“Enru ka suak rang ka thang ha; ka lungsiat ama jiang ka lungdo a tung, ama jiang kein ka thavang ka thun pe rang ke, hale a man dik na ha jatdang mingai jiang phuangsot nati.
Han miringngai jiang chong rinarang, athisangai le a ring ngai chunga chongtan na rang imanchang ama ha hiva mihike tia shakhi chang ranga a man keini ha chong bena ana nei jui.
Han, adik tho nale a tak lung kan chur an khat om a hong rang chongtana nikhuo ruia Paul ning a hong ripe a; Felik ning a chit a hong ti “Atun chetaro,” kei ning a pha ka mu ret kar han nang ha veikhat na hong kui ret kati.
Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.
A pha bongkhat a om le lunghip Pathian ha ning seitan ha nang ni nan ke kunga manbok nati, keini kan puma Jisu Khrista manrit na ha nan chunga na om pui chak rase.
Hiva jarra puma a hong mak karje chong jenna nei maru, puman ajhinga a om ha a var na han ado rang ke hale an lung rilla an lui ngaidon rakip ha kando na ta mirakip ning Pathian tenna chong pek ha mu nanti.
Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.
Hava phat han nang nin ramuol la asatlui lam ma nan lui che hale ramuol Thavanga ranak ning chung marak a ana lui choi, tak-ha atun ko Thavang Thiang in Pathian chong jui lui ngaiha a chur jui.
A man naipangai a ti ha, miring taksa le thisen choingai a ti jarra, Jisu ama tak han anmani anga an khat a hong changa, miringai a hong chang hale thina ranak neipu seitan ha a torna rang a man hangahan a hong thi jui.
A nem lui chong an phut lung kan kei na rang le Pathian takngai narang baptais le athi thuikhir ret rang kumsot chongtan na rang ruia man kanchu lai ma rei.
Tak-ha a tunna a om ramuol hi ko Pathian ning meija ka tor rang ke tia ala om ani hingahin Pathian jet lui ngaiha chong jen nikhuo hin man mangranga asiak jui.
Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.
A ma hi sum phai chunga a hong hi enru, mirakip ning an la mu rang ke, ama jiang cheia an sun ha a mungai ning om an la mu rang ke, ramuol chunga a om mirakip ning ama ha chitlejak ning dong le kan ruaia an rop an la ben rang ke.