JOHON 2:11 - Rabu Athar New Testament (BSI)

¹¹ Hava chuanlian angakpa amasat itho hi Galili ram ma kana khuo a alui tho ani. Hava mun na ama lianpui na aphuanga thimruoingain ama takngai na anlui nei.

JOHON 2:11 ပူးပေါင်းရင်းမြစ်များ

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 1:17

Mousi jiang anphut chongjen narang chong apek, tak-ha Jisu Khrista jiang anphut lungsiat manrit nale adik ha alui hong suak ani.

JOHON 1:43

Khua a hong var Suale Jisu ning Galili tiang che ranga alui ngaidon. A man Philip ha a kan mupuia a ti, “Kei kanuk na juiro.”

JOHON 1:50

Jisun a ti, “Theichang kung thuaia na omlai kana mu kati jarra tak na ngai mo?” Nang in hiva nek a lian chuan ngai nala mu rang ke.

JOHON 10:41

Han mitam lammin Jisu jiang an honga an hong ti, “Johon inko jet na chuan hi iom tho mak, tak-ha mihiningko Johon ning alui ri nuk juia a tho.”

JOHON 11:15

Tak-ha nang nin tak nanngai na rang. Kein ama jiang lui om making ti a nang ni jiang ka ning asat, keini ama jiang che rei.

JOHON 11:47

Thiampulian le Pharisingain kan chun na an nei a anti. Ija mo kalo tarang hiva mi chunga angakpa rakip itho hi ko?

JOHON 12:18

Hiva jarra, mitamngain puma ankanmupuia an khat om Jisun hiva chuan angakpa itho ke tiha an jet jui.

JOHON 12:37

Anmani mai kunga angakpa chuanngaihi a tho pe aninom, amaha tak luingai ma u.

JOHON 12:41

Tashanthei Isaia ning Jisu mahok lianpui na ruia Jisu chung changa aluiriha ani.

JOHON 14:13

Kaminga nang nin imo khat nan lam inko kein thokati, A pasalnai tenna A pa lianpui na ha nan muthei na rang, nang nin nan nalam rakip ha kei ning ki tho rang ke.

JOHON 16:27

Ajarko, Pathian ka pa khet ha, nang ni ana lungsiat, nang nin ama ha nan lungsiat, a man nang ni ha a lung ana siat, ijarra mo kantinko, kei ka pa tenna kihongke tihi nang nin tak nanngai.

JOHON 16:30

Atunko Puman i rakip najetver tu khat innom nang jiang chong dingkel rang om lai noning, nang Pathian tenna na hong tihi kan jet.”

JOHON 2:1

Nithum chang na, Galili ramma kana khuo a mui ruai ut ankhat alui om, Jisu a nu le hava han alui kan chel.

JOHON 2:23

Kanna ut kheng buban a om lai Jisu Jerusalem ma a om sunga a man angakpa chuan a tam a luitho ha anmanin an mu jarra mitamin ama takngai na an lui nei.

JOHON 3:2

A ma jankhat Jisu jiang alui honga a ti, ‘Rabbi, nang Pathian jiang an phut alui hong oja khat nani tihi kein in kan jet, ajarko Pathian in kanruaipui luiako tu khat innom natho chuan angakpa ngaihi tho tor mau.’

JOHON 4:3

Hava phat han, Jisun Judia ram a mak a Galili tiang alui kanlejui.

JOHON 4:46

Hiva jarra Jisun tui ha Ju iluiman chang na khuo Galili ram anti kana han aluikirjui. Hava ramma chuanput mi ankhat Kapernahumma a om a nat nai an khat alui om.

JOHON 4:54

Hivahi Judia ram ma inphut Galili ram ma ahongsuale Jisun Chuanlian veini chang na alui tho ani.

JOHON 5:23

Hiva jarra mirakip in apa anjak anga anai ham an chit anjak rang, tu achang innom a pasalnai chit le jaklui miha, ajuangtirpu apa ham chitlejak nei lui anni jui.

JOHON 6:14

Mingain atho chuanlian a ngak pa ha an mu karra an luiti, “Suai luia amahi ramuol la chong phuangrang ihongha ani.”

JOHON 6:2

Mitam tak in ama nuk an lui jui, ajarko Jisun mi anatngai a man dam ma chuan a dang a tho ngai ham anmanin an lui mu.

JOHON 6:26

Jisun a sang, “Kein adik tak ki na ri ani; Chuanlian angakpa nan mu jarra nan hong nimak, bulom nan chak, nankhop jarra nang nin nan hong ani.

JOHON 6:30

Anmanin anti, “Keini kannamu phat han nang tak kan na ngai na rang chuan imo ni tho rang?”

JOHON 7:31

Tak-ha mipui karra atam lamin ama tak an ngai jarra an luiti, “Khrista a hong phale, hiva mihi ning itho chuannek chuanlian tho tor nati mo?”

JOHON 9:16

Pharisi aviar in an hong ti, hiva tho pa, mi ha ko Pathian tenna nitornoning; ajarko a man sernikhuo dan ha jui ma, aninom aviar in an hong ti, ijamo siatmikhat in angakpa chuan itho? han anmani masia rupni an suak jui.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 4:17

Hale hiva hapkhat a keinin pongna kan nei ning, ri torluirang ningsatna le lurna ha keini jiang a na pek.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

1 JOHON 5:13

Pathian Pasalnai ha tak nan ngai a nang nin kum sot ring na nan nei jui tihi nan jet thei na ranga kein ki na manjet ani.