JOHON 1:33 - Rabu Athar New Testament (BSI)

³³ Hiangkhan kein lui jet making, tak-ha baptais ka man tho ranga a na hong tir puma han ana ti, nang in thavang ha mi ankhat chunga alui hong chumma a om ni mu rang ke; Ama ning Thavang Thianga baptais namantho nati.”

JOHON 1:33 ပူးပေါင်းရင်းမြစ်များ

MATHIU 3:11

Nanlungthul ha jet na rang kein tuija baptais ka na man tho tak-ha, kanuk a ahong pako a lian ranaknei ani, kein a kekok choi rang tenna rahui nei making. A ma ningko, nang ni ha Thavang Thiang le meija baptais namantho nati.

LUK NING A JIAK CHONGSAT 3:16

han Johon ning a ti pe, Kei ning nang ni hi tuija baptais ka na man tho; tak-ha kanuk a hong rangpa hi ko kei nek a lian a rang khat ani, kei ning ama kekok arui orang tenna ka rahui chang mak. A ma ning Thavang Thiang le meija baptais namantho nati.

JOHON 1:31

Kein ama tumo ini rang luijet making, tak-ha Israel mingai ning ama anjet na ranga baptais amantho na ranga kei kahong ani”

JOHON 14:26

Nang ni ranga ka pa ning, santheina an khat hong tir nati, a man kein kaluiri rakip na manchu nati.

JOHON 3:34

Pathian in ihongtir mi han, Pathian chong a ri, ajarko Pathian in ama chunga arathaha lungdo tunga alui pek.

JOHON 3:5

Jisun a sanga, “Kein nang jiang adik tak ka na ri ke ani, tui le thavang an phut akanjirmak miha tuachang in num Pathian rengram lut tor noniu.

JOHON 7:39

Jisun hiva irihi ama tak angai mingain nuk a thavang imunarangha iluiti ani; ajarko ama lianpui na iluimumak jarra, thavang ha hava laitak lui hong pe mak.

TIRLON 1:5

Ajarko Johon ning tuija baptais, tak-ha nikhuo sotchil lui a Thavang Thianga baptais tho rang nani jui.”

TIRLON 2:4

Han Thavang Thiang ning anmani ha a ship, Thavang ning imanrijot nuk juia anmanin chongdang ri an hong phutjui.

1 KORINTH 12:13

Hiva anga keini rakip hi Jiw mo, jatdangai mo, suak mo, kan chong pa mo, Thavang Thiang in tuilutna a na man nei a tak khat a na man chang jui. Keini rakip sunga Thavang ana thun pe jui.