JOHON 17:24 - Rabu Athar New Testament (BSI)

²⁴ “O Apa! ramuol na sin mak ma na lungsiat achang jarra mahok lianpui na nanapekjui, hava ang han anmani an mu na rang, kei ka om na han an manijom an om rang hi ka dei.

JOHON 17:24 ပူးပေါင်းရင်းမြစ်များ

MATHIU 25:21

Apuman ama jiang a tam a satjui; takngai jot le asat suak, nang ko phur atomtet han nom takngai rang na om jarra, kein nang ha phurtam tak en na kan na man nei rang ke, na Puma ningsat na sunga hong lut taro a ti.

MATHIU 25:23

Puman ama jiang a hong ti, a tam asajui; takngai jot le asat suak, nang ko phur aviar jak han nom, takngai a om jarra, kein nang ha phur tam tak en ranga na be rang ka ni; na Puma ningsat na han lut taro.

MATHIU 25:34

hava han reng ning a chang tianga a om anmani jiang hong ti nati, hongru, ka pa phuol mungai nang ni, ramuol hong phut lai tenna nang ni ranga an lui varsha rengram ha tum taru.

MATHIU 26:29

Tak-ha kein nang ni jiang kati ka pa rengram nang ni le kanruoia a tharra kanin suam rang nikhuo ha ani maje kein a tun tenna darkha tui inlainoning.”

LUK NING A JIAK CHONGSAT 12:37

Anrengpa a hong karra a suak ngain an menga jalluia imu an khanga an omngai ha ravansat anni. Kein nang ni jiang a thianga ka na ri ani, anrengpan akong khitrep na ta, anmani ha kholai umranga man ongnata, anrengpan an se pa tho rang ani.

LUK NING A JIAK CHONGSAT 23:43

Han Jisu ning ama jiang a ti, “Kei ning nang jiang a thianga ki na ri ani, ve enni nang kei le Paradais hin om suam rang kan ni jui.”

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 12:26

Tu ang mi kei kasepa thojotmi an om inko, na jui rase u, kei kaomna mun han kasuakngai om an om rang ani hale ka pa ning om ka suakngai ha manrit nati.

JOHON 14:3

Han kei chekata nang ni rang omna mun ka sin suale, kei ka omna mun na nang ni omna ranga, Kein vei khat kana hong tuang rangke.

JOHON 15:9

Ka pa ning kei a na lungsiat anga kein nom ka lung a na siat, nang nin ka lungsiat na han om chakru.

JOHON 17:2

Ajarko, nang nin ama jiang mirakip chongtan na ranga ranak na pek ha ama tenna phut mirakip in a tor tibui ring na ranga ani.

JOHON 17:22

Nangle kei pumkhat kan chang ang han, an manijom pumkhat an chang na ranga; ninapek mahok lianpui na ha anmani jiang ka pek ani.

JOHON 17:5

A pa, ramuol na sin mak ma nang jiang mahok lianpui na nileinei, ha ang han, a tun nom namai kunga lianpui na ha na petaro,”

JOHON 6:37

ka Pan ina pek rakip kei jiang hongnanti, kei jiang a hong miha kein luinotchai noning.

JOHON 6:39

Anajuang tirpupa ina man thojot ha hi ani; Aman kei jiang ina pek irakip manmang luia a torna nikhuo han arenga manring kata kimanthuirang ani.

JOHON 8:58

Jisun anmani jiang a hong ti, kein nang jiang adik kari ani, Abraham an nei mak ma ka lui om jui.

1 KORINTH 13:12

Ajarko, mel le mel kan kan mu nek a meng sialla kan kan mu lam a thiang a vat det. Atunko aviar jak ka jet ani, tak-ha nuk a ko kein a renga jet rang kani. Ajarko ama han kei hi a thianga a na jet jui.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

2 KORINTH 5:8

Keini hi thanuam mi khat kan ni. Tak sa om na inn ha mak a Pathian ina om rang kan ni.

PHILIPI 1:23

Aninom, kein Khrista le kan ruai ranga ka dei a ka che inko, hiva anni kong karra, kala om ajarko hi lam hi a khel la asat ha ani.

1 THESSALONIKA 4:17

Hiva suale a ringa ana mak keini ngaihi Thavang a thiang in na chur na ta chung tiang an na tuang rang ke, vanram ma jisu le kan mu kan ti, hale puma ama le phat rakip a om rang kan ni jui.

1 PITAR 1:21

A ma tenna nang ni ning Pathian ha takngairu, ama ning a thi tenna alui kei thuija ama lianpui na aluipek, hava jarra nan takngai nale nan lungdo ngaiha Pathian jiang siakru.

1 JOHON 3:2

Ka manrit ka sap ngai a tunko keini hi Pathian a mi kan chang jui tak-ha imo kan la hong chang rang tihi keinin la jet masing, tak-ha keinin kan jet khat ko. Khrista a juang kando rang pha han keini om puma ama anga ni rang ka ni, ajarko ama a kan sin hei na ang han keini om ni kanti.

MANJETNA 21:22

Kot somleini hi rang ka chak somleini ani, kot rakip ha rang ka chak khat jak in an sin ani, khopui lon na lam ha sana thiang likli anga a var han an lui sin.

MANJETNA 3:21

Kein hivahi ka torna ka pa reng ong na mun na kiong anga hiva a tor mi ngai ning ka kol la ki man ong rang ke, ka reng ong na mun han.