JOHON 17:11 - Rabu Athar New Testament (BSI)

¹¹ Kei a tun na kol la hong rang ka ni; hiva ramuol hin a sot om lai noning, tak-ha anmani ko ramuol hin an la om rang ke, a thiang Pathian na ranak rat na han an manihi na san pekro, nang le kei khat jak kan ni ang hin, anmanijom an ni thei na rang, anmani ha nasel narungpero.

JOHON 17:11 ပူးပေါင်းရင်းမြစ်များ

MATHIU 10:16

“Enru, melang karra nang ni ha belram anga ka na tirke ani, hava jarra rul anga chingru hale vatuktrun anga nan lung man satru.

MATHIU 5:48

Hava jarra vanram ma nan pa lungdo a tung anga nang ni om lungdo tung ha changru.

MATHIU 6:9

‘Hiva jarra hingahin lamru: Vanram ma om kan Pa, na ming thiang chang rase.

JOHON 13:1

Kanna ut nikhuo animak ma Jisun ning a pa jiang a chena rang phathi a nai juiti a jet jui, a man ramuol chunga mirakip alungsiat hi ramuol torna khan na ani.

JOHON 13:3

Jisun a pa lungdo rakip tung na ranga, Pathian tenna ka hong veikhat Pathian jiang kalakirrang tihi a jet.

JOHON 14:20

Hava nikhuo a hong tung phale, kei ka pa jiang ka om, nang nin kei jiang nan om tiha jet nanti.

JOHON 16:28

Kei ka pa tenna ka hong suak a ramuol chunga ka hong jui, hale a tun ko. Kei ramuol mak kata ka pa kol la che rang ka ni.

JOHON 16:33

Nang nin ka pa tenna lunghip lungdai nan mu na rang, kei nang ni jiang kanarijui; ramuol la pong khodeng nan thei tak-ha nan ning sattaru! kein ramuol hin ral ka tor jui.”

JOHON 17:23

Kein anmani jiang ka om, nang in kei jiang naomma, anmani lungdo a tunga pumkhat jak changa, ramuol chunga ninahong tirhi an jet thei na rang, kei ninalungsiat ang han anmanijom lungsiatro.

JOHON 17:25

O, nunchan adik a pa! ramuol min nang na jet ma u hanna anmanin nang in na na juangtir ani tihi an jet jui.

JOHON 17:6

“Ramuol tenna phut na pek hi mingai jet na ranga kein ka tho jui, anmani ha nangtake anni anmanin na chong ha an jui.

JOHON 7:33

Jisun alui ti, “Pha bongkhat jak kein nang ni kana ompuirang a nijui. Hava suale ana hong tirpu ama omna mun han kan le rang kani.

TIRLON 3:21

Irakip veikhat ansinkhir maje, ama ha vanram ma man om nati, hiva jarra Pathian ning a tuan lai tenna ama tashanthei athiangngai baisua amanrijui.

ROM MINGAI JIANG PAUL NING A JIAK CHITHI 12:5

Keini Khrista jiang taksa khat jak kan ni, hale keini kan renga khat le khat kan san tor kan ni.

ROM MINGAI JIANG PAUL NING A JIAK CHITHI 9:17

Chong thiang rabu ning Pharo jiang a ti, kei ning nang jiang ka ranak hi do na ranga hale ramuol pumpuia manthang na ranga, nang ha reng ka na manchang.

1 KORINTH 1:10

U le naingai kein Jisu Khrista minga ka na mathem hi nan renga na jot peru, nan karra kan senna a bing a binga om maru, tak-ha nangni lung khat changa ngaidon khat jak hin om ru.

GALATIA 3:28

Hiva ruia Jiw le Jatdangai le ariang le a nei, numei le pasal nan renga Khrista jiang khat jak nan ni jui.

EPHESIA 4:4

Taksa khat sunga Thavang khat a om anga taksa khat lungdo khat mit en khat chang ranga nangni hi ana lui kui.

PHILIPI 2:9

Pathian ning chung nung tak ama ha a dom sang jui, ming rakip chung nung ming ha a pek jui.

HEBRU 1:3

A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.

HEBRU 9:24

Ajarko adik tak a melpu a miring in kut an sin a thiang han Jisu a lut nimak, a man vanram ma Pathian mai kung a keini rahut a chea tun hin a hong kando ani.

JEMS 4:4

E takngai jot lui mingai, ramuol le sap chang hi Pathian enda ani tihi jet ma che mo? Tu a chang innom ramuol le sap chang rang a dei mi han Pathian a kan enda pui ani.

1 PITAR 1:5

Pathian ranak han a torna phat han hong do ranga kum sot ring na ha, a takngai mingai ranga Pathian ning ana siak pe rang ani.

1 JOHON 3:12

keini ken anga nima rei! a mako Seitan ta ani jarra; ken ning a naipangpa ija mo a that? ajarko, a naipangpa Chuan tho ha adik tak-ha ama chuan tho ha dik mak jarra a sopui a naipang ha a that ani.

1 JOHON 5:19

keini ko Pathian ta kan ni; han ramuol pumpui hin a satmak an khat ning vai ahom nuai a kan om ani tihi keini ning kan jet.

JUD TENNA CHITHI 1:1

Jisu Khrista a suak le Jems a u anai chang pui Jud Kei ning Ka pa Pathian ning lungsiat tak a a kui mingai hale puma jiang a omngai, halle Jisu Khrista ning a san ngai jiang;

JUD TENNA CHITHI 1:24

Atunko, nang ni kutsui kesui, na man nei lui ranga a na om pui ningsat a nan lungdo tung nga ama mai kunga, lianpui tak an na man ngir tor.

MANJETNA 15:4

Puma na ming liana le chit lui le mahok, manpak lui rang mi om nanti mo? Tu ning mo na lian na ha a ri lui rang? Nang jak hi Pathian ha na ni. Jat le phung rakip ning chubei na buk rase u, ajarko na chuan dik ha mitam ning an mu.”

MANJETNA 19:12

Puma ama mit ko mei rui anga a var, ama sana lu khu a tam alu han a hup, ama a mingngai ha a tak chunga a kan jiak, tak-ha ama ni lui a tu khat innom lui pa suak ma u.

MANJETNA 4:8

A ring kut sin rakip in an tha ka rukje a om, anmani an sir an pangam an mit a tam a om, jan le sunna la tho hi bang ma u, “A thiang, A thiang, A thiang Pathian a tor pa ani, alui ni sa Pathian, a tun nom ani, nuk om hale a hong rang ham ama ha ani.”