JOHON 3:15 - Rabu Athar New Testament (BSI)

¹⁵ Ajarko tu ang mi ning ama takngai rakip in kumsot a ringna nei nati.

JOHON 3:15 ပူးပေါင်းရင်းမြစ်များ

MATHIU 18:10

“Kan ning theiru, ashinngai khat nang nin tak tel lui ha tho maru ajarko, kein nang ni jiang, vanram ma anmani thaneithiangain vanram ma om ka pa mai an muchak.

MATHIU 25:46

Hale hiva rakipngai hi amongtibui tanti tho na mun han che nanti, tak-ha midikngai ning amongtibui ring na han che nanti.”

MARK 16:16

Tu a chang innom a takngai a tuija baptais a tho mi ha kan san ring na imu rang ke; tu a chang innom takngai lui mi ha ma sial na a tum rang ke.

LUK NING A JIAK CHONGSAT 19:10

Mi Pasalnai han amangsangai tok ranga le sanring ranga ahong ani”.

JOHON 1:12

Mi a lek inko a maha tak an luingai jarra, Pathian naingai an chang theina ranga a man ranak alui pek.

JOHON 16:33

Nang nin ka pa tenna lunghip lungdai nan mu na rang, kei nang ni jiang kanarijui; ramuol la pong khodeng nan thei tak-ha nan ning sattaru! kein ramuol hin ral ka tor jui.”

JOHON 20:31

Jisu hi Mesaia ani tia tak nan ngai na rang hiva chong lam hi alui kan jiak sa ani, Pathian pasalnai ha tak nanngai na han ring na mu nanti.

JOHON 3:16

Ajarko Pathian in hiva ramuol hi a lungsiat jarra a pasalnai ankhatjakha ana pek jui. Tu aninnum ama takngai rakip in amangti om noning, tak-ha kum sot ring na nei nati.

JOHON 3:36

Tu a chang innom a pasalnai takngai mi han kum sot ring na nei nati; tu a chang innom a pasalnai takngai lui mihan ring na mu noning, tak-ha Pathian lung nat ha a chunga om nati.

JOHON 5:24

Kein adik tak ki na ri ani, “Tuachang innom ka chong ri ajet anahongtirpu tak a ngai miha ning kumsot ringna nei nati, ama ko thina an phut ringna a nei jui, hale chongtan na han kan chel lai noning.

JOHON 6:27

Amangrang bu jarra chuan sinmaru; hava rahut kumsot ringna rang bu jarra chuan ranak sinru, ajarko hava bu ha Mi Pasalnai ha ning ana pek rang ke, ajarko Pathian ning ama chunga chong ngirna ana pek jui.”

JOHON 6:40

Ajarko Mi Pasalnai amua tak angai rakip in kumsot ringna anneinarang, hale a torna nikhuo han kikeituirang anmani ngaihi ka pa lungdo ha ani.

JOHON 6:47

Kein adik tak ki na ri ani, “Atak ngai miha ning kumsot ringna anei jui ani.”

TIRLON 13:41

Enru; nang ni taktelluingai, ngak om ngakru, thi om thiru, ajarko, kein nang ni jiang ve enni chuan khat ka tho, hivahi tu ang khat in nang ni jiang an naripe innom takngai noni che u.

TIRLON 8:36

Anmanin lam ma an honglon pha han, tui kolla an hong tung jui, a tak kan sin pasal ha ning a hong ti, tuihin a om jui, baptais nina man nei rang hi aser imo a om? Jot noning mo?

ROM MINGAI JIANG PAUL NING A JIAK CHITHI 5:21

Tak-ha thina ha ning siatna reng anga a ong om ma manrit na ning keini kan puma Jisu Khrista jarra a tor ti buia ring na ranga dik na jar han reng anga om na ranga siatna bil han manrit na ning a khel la a hong tamjui.

1 KORINTH 1:18

Khrista a chongsat le thing khros chunga athina ha a mangsha mingai rang ko a nem lui ani, tak-ha sanring na a mungai keini rang ko Pathian ranak ani.

2 KORINTH 4:3

Ajarko kein ka ri chongsat ha a kan thup a chang nom a manga a om mingai jiang jak kanthup rase.

GALATIA 2:16

Jetru chuan sat chena dan ajui mihan Pathian jiang adik tak a om tor ma u, tak-ha Khrista jiang takngai na anei mi han ani, kein nom takngai na ka nei, Khrista jiang takngai ama han Pathian jiang a thianga a om tor. Chena dan ajui han nimak, ajarko chena dan ning kan taksa ten nom man thiang tor mak.

GALATIA 2:20

Keihi Khrista le khros chunga ka luithi jui, hale keihi a ringa a om ni lai making, tak-ha Khrista ning ka sunga a ring jui, hale a tunna ka ring taksa ringkho hi Khrista jiang takngai ja a om ringkho ha ani, aman lungsiat tak a aringkhuo hi kei ranga ana pek jui.

HEBRU 10:39

Keini ko nuk kir a mang ngaiha ni maksing, hava nek a takngai mi kan san ring ha kan ni.

HEBRU 7:25

Hale aman tu nom kum sot ama jiang an phut Pathian jiang a hong nan ta kum sot ring na a tho tor, ajarko ama kum sot aring chak jarra anmani ranga Pathian jiang a lam pe chak jui.

1 JOHON 2:25

Khrista ning keini jiang kum sot ringna na pek rang ama a thei jak a chong sam ke ani.

1 JOHON 5:1

Tu a chang innom Jisu hi Khrista ke tia takngai mi ha Pathian nai ke anni, Pathian lungsiat miha anai ham a lung a siat.

1 JOHON 5:20

keinin adik Pathian ha kan jet na rang, a pasalnai ha a juanga jet na ranga a na pek jui. A pasalnai Jisu Khrista, jarra adik Pathian ha keini kan mu jui. Hivahi Pathian tenna kum sot ring na ha ani.