JOHON 5:19 - Rabu Athar New Testament (BSI)

¹⁹ Hiva jarra Jisun anmani jiang alui sang, “Kein adik tak ka ri ani, nai ha ning a binga i om thotormak. A man apa chuan tho ngaiha amujak ha ithotor ani. Apan a tho chuan ha a pasalnai han nom atho ani.”

JOHON 5:19 ပူးပေါင်းရင်းမြစ်များ

MATHIU 26:39

A man ma don tiang a laak det a che hale a bok chunga lamna aneia a ti, O, a pa, hivahi anithei inko kei jiang tenna hiva kok lai hi kan khel ta rase, ha aninom ke kei ka lungdo hong nima rase, tak-ha nang lungdo hongni rashe.

LUK NING A JIAK CHONGSAT 21:15

Kein nang ni mur sunga chongsat chingna ha ka na pek rang ani, nang ni a na enda ngai ning nator noni u.

JOHON 10:18

Tu khat innom kei Karingkhuo luitor noni u, ka pa ning cham a na pek nuk juia ka ringkhuo ha ka pek jot le ka pek ka lui khir jot le kaluikhir, hiva ranak hi kei ka nei.”

JOHON 12:49

Hivahi adik ani, ajarko Kein kabing rang jak kari nimak, tak-ha, kei a na hong tirpu Ka pa chong pek nuk juia kari ani.

JOHON 12:50

Han ama chongpekhako, kum sot ringna ani tihi kein Kajet, hiva jarra, “Ka pa ning a na ri chong rakip ha kein kari ani.”

JOHON 14:10

Kein ka pa jiang ka om ka pa ning kei jiang a om tihi tak ngaimachemo? Kein nang ni jiang kinarihi, “Jisun a ti, kei ranga ka ri nimak. Tak-ha kei jianga a om ka pa chuan ha kithoke ani.”

JOHON 2:19

Jisu ning alui sang, “Hiva Pathian inn hi manmangru, hale kein nithum sunga sinkhirtor kati.”

JOHON 3:3

Jisun alui sang, “Adik tak kirike; tu anin nom a tharra nai a chang mak aninko Pathian rengramma lut tor noniu.”

JOHON 5:21

Ajarko apahan athi ngai ha aman ringkhirra amanthui, hava ang han nai han nom aman ringkhirjot, anmani jiang ringna a pek.

JOHON 6:38

Ajarko kei anahongtirpa lungdo kathonaranga chungvan na an phut kei ka hong ani, kei lungdo thona ranga ka hong chang mak.

JOHON 8:28

Hiva jarra Jisun anmani jiang alui ti, “Nang nin minai pasalnaiha nandomsang phat han, ‘Kei hi kei ke’ tihi nan na jet rang ke, kabingjak lungdoa kein tho making, ka pa ha ning ina manchu jak ha keinkari, nang ni rang ani jui.”

JOHON 9:4

Kei ana hong tirpu chuan kan sin rang ha avarlai hin Kansin rang ani, jan ahongnin inko tu khat in nom chuan sin tor ma u.

TIRLON 2:24

Tak-ha Pathian ning amaha khodengthei athina an phut aman ringkhir jui, ajarko ama ha thina ning tor mak.

ROM MINGAI JIANG PAUL NING A JIAK CHITHI 6:4

Hiva jarra a pa lianpui na jarra Khrista ha a thi ngai kar tenna a ringkhir ang han, keini om a tharra ringkhir omchan ha tum na ranga athiang han baptais tho na kan nei han ama le an na phum suam jui ani.

ROM MINGAI JIANG PAUL NING A JIAK CHITHI 8:11

Ha an in nom Jisu ha a thi ngai kar tenna i man ringkhir ama thavang ha ning nang ni jiang a om aninko, Khrista Jisu ha a thi ngai kar tenna a ringkhir ama ning nang ni jiang a om ama thavang jarra a thi rang suak kan taksa ha na manring pe nati.

1 KORINTH 15:12

Atun kein in Khrista hi thina tenna a thui khir jui ti a chongsat kan ri aninko, ijarra mo mi aviar ning a thi ngaiha thui khir noni u nanti?

2 KORINTH 4:14

Keinin kan jet Jisu Khrista a kei thuipa pathian han keini om na kei thui nati Jisu Khrista le kan ruaia, nang ni ama omna han na tuangnati.

2 KORINTH 5:10

Ajarko Jisu Khrista ning mirakip chunga a man chong ilajen pe rang ke. Ramuol la taksa ringkhuo hin an lui tho nuk jui tho nukjuija asat aninom a salui aninom an tho nuk juia mu nanti.

EPHESIA 2:5

Keini ning Thavanga kan lui thia a chong kan lui jui mak pha han a man Jisu Khrista tenna ring na a na lui pek. Hivahi Pathian lungsiat jarra nang nin ring na nan mu ani.

EPHESIA 3:16

Kein nang ni ranga lamna ka nei, puma rat na ranak han nangni ha na man rat nati hale ama Thavang Thiang ning nan sunga om rase.

PHILIPI 3:21

A ma vaihom na thuia amang thei rang taksa rakip hi ama taksa anga na man kan thul nati. A ma ranak jarra phur rakip hi ama thoija asiak pet rang ke.

PHILIPI 4:13

Kei ka ranak na pekpu Khrista jarra kein hiva chuan rakip hi tho torna ki nei ke.

KOLOSIA 1:11

Ningsat le kan ruaia nang nin dui rat hi a pha rakip a Pathian lianpui na ranak rakip han, nang ni ha na man rat rase.

KOLOSIA 1:16

Ajarko, vanram le ramuol la mu torlui, a tor pungai ong na mun ranak neingai anninom puma tenna an hong sin mang ke ani; phur rakip hi puma jarra le ama ranga alui sin ani

1 THESSALONIKA 4:14

keinin takngai na kan nei Jisu alui thia ahong thui ret, hiva jarra Jisu Khrista jiang takngai mirakip an luithi nom puma ning a kei thui khier rang ke.

1 PITAR 3:18

Khrista ning alui thi vei khat jak a thi han chuan sat tho anga siat nei ngai rakip rahut a Pathian jiang tung thei na ranga, a taksa thina alui nei, tak-ha Thavang Thianga ring na ana man nei jui.

MANJETNA 2:23

Hale ama a nuk jui ngai ham ka manmang rang ke. Biakrup rakip ning jet rase u, Puma ning mirakip ngaidon na an jet ti rase u, an tho nuk juia anlo man kein ka man mu rang ke.