JOHON 5:30 - Rabu Athar New Testament (BSI)

³⁰ Kein kabing jak i om thotor making; Pathian ana manjet nuk juia chong ka tan, hava jarra kei ka chong tanko adik ani, ajarko kein kideiha tho rang tia kansiat making ngaidon making. Tak-ha kei ana hong tirpu ama adei jak ha kathoke ani.

JOHON 5:30 ပူးပေါင်းရင်းမြစ်များ

MATHIU 26:39

A man ma don tiang a laak det a che hale a bok chunga lamna aneia a ti, O, a pa, hivahi anithei inko kei jiang tenna hiva kok lai hi kan khel ta rase, ha aninom ke kei ka lungdo hong nima rase, tak-ha nang lungdo hongni rashe.

JOHON 14:10

Kein ka pa jiang ka om ka pa ning kei jiang a om tihi tak ngaimachemo? Kein nang ni jiang kinarihi, “Jisun a ti, kei ranga ka ri nimak. Tak-ha kei jianga a om ka pa chuan ha kithoke ani.”

JOHON 17:4

Nang in thoro niti chuan ha kathosuajui: han nang mahok lianpui na ha ramuol la a kando jui.

JOHON 18:11

Jisun Pitar jiang, ‘Na chemsei ha akok a thunkhirro a ti! Ka pa ning ina pek koklai hi kei in noning tia mo na ngaidon?’

JOHON 4:34

Jisun anmani jiang a ti, “Kei bu ha ko anahongtirpu lungdo athopu, ama chuan asat ithotor ngai hake anni.”

JOHON 5:19

Hiva jarra Jisun anmani jiang alui sang, “Kein adik tak ka ri ani, nai ha ning a binga i om thotormak. A man apa chuan tho ngaiha amujak ha ithotor ani. Apan a tho chuan ha a pasalnai han nom atho ani.”

JOHON 6:38

Ajarko kei anahongtirpa lungdo kathonaranga chungvan na an phut kei ka hong ani, kei lungdo thona ranga ka hong chang mak.

JOHON 8:28

Hiva jarra Jisun anmani jiang alui ti, “Nang nin minai pasalnaiha nandomsang phat han, ‘Kei hi kei ke’ tihi nan na jet rang ke, kabingjak lungdoa kein tho making, ka pa ha ning ina manchu jak ha keinkari, nang ni rang ani jui.”

JOHON 8:42

Jisun anmani jiang a ti, Pathian ha kan pa alui ninko nan lung inasiat rang ke; ajarko, kei Pathian tenna ka honga hin ka om. Kei ka ranak ka hong nimak, a man a na hong tirke.

JOHON 8:50

Kei ranga chitlejak ka dei nimak tak-ha, atokrangle le chongtan an khat a om.

ROM MINGAI JIANG PAUL NING A JIAK CHITHI 15:3

Khrista ning om a theijak ranga a lungdo mankantung torma; hingahin alui nisa ke, “Nang ana endangain an jek chong ha ka chunga a chul jui.”

ROM MINGAI JIANG PAUL NING A JIAK CHITHI 2:2

Hiva anga chuan tho rakip chunga Pathian chongtan ko adik nuk juia a tho tihi keinin kan jet.

ROM MINGAI JIANG PAUL NING A JIAK CHITHI 2:5

Tak-ha na lung angar, le na lung na thul jot jui nuk juia; Pathian rang nale adik chongtan na nikhuo han natak ranga hava rangna ha nabuk jui.