“Enru, dongmathiang khat in chungrik om na ta pasalnai khat nei nati, a ming ha anmani ning Immanuel,” tinanti hiva hi, “Pathian ning ana om pui tina ani.”
“Kan ning theiru, ashinngai khat nang nin tak tel lui ha tho maru ajarko, kein nang ni jiang, vanram ma anmani thaneithiangain vanram ma om ka pa mai an muchak.
Anmani an renga pum khat jak anchangthei na rang ka na lam Puma kei hi ramuol na na hong tir tihi an jet tak annangai na rang, O A pa! Puma nangkei na na om pui ang han, anmanijom kei jiang an om chak na rang ka na lam ani.
Kein anmani jiang ka om, nang in kei jiang naomma, anmani lungdo a tunga pumkhat jak changa, ramuol chunga ninahong tirhi an jet thei na rang, kei ninalungsiat ang han anmanijom lungsiatro.
Nang in ninapek chong rakip ha kein anmani jiang ka pek, anmani ha andojui. Nang in najuang tirra nang tenna phut ihonghi adik tihi anmanin an jet jui.”
Tak-ha Johon chong ngir itho nek a alian det kachunga chong ngir ankhat kein ka nei; Kapan ki tho rang chuan a na pek ha kein ka tho, ka Pan ijuangtir ham chong ngirna a pek.
Numei nun alui sang, “Oja tu khat om omlaimau,” Jisun alui ti, “Asatjui, han ko kein om na mansiat making; chetaro a tun tenna an phut vei khat siatna tholaimaro.”
Jisun anmani jiang a ti, Pathian ha kan pa alui ninko nan lung inasiat rang ke; ajarko, kei Pathian tenna ka honga hin ka om. Kei ka ranak ka hong nimak, a man a na hong tirke.