JOHON 16:3 - Rabu Athar New Testament (BSI)

³ Anmanin kei om ka pa om an na jet mak jarra hiva chuan hi an tho ani.

JOHON 16:3 ပူးပေါင်းရင်းမြစ်များ

LUK NING A JIAK CHONGSAT 10:22

“Hiva chuan rakip hi ka pa ning kei jiang na na ngamnajui, a pa kan chel lui a a nai ha tu mo ani tihi tu ning om jet ma u, ajarko anaipaha tupa naimo tihi tu ning om jet noni u.”

JOHON 15:21

Kei kami nan chang jarra, anmanin i rakip hi tho nanti ajarko, kei a na hong tir pu ha anmanin jet ma u.

JOHON 15:23

Tu anga kei a na matir ama ha ka pa ham a matir ani.

JOHON 17:25

O, nunchan adik a pa! ramuol min nang na jet ma u hanna anmanin nang in na na juangtir ani tihi an jet jui.

JOHON 17:3

Kumsot ringna Puma Pathian jet le adik jet na, hale nang in na hong tir Jisu Khrista ha ani.

JOHON 8:19

Han anmanihan an hong ti, “Napa hon mo a om?” Jisun alui sang, “Nang nin kei ham, ka pa ham jet ma che u; Nang nin kei ha nannajet aninko, ka pa ham nan lui jet rang ani.”

JOHON 8:55

Nang nin ama ha luijetmachu Keinko Kajet, kein ama ha jet making katinko; nang ni anga leiseiha ka ni jui. Tak-ha kein ama ha ka jet a chong om ka jui.

TIRLON 3:17

“Atun e, U le naingai, nang ni nan neipungai ning an thi ang han nang ni ning om jet luia hava nanthoke tihi kein ka jet.

1 KORINTH 2:8

Hiva chingna hi ramuol la alian arang tute khat ning luijet ma u, ajarko anmanin hiva chingna hi an lui nei aninko puma ha thing khros chunga lui that noni u.

2 THESSALONIKA 1:8

Jisu Khrista a chong jui lui mi ha ko mei chunga, Pathian tenna a laak a om nati.

1 TIMOTHI 1:13

A che sa phat a kei ning ani lui chuan ka lui tho a chang innom, Khristianngai manmang rang ka lui ti nom, kein Pathian ha tak ka luingai mak in nom, Pathian ning kei hi ana lungsiat ka tho ngaiha lui kan jet making.

1 JOHON 2:23

Tu ang mi ning A Pasalnai a jot lui rakip ning A pa mu noning; hale A pa jot lui mi ham A pasalnai ha mu noning.

1 JOHON 3:1

Enru i duk han mo Pathian ning a lung a nasiat hi! A man hi ang khan a na lungsiat jarra keini Pathian naingai an na ti jui, ramuol ning Pathian lui jet mak jarra keini ramuol hi lui jet masing.

1 JOHON 4:8

Lungsiat na a nei lui mi ha Pathian jet mak, ajarko Pathian ko lungsiat Pathian ha ani.

1 JOHON 5:20

keinin adik Pathian ha kan jet na rang, a pasalnai ha a juanga jet na ranga a na pek jui. A pasalnai Jisu Khrista, jarra adik Pathian ha keini kan mu jui. Hivahi Pathian tenna kum sot ring na ha ani.