JOHON 14:6 - Rabu Athar New Testament (BSI)

⁶ Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.”

JOHON 14:6 ပူးပေါင်းရင်းမြစ်များ

MATHIU 11:27

“Irakipngai hi ka Pan kei jiang ana pe jui, tu khat in nom a pa ni lui a a nai ha jet ma u, animakle a nai ni lui a tu khat innom a pa ha jet ma u, hale a nai ha ning ama jiang risuak ha an nei ni lui a tu khat innom a pa ha jet ma u,

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 1:17

Mousi jiang anphut chongjen narang chong apek, tak-ha Jisu Khrista jiang anphut lungsiat manrit nale adik ha alui hong suak ani.

JOHON 1:4

Pathian jiang ringna chong alui om, hale hava ringna ha miring ngai ranga var alui ni.

JOHON 10:28

Anmani ha kumsot ringna ka pek; thichil lai noni u; Kei jiang tenna tu khat jak innom na sut tor noni u.

JOHON 10:7

Jisun vei khat avatiret, “Kein adik tak kinari ani; belram ranga kot ha ka ni.”

JOHON 10:9

Kei kot hakani kei jiang a hong rakip ring na mu nanti; hong lut nati suak nati hale khop nati.

JOHON 14:19

A pha bongkhat ko ramuol in keihi namulai noning, tak-ha, nang ninko na mu nanti, kei ka ring jarra nang ni om ring nanti.

JOHON 15:1

“Kei darkha kung ha Kani, han ka pa ning rahuan tho pa ani.

JOHON 18:37

Han Pilat in ading kelret, han ko “Nang rengko na ni mo?” Jisun a sang, “Reng na ti ha kei kani, hiva ranga kei nai ka hong changke ani, hale adik chong ngirna rang jarra hiva ramuol la kihong ani, adik mingai ning kei ka chong ha an jet.”

JOHON 5:21

Ajarko apahan athi ngai ha aman ringkhirra amanthui, hava ang han nai han nom aman ringkhirjot, anmani jiang ringna a pek.

JOHON 6:33

Pathian ina pek bulom ha ko chung van na anphut a hong ama ha ani, a man ramuolla ringna a na pek.”

JOHON 6:51

Kei chung vanna anphut ahong ringna bulom ha kani. Tu a chang innom hiva bulom a nek miha kumsot ring nati. Hale kein ama jiang ki pek ranga bulom ha ka taksa ani, hivahi ramuolngai ring na rang ka pek ani.”

JOHON 6:57

A ring chak ka Pan kei inahongtir, hale kein ama jarra ka ring. Hava ang han tu achang innom kei anachak miha kei jarra ring nati.

JOHON 6:68

Simon. Pitar nin a sang, “Puma tu jiang mo kan che rang?” Nang jiang ko kumsot ringna chong ha a om.

JOHON 8:32

Nang ni adik ha nan jet rang ke, hale adik ha ning na san nati.

JOHON 8:51

Kein adik ha kari ani, ka chong ri angai rakip in thino ni u.

TIRLON 3:15

Hale nang nin ringna neipu lam nan that jui ama ha Pathian ning a thi ngai kar tenna a man ringkhir jui, hiva arui ajarra keini shakhi kan om.

TIRLON 4:12

Tu khat jiang om kan san ringna siat ngaidam nahi om mak; ajarko hava tenna an phut keini na san na rang hi a na pek ama ming niluia chungvan thuaija om ma.”

TIRLON 9:2

Hiva lam ajui tu angpui pasal animakle numeingai ha ka mu inko, anmani ha ka churra Jerusalem ma kahong tuang na rang Damaskas Sainagok sunga chuan tho ngai jiang pek ranga chongsan che na pero tia ama jiang a lam.

ROM MINGAI JIANG PAUL NING A JIAK CHITHI 15:16

Thavang thiang in iman thiangsa jatdangngai ha Pathian ning ana jot pe na rang kei ning thiampu anga Pathian asat chong ruia chuan ha ka tho.

ROM MINGAI JIANG PAUL NING A JIAK CHITHI 5:2

Kan puma jarra keinin kan ngir na manrit na han kan takngai na lutna ranga kan mu jui, hale kein in Pathian lianpui na han tum suam ranga kan mu rang ke tia kan ning asat.

ROM MINGAI JIANG PAUL NING A JIAK CHITHI 5:21

Tak-ha thina ha ning siatna reng anga a ong om ma manrit na ning keini kan puma Jisu Khrista jarra a tor ti buia ring na ranga dik na jar han reng anga om na ranga siatna bil han manrit na ning a khel la a hong tamjui.

1 KORINTH 15:45

Hi aninom Thavang omchan chena ha a rapa a hong nimak, taksa omchan lam a rapa a hong ani hale Thavang omchan ahong ani.

EPHESIA 2:18

Jisu Khrista jarra kan renga Jiw le jatdangai le puma madonna khat jak a kan om tor jui.

KOLOSIA 2:17

Hiva ngaihi ahong suak rang aramil ke, tak-ha a tak khet ha ko Khrista ha ani.

KOLOSIA 2:9

Hiva jarra Khrista jiang a mi lungsiat na lungdo tunga Pathian a chang torna ha a om.

KOLOSIA 3:4

Nang ringkhuo adik tak ha ko Khrista ke ani, a man a hong kando pha, nang ni jom nan kando rang ke, hale ama lianpui na ha nan tum suam rang ke.

HEBRU 7:25

Hale aman tu nom kum sot ama jiang an phut Pathian jiang a hong nan ta kum sot ring na a tho tor, ajarko ama kum sot aring chak jarra anmani ranga Pathian jiang a lam pe chak jui.

HEBRU 9:8

Biakinn tual tiang han ala ngir kar je mun a thiang chung nung hong na rang lam ha ala kan khar ke tia, hiva chuan var na ngai jiang an phut a Thavang Thiang han a thiang hiaia ana manjet jui.

1 PITAR 1:21

A ma tenna nang ni ning Pathian ha takngairu, ama ning a thi tenna alui kei thuija ama lianpui na aluipek, hava jarra nan takngai nale nan lungdo ngaiha Pathian jiang siakru.

1 PITAR 2:4

Hongru ama jiang a ring chak a om lungpui ha mingai ningko dei ma u, tak-ha Pathian mit en na ko a thang sa aman tam tak khat ani,

1 PITAR 3:18

Khrista ning alui thi vei khat jak a thi han chuan sat tho anga siat nei ngai rakip rahut a Pathian jiang tung thei na ranga, a taksa thina alui nei, tak-ha Thavang Thianga ring na ana man nei jui.

1 JOHON 1:8

Keini siatna neimaksing kan ti inko keini leisei kan ni, hale kan chunga adik ha om mak.

1 JOHON 2:23

Tu ang mi ning A Pasalnai a jot lui rakip ning A pa mu noning; hale A pa jot lui mi ham A pasalnai ha mu noning.

1 JOHON 5:20

keinin adik Pathian ha kan jet na rang, a pasalnai ha a juanga jet na ranga a na pek jui. A pasalnai Jisu Khrista, jarra adik Pathian ha keini kan mu jui. Hivahi Pathian tenna kum sot ring na ha ani.

1 JOHON 5:6

Jisu Khrista ha a juanga tuija alui lut han thisen luanga a thi jui ama tuija a hong chang luia tak sa le tui le thi sen hale a bing jak a man kan thianga adik jui ajarko, a thavang ha adik ani,

2 JOHON 1:9

Tu a chang innom Khrista ning ana manjetna a om luia a khel thak a om miha Pathian ha nei mak. Tu a chang innom Khrista manjetna han a om mi han a pa le anai pasal anni nia an nei.

MANJETNA 1:5

Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.

MANJETNA 19:11

Hiva suale kein vanram kot inn khar a kan long ha ka mu, han sakor ngui khat alui om, hava sakor a chuang pa ha chong ngaile adik anti, adik lam ma a man ral a tho.

MANJETNA 20:15

Tu ang khat hiva rabu hin an ming a om lui ngaiha ko hiva mei khurra an thun ra ng a suak.

MANJETNA 22:1

Thaneithiang in ring na tui pui a var an khat Pathian ong na tenna a hong suak ha a na man mu.

MANJETNA 22:17

Thavang le mui thar nu ning anti. “Hongru hiva a jet ngai ning om ti rase u. Hongru, a tui ral rakip ning hongru, ring na tui hi in rase u.”

MANJETNA 3:14

“Laodesia biakrup a thaneithiang jiang jiakro,” “Hiva chong hi Pathian a jui adik tho pa ama jiang tenna ani, Amen, ama hi Pathian kut sin rakip karra a phut na ha ani.”

MANJETNA 3:7

Philadelphia biakrup thaneithiang jiang jiakro, hivahi a thiang le adik ama tenna chong pek ani, ama jiang David a sow a om, ama ning a long karra tu khat innom khar thei noni u, hale a man a khar karra tu khat ning om long thei noni u.