JOHON 14:26 - Rabu Athar New Testament (BSI)

²⁶ Nang ni ranga ka pa ning, santheina an khat hong tir nati, a man kein kaluiri rakip na manchu nati.

JOHON 14:26 ပူးပေါင်းရင်းမြစ်များ

MATHIU 1:18

Jisu Khrista hingahin nai a hong chang, a nu Mari ha Josep ranga anluikhappe, tak-ha mun an kan chun mak ma Thavang Thiang tenna nai a von tihi an lui jet.

MATHIU 1:20

Ha ang han a lung sunga a ngaidon lai Puma thaneithiang ning a manga ama jiang alui hongkandoa a ti “David a pasalnai Josep, Mari na lomnu manchang ranga chit maro, ajarko, anaivon hi Thavang Thiang tenna ani.

MATHIU 28:19

Hiva jarra cheru, jat rakip jiang thiamruoi sinru; anmani ha a pa, a pasalnai le thavang thiang minga tuija baptais man thoru.

MATHIU 3:11

Nanlungthul ha jet na rang kein tuija baptais ka na man tho tak-ha, kanuk a ahong pako a lian ranaknei ani, kein a kekok choi rang tenna rahui nei making. A ma ningko, nang ni ha Thavang Thiang le meija baptais namantho nati.

MARK 12:36

David ha thavang thiang in aphuk amansanna, amanri suak; ‘Pumahan ka Puma jiang a ti, a na-endangai ha na ke thuaia kasiakmak kar je, ka chang tiang hin ongro.’

MARK 13:11

Anmanin nang ni annachura nan chongtan rang an na peklut pha, imo kanrirang tia a masat tak nan ning man dong maru; a phat a hong tung han nang ni nanrirang chong ha Thavang Thiang in irirang ani.

LUK NING A JIAK CHONGSAT 1:15

Ajarko ama hi Pathian mit en na a tam liannati, hale Ju om innoning, ama hi a hong kan jir tenna an phut Thavang a thiang le a hong kan ruai ani.

LUK NING A JIAK CHONGSAT 1:35

Thaneithiang ning a hong sang, “Pathian in na chunga thavangthiangha a hong tir rang ke, hiva jarra naitepa Pathian nai ke anti rang ani.

LUK NING A JIAK CHONGSAT 1:41

Meri ning chubei a hong pek ha a jet karra, Elizabeth a von sunga a om nai ha alui kanchomjui, Elizabeth om a thiang thavang ning aluiruai.

LUK NING A JIAK CHONGSAT 1:67

Johon a pa Zakhariahi Thavang Thiang ning aruaija Pathian chong alui risuak;

LUK NING A JIAK CHONGSAT 11:13

Hiva jarra nang nin a satlui ha nan lui ninnom nan naingai jiang phursat a pek nan thei aninko, chunga a om nan pa Pathian ning a khel la a lam mingai jiang thavang thiang le kan ruai a ipekrang ani.

LUK NING A JIAK CHONGSAT 2:25

Hava phat han Simon anti mi khat Jerusalem ma alui om, ama hi Pathian chitlejak neikhat ani; Israel ngaihi puma ning san ring thei na ranga aluingakchak Thavang Thiang ning a chunga alui om pui.

LUK NING A JIAK CHONGSAT 24:49

Han enru ka pa ning a chong ngir na ha kein nang ni jiang kavatir; tak-ha chung tianga ranak ha nan chunga a hong mak karje nang nin hiva khopui hin ngaktitru.

LUK NING A JIAK CHONGSAT 3:22

Thavang Thiang ning khunu anga a honga, Jisu chunga a om, han vanram tenna an phut chong khat a honga, “A ma hi kei ning ka lungsiat ka pasalnai ha ani, ama jiang ka lung a be ka lungdo a tung.”

JOHON 1:33

Hiangkhan kein lui jet making, tak-ha baptais ka man tho ranga a na hong tir puma han ana ti, nang in thavang ha mi ankhat chunga alui hong chumma a om ni mu rang ke; Ama ning Thavang Thianga baptais namantho nati.”

JOHON 12:16

A thiamruoi ngainko hava phatak hako lui jet ma u tak-ha Jisun lulian banlian tak a mu suale, ama jiang isuok rakip ruia an ngaidonjui.

JOHON 14:16

Kein ka pa jiang lamkata hale a man nang ni a na san rang le a na om pui theng pet rangkhat na pek nati.

JOHON 14:25

Hiva hi “Kein nang ni le ka om lai kinari ani.”

JOHON 15:26

A pa tena a nasan rang ha adik thavang a hong karra puma ama ning kei ranga shakhi chong ngir na nei nati.

JOHON 16:7

Tak-ha, kein nang ni jiang adik tak ka na ri ani, kei ka che rang hi nang ni ranga asat ani; ajarko kei kachemak a chang inko anasanrangpa nang ni jiang hongnoning; tak-ha kei ka chea chang inko ama ha kein nang ni rang ki na hong tirpe rang ke.

JOHON 2:22

A ma thina tenna anphut a thui khirsua phat han, thiamruoingain hiva iluiri hi an lui ngaidon; hale anmanin chong adik hale a man a luiri chong ha tak an luingai.

JOHON 20:22

A maning anmani ha phuk asa thuan na a ti, a thiang thavang ha muru.

JOHON 6:45

Chong phuang ngain hingahin an lui jiak, “Pathian in mirakip iman jet luininati, tu achang innom ka pa jiang anphut chong a jet, ankhat om akan chu miha kei jiang a hong ani.”

JOHON 7:39

Jisun hiva irihi ama tak angai mingain nuk a thavang imunarangha iluiti ani; ajarko ama lianpui na iluimumak jarra, thavang ha hava laitak lui hong pe mak.

TIRLON 1:2

Jisu vanram akalmak kar je a man a thiamruoi chang ranga athang suak mingai ha Thavang Thiang ranak han chong alui pek.

TIRLON 1:4

A man anmani le a om suam lai han chong pek na a neia, a ti, “Nang nin Jerusalem hi makmaru ka pa ning kutchoi a na pek mak kar je.

TIRLON 1:8

Tak-ha Thavang Thiang ning nan chunga a hong pha han nang nin ranak nan nei rang ke, han nang nin Jerusalem ma, Judia pumpuia Samarija le ramuol mongna khan na ka shakhi nan chang rang ani.

TIRLON 11:16

Han kein ngaidon na ka hong nei, Puma chong riha, tiko Johon ning tuija baptais a na man nei, tak-ha nang niko Thavang Thianga baptais nan nei rang ke.

TIRLON 13:2

Anmanin Pathian chuan an tho va bu han ngeipha Thavang Thiang in anmani jiang a ti, “Barnabas le Saul hi chuan tho ranga kein ka kui jui hiva jarra anmani hi kei ranga na khuisen peru.”

TIRLON 13:4

Hinga hin Thavang Thiang in Barnabas le Saul ha a hong tir ani jarra Silusia tiang an hong chumjui. Hava tenna veikhat Saipras tuichung tiang rokuang an chuanga an hong jui.

TIRLON 15:28

Ajarko, hiva kan kan jot na chongngai hi niluia a dangngai ha nang ni jiang phurrikna anga pek lai ma rei tia kan kan jot jui.

TIRLON 15:8

Mi lungdo a jetor Pathian ning keini jiang i lui tho ang han, anmani jiang om Thavang Thiang ha a pek shakhi a chang jui.

TIRLON 16:6

Anmanin Phirigija le Galatia ramngai ha an hong kan jui; ajarko thavang thiang in Asia ram sunga chong ha lui man rijotma.

TIRLON 2:33

Hiva jarra Pathian kut chang tiang han a dom mansanga hale Thavang thiang ka na pek rang ke tia shakhi alui pek ha a pa tenna a mua, nang nin nan mu le nan jet hi a man i hong bun thuan ke.

TIRLON 2:4

Han Thavang Thiang ning anmani ha a ship, Thavang ning imanrijot nuk juia anmanin chongdang ri an hong phutjui.

TIRLON 20:28

Puma thisen tak in a chok jui Pathian biakinn ha don na rang le vaina ranga, nang ni nan masia le nan renga rup rakip in nan lung manlutru; Thavang Thiang in hava rup rakip lam kairuai ranga nang niha a na manchang jui.

TIRLON 20:35

Irakip kein nang ni jiang ka balamma ki tho anga ka tho jui, “Tiko ha ang han nang nin nan tho va a torlui ngaiha nan san rang hale Puma Jisu chong ha nan ngaidon rang a suak jui.” Ajarko, a man hingahin alui ti; “Lui nek inko pek lammin a khel la ravansat ani.”

TIRLON 28:25

Hiva ruia anmanin an kan jot mak jarra kan senna an nei jui, han an kan sen mak ma han Paul ning anmani jiang chongkhat alui ri, “Thavang Thiang in alui rilla adik ke tiko nang ni nan pa nan pungai jiang Pathian tashanthei Isaia jiang asat iluimanrila;

TIRLON 5:3

Han Pitar ning a hong ti, “Anania, nang in thavang thiang jiang leisei rinarang le ram na juor a man ha herkhat thup na ranga, ijarra mo seitan ha na lunga nimanship?”

TIRLON 7:51

“Nang ni arieng ngar mingai, nan lunga le nan kuorra vun tan luingai, nang nin a phat rakip Thavang Thiang ha jotma che u, nan pa nan pungai ning an lui tho ang han, nang nin nom nan tho,

TIRLON 7:55

Tak-ha a mako Thavang Thiang in a sip marra, chungvantiang a enchiak han, Pathian ma hok lian nale Jisu ning Pathian chang tiang han a ngir ha a mua,

ROM MINGAI JIANG PAUL NING A JIAK CHITHI 14:17

Jetru Pathian ram ko chak le nek na nimak, tak-ha thavang thianga dik nale lunghip, ningsat ha ani.

ROM MINGAI JIANG PAUL NING A JIAK CHITHI 15:13

Thavang thiang ranak han nang ni jet chichiak nan lungdo ha hong khel na ranga Pathian ning nan takngai na ha ningsat nale lunghip na rakip nangni ha na mansip rase.

ROM MINGAI JIANG PAUL NING A JIAK CHITHI 15:16

Thavang thiang in iman thiangsa jatdangngai ha Pathian ning ana jot pe na rang kei ning thiampu anga Pathian asat chong ruia chuan ha ka tho.

ROM MINGAI JIANG PAUL NING A JIAK CHITHI 5:5

A thianga kan ngaidon jarra keini ha na man jakma, ajarko keini jiang i na pek thavang thiang tenna keini lung sunga Pathian lungsiat na ha a na bunthuan.

1 KORINTH 12:3

Hiva jarra Pathian Thavang tenna chong ri mi khat ning Jisu hi kho khong amu ani ti ma che u, hale Thavang Thiang jarra Jisu hi Pathian nai ani ti om ti tor ma che u, tia kein nang ni jiang ka na manjet ani.

1 KORINTH 6:19

Pathian Thavang Thiang ha nan sunga a om tihi nang nin jet ma che u mo? Nan tak sa ha nan thei ja nan ta nimak.

2 KORINTH 13:14

Jisu Khrista a mi lungsiat thei nale Pathian lungsiat le thavang thiang kan chun na ha nan chunga om rase.

2 KORINTH 6:6

Pathian chuan tho khat changa keinin lung thianga, chingtheile, khang theina chuansat tho hale Thavang Thianga lungsiat ha kan nei.

EPHESIA 1:13

Hale Pathian chongsat ha nan jet tenna phut ama anai nan hong ni jui.

EPHESIA 1:17

Jisu Khrista pa Pathian jiang kein ka lam, a man Thavang Thiang na pek nata chingna nei nanti hale Pathian ha nangni jiang hong kando na ta jet nanti.

EPHESIA 4:30

Pathian tenna ahong Thavang Thiang ha man pong maru nan sunga a om thavang ha nang nin a selpu nan ni Pathian ning a masua rang phat a la hong rang ke.

1 THESSALONIKA 4:8

Hiva jarra tu an khat ning chong pek ajui lui aninko miring chong pek ajui lui nimak, thavang thiang ana pek puma chong pek ajui lui ani.

2 TIMOTHI 1:14

Hiva A thiang Thavang ha keini jiang a om, asat phur ha nang ni jiang a na pek jui.

TITAS 3:5

keinin adik chuan kan tho jarra nimak, tak-ha Puma mi lungsiat thei jarra; keini ha vei khat a tharra nai changle ana rasuk thianga, Thavang thiang in ina man thar jarra ana san ring jui ani.

HEBRU 10:15

Ajarko Thavang Thiang in nom shakhi a pek; hava ni khuongai ha a theng suale, kein anmani le chong shakhi kan nei rang ani.

HEBRU 2:4

Hava lai han Pathian in tho torna at om tak le a dang dang manjetna ngai ranak rat na han anmani chunga a tho de ani, hale a man a lungdo nuk juia Thavang Thiang kutchoi ha an chunga a sem de jui.

HEBRU 3:7

Ajarko Thavang Thiang in a ti anga, nang in ve enni Pathian rasa na jet inko.

HEBRU 9:8

Biakinn tual tiang han ala ngir kar je mun a thiang chung nung hong na rang lam ha ala kan khar ke tia, hiva chuan var na ngai jiang an phut a Thavang Thiang han a thiang hiaia ana manjet jui.

1 PITAR 1:12

Pathian ning a luiti hiva rakip hi Pathian tashantheingai lian na ranga nimak nang ni ranga ani, anmani ning an lui ri, nang ni ning a tun nan jet ngai hi, vanram tenna Thavang Thiang ngai ning an hong choija hale Pathian tashantheingai ning an na manjet ani.

2 PITAR 1:21

Pathian tashantheingai ning an lui ri ha mi tenna a hong nimak, tak-ha mingai chunga athiang thavang ning alui chuanga, anmani ning an ri ngaiha Pathian tenna ahong ani.

1 JOHON 2:20

Tak-ha nang nin Khrista ning a na juang bunthuan Thavang ha nan lui nei a chang jarra adik ha nan renga nan jet jui.

1 JOHON 2:27

Tak-ha nang ni ranga Khrista thavang ha a na bunthuan jui. Thavang ha nan chunga a om lai lim tu in nom na man chu rang hi ngai mak adik ruija le adik lui ruia. Thavang in ana manjet na ngaiha jui nang Khrista jiang om chakru.

1 JOHON 5:7

Hiva hin shakhi an thum alui om;

JUD TENNA CHITHI 1:20

Tak-ha, ka sap ka jar ngai nang niko ruk chian na nan takngai na han asat a ngirru, Thavang Thiang ranak ha lam na neiru.

MANJETNA 2:11

Thavang ning biakrup a ri chong ha na kuor a om inko ngairu, chung suak na an nei, (anmani ha veini chang na thina han nom tok lai noni u).