”

JOHON 11:26

han tu aninom kei tak anangaiha ring khier nati veikhat thilai noning tihi tak nangaimo?”

JOHON 3:13

Chung van tenna anphut a hong chum Mi Pasalnai ama niluia tu khat innom chung vanna ache la om ma cheu.”

JOHON 3:14

Mousi ning ramtong mun na rul an khat aluidomma alui makhai anga, Mi Pasalnai ham an ma khai rang ke.

JOHON 3:16

Ajarko Pathian in hiva ramuol hi a lungsiat jarra a pasalnai ankhatjakha ana pek jui. Tu aninnum ama takngai rakip in amangti om noning, tak-ha kum sot ring na nei nati.

JOHON 3:36

Tu a chang innom a pasalnai takngai mi han kum sot ring na nei nati; tu a chang innom a pasalnai takngai lui mihan ring na mu noning, tak-ha Pathian lung nat ha a chunga om nati.

JOHON 5:24

Kein adik tak ki na ri ani, “Tuachang innom ka chong ri ajet anahongtirpu tak a ngai miha ning kumsot ringna nei nati, ama ko thina an phut ringna a nei jui, hale chongtan na han kan chel lai noning.

JOHON 6:33

Pathian ina pek bulom ha ko chung van na anphut a hong ama ha ani, a man ramuolla ringna a na pek.”

JOHON 6:35

Jisun anmani jiang aluiti, “Kei ringna bulom ha kei kani, kei jiang a hong miha itik anin nom voncham tiha om lai noning; kei tak ana ngai miha i tik aninnum a tui rallainoning.

JOHON 6:41

Jisun a ti, “Chungvanna anphut ahong bulom ha kei kani;” Jisu han hava chong a ri jarra Jiwngai lunghuiluina an nei jui.

JOHON 6:47

Kein adik tak ki na ri ani, “Atak ngai miha ning kumsot ringna anei jui ani.”

JOHON 6:48

Keitak hi ringna bulom ha kani.

JOHON 6:50

“Tak-ha chungvan na anphut a hong bulom hiko tu a chang innom a nek rakip thinoniu.

JOHON 7:38

Chong thiang in ari anga, tu achang innom kei tak ana ngai miha ama lung sunga an phut ring na tuidungha lonnati.”

2 KORINTH 5:19

Hava Jisu Khrista jarra pathian in ramuol la miringngai le ama ha kan lungsiat khirna chong hui ha ana man ri jui.

2 KORINTH 5:21

Khrista ko siatna neimak, tak-ha keini jarra Pathian ning siatna a manchoi. A ma jarra keinin Pathian kolla adik ringkhuo a om tor kan ti.

EPHESIA 5:2

Pathian madonna Jisu Khrista ning thairim hui anga a taksa hi nangni ranga alui kan pek anga nang nin nom lungsiat tak a kan pekru.

EPHESIA 5:25

Pasalngai ning nan numeingai ha lungsiatru Jisu Khrista ning om biakrup ha a lungsiat a atak pumpui alui kan pek.

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

HEBRU 10:20

Jisu a taksa khet in ponlep hi a long a ring na lam thar khat hi keini ranga ana pe jui.

1 PITAR 2:4

Hongru ama jiang a ring chak a om lungpui ha mingai ningko dei ma u, tak-ha Pathian mit en na ko a thang sa aman tam tak khat ani,

1 JOHON 2:2

Keini siatna rakip ngaidam na ranga Jisu Khrista ha a om.

1 JOHON 4:10

lungsiat ha hi ani, keinin Pathian kan lungsiat jui ti ni luia, a man keini ana lungsiat jarra Kan siatna ngai rakip ngaidam na ranga a pasalnai ha a juang tir jui.

1 JOHON 4:14

Pathian ning a pasalnai ha ramuol san ring na rang a juang tirha Keini ning kan mu jui, hale midangngai jiang om kan ri jui.