JOHON 15:21 - Rabu Athar New Testament (BSI)

²¹ Kei kami nan chang jarra, anmanin i rakip hi tho nanti ajarko, kei a na hong tir pu ha anmanin jet ma u.

JOHON 15:21 ပူးပေါင်းရင်းမြစ်များ

MATHIU 10:18

Hale kei jarra nang ni ha ram vai hom ulian le rengngai mai kung a animakle jatdang jiang kei ka shakhi ranga na tuang nanti.

MATHIU 10:22

Hale nang ni ha kei ka ming ruia mirakip ning na ma tir nanti, tak-ha a torna khan a dui tor ama ha san ring nati,

MATHIU 10:39

A ringkhuo a kan san ring ama ha mang nati, hale kei ranga a ringkhuo a manmang ama ning mu khir nati.

MATHIU 24:9

Hava han anmanin nang ni ha pong khodengthei na penanti hale nathat nanti, hale jat rakip in ka ming jarra nang ni ha na matir nanti.

MATHIU 5:11

“Kei ruia mingai in an naran, khodengthei jak na, hale non tak nan chunga chong tam tak an narisiat ha ravansat nan ni, nang ni ha kei ka nuk jui nan ni.

MARK 13:13

kei jarra mirakip ning nang ni na-enjot noni u. Tak-ha a torna tunga a khang rat han kan san ring na imu rang ke.

LUK NING A JIAK CHONGSAT 21:12

Hiva rakip a suak suale nang ni ha na chur nanta na manpong nanti. Anmanin nangni ha inn thiang tenna pong na mun ren inna an na thunrang ani, kei karuai ngai nangni hi rengai madonna an na latuang rang ke.

LUK NING A JIAK CHONGSAT 21:17

Hale nang ni ha mirakip ning kei jarra na matir nanti u.

LUK NING A JIAK CHONGSAT 6:22

Miringnai pasal ruia mi ning an na ma tir, asat an na beluingai nang ni ravansat nan ni!

JOHON 15:24

Midang khat in ilatho chuan ha ka lui tho mak a chang inko, anmani siatna lui om noning, tak-ha a tun ko anmanin kei le ka pa om an na mu jui, an na matir om annama tir jui.

JOHON 16:3

Anmanin kei om ka pa om an na jet mak jarra hiva chuan hi an tho ani.

JOHON 17:25

O, nunchan adik a pa! ramuol min nang na jet ma u hanna anmanin nang in na na juangtir ani tihi an jet jui.

JOHON 8:19

Han anmanihan an hong ti, “Napa hon mo a om?” Jisun alui sang, “Nang nin kei ham, ka pa ham jet ma che u; Nang nin kei ha nannajet aninko, ka pa ham nan lui jet rang ani.”

JOHON 8:54

Jisun a hong sang, kei ka thei jak ranga chitlejak ka kan nei inko, havaha iom nimak; kein chitlejak na nei ha ko Ka pa ke ani, amahake nang nin kan Pathian nanti ha.

JOHON 8:55

Nang nin ama ha luijetmachu Keinko Kajet, kein ama ha jet making katinko; nang ni anga leiseiha ka ni jui. Tak-ha kein ama ha ka jet a chong om ka jui.

TIRLON 17:23

Ajarko kei ning hinga ka honga, nang ni chubeibuk na mun ka en na, nan chubeibuk kan bolna achung han “Jet lui Pathian jiang” tia ani ha ka mu, hava nan jet mak nan chubeibuk tak-ha kei ning nang ni jiang kari ani.

TIRLON 26:9

Ka tak innom Nazaret Jisu le kan jot lui chuan hi tho rang tia ka lui ngaidon.

TIRLON 3:17

“Atun e, U le naingai, nang ni nan neipungai ning an thi ang han nang ni ning om jet luia hava nanthoke tihi kein ka jet.

TIRLON 4:17

Aninnom hiva chong hi mingai karra an ria an man thang mak na rang keinin anmani hi man chit tarei.”

TIRLON 5:41

Han anmanin hiva ming jarra pong nale jak na kan mu hi rahui suak ani tia an ning an mansat ulianrupngai tenna an suak jui.

TIRLON 9:14

Hale hivahin nang na ming a kui mingai ha khit na ranga thiampulian tenna ranak ha a hong nei jui ahong mu jui.

TIRLON 9:16

Ajarko, a man kei ka ming jarra i duk khan mo pong khodengtheina inei rang ha, kein ama jiang kimanjet rang ke.

ROM MINGAI JIANG PAUL NING A JIAK CHITHI 1:28

Anmanin an lungdo va an jet lui Pathian ha, mun an pek lui ang han jak na om tak chuan ha tho na ranga Pathian ning ajot lui chuan an lungdo va an tho jui.

1 KORINTH 15:34

Mi aviar ning anti rang ke, athi ngai ha ijamo an hong thui khir? An taksa ko ijamo ati?

1 KORINTH 2:8

Hiva chingna hi ramuol la alian arang tute khat ning luijet ma u, ajarko anmanin hiva chingna hi an lui nei aninko puma ha thing khros chunga lui that noni u.

2 THESSALONIKA 1:8

Jisu Khrista a chong jui lui mi ha ko mei chunga, Pathian tenna a laak a om nati.

1 JOHON 3:1

Enru i duk han mo Pathian ning a lung a nasiat hi! A man hi ang khan a na lungsiat jarra keini Pathian naingai an na ti jui, ramuol ning Pathian lui jet mak jarra keini ramuol hi lui jet masing.

3 JOHON 1:7

Ajarko an khual chena han Khristian mingai jarra a dangjatngai jiang ite khat lui luia an che lam asat ke ani.

MANJETNA 2:3

Nang in na khang thei, kei ranga khodengthei na rakip han nom lui bang chil ma che.