JOHON 5:24 - Rabu Athar New Testament (BSI)

²⁴ Kein adik tak ki na ri ani, “Tuachang innom ka chong ri ajet anahongtirpu tak a ngai miha ning kumsot ringna nei nati, ama ko thina an phut ringna a nei jui, hale chongtan na han kan chel lai noning.

JOHON 5:24 ပူးပေါင်းရင်းမြစ်များ

MATHIU 25:46

Hale hiva rakipngai hi amongtibui tanti tho na mun han che nanti, tak-ha midikngai ning amongtibui ring na han che nanti.”

MARK 16:16

Tu a chang innom a takngai a tuija baptais a tho mi ha kan san ring na imu rang ke; tu a chang innom takngai lui mi ha ma sial na a tum rang ke.

JOHON 11:26

han tu aninom kei tak anangaiha ring khier nati veikhat thilai noning tihi tak nangaimo?”

JOHON 12:44

Jisun rasa ringa a hong ti, “Tu ang keihi tak a na ngai miha kei jak niluia kei ana hong tir puham tak a ngaiani.

JOHON 20:31

Jisu hi Mesaia ani tia tak nan ngai na rang hiva chong lam hi alui kan jiak sa ani, Pathian pasalnai ha tak nanngai na han ring na mu nanti.

JOHON 3:16

Ajarko Pathian in hiva ramuol hi a lungsiat jarra a pasalnai ankhatjakha ana pek jui. Tu aninnum ama takngai rakip in amangti om noning, tak-ha kum sot ring na nei nati.

JOHON 3:18

Tu anin nom Mi Pasalnai takngai rakip ko chongtan na om mak, hale tu a chang innom takngai lui rakip ko chongtansa ani jui.

JOHON 3:36

Tu a chang innom a pasalnai takngai mi han kum sot ring na nei nati; tu a chang innom a pasalnai takngai lui mihan ring na mu noning, tak-ha Pathian lung nat ha a chunga om nati.

JOHON 4:36

Chang atpu han chuan sin loman amu, hale kum sot ring na rang chang ha aman chun; Hale alingpu le atrangpuha ningsat na ranga ani.

JOHON 6:40

Ajarko Mi Pasalnai amua tak angai rakip in kumsot ringna anneinarang, hale a torna nikhuo han kikeituirang anmani ngaihi ka pa lungdo ha ani.

JOHON 6:47

Kein adik tak ki na ri ani, “Atak ngai miha ning kumsot ringna anei jui ani.”

JOHON 6:50

“Tak-ha chungvan na anphut a hong bulom hiko tu a chang innom a nek rakip thinoniu.

JOHON 6:51

Kei chung vanna anphut ahong ringna bulom ha kani. Tu a chang innom hiva bulom a nek miha kumsot ring nati. Hale kein ama jiang ki pek ranga bulom ha ka taksa ani, hivahi ramuolngai ring na rang ka pek ani.”

JOHON 6:58

Hiva jarra hiva bulomhi chungvan na anphut ahong ani. Nanpu nanpangain anleichak an thi, hava bulom anga nimak. Hiva bulom a chak miha athitibui a ring nati.”

JOHON 8:51

Kein adik ha kari ani, ka chong ri angai rakip in thino ni u.

ROM MINGAI JIANG PAUL NING A JIAK CHITHI 8:1

Jisu Khrista jiang a om rakip ha a satlui na rang om mak.

1 THESSALONIKA 5:9

Pathian ning keini hi khodengthei ranga ana thang suak nimak, tak-ha Jisu Khrista ten na kum sot ringna ha na pek ranga ana thang suak ani.

1 PITAR 1:21

A ma tenna nang ni ning Pathian ha takngairu, ama ning a thi tenna alui kei thuija ama lianpui na aluipek, hava jarra nan takngai nale nan lungdo ngaiha Pathian jiang siakru.

1 PITAR 1:5

Pathian ranak han a torna phat han hong do ranga kum sot ring na ha, a takngai mingai ranga Pathian ning ana siak pe rang ani.

1 JOHON 3:14

keinin kan sua pui ngai kan lungsiat; han ko thina ha kan mak a ring na hin kan hong lut jui tihi kan jet. Tak-ha a u a nai a sua pui lungsiat lui mi ha thina ranak han ala om ani.

1 JOHON 5:1

Tu a chang innom Jisu hi Khrista ke tia takngai mi ha Pathian nai ke anni, Pathian lungsiat miha anai ham a lung a siat.