JOHON 1:14 - Rabu Athar New Testament (BSI)

¹⁴ Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 1:14 ပူးပေါင်းရင်းမြစ်များ

MATHIU 1:16

Jakob a nai Josep Meri a lompa, “Khrista” om anti Jisu a nu ha Meri ani.

LUK NING A JIAK CHONGSAT 2:11

“Ve en ni nang ni ranga San ringpa an khat David khopuia nai a chang jui, a ming ko Khrista puma ani.

LUK NING A JIAK CHONGSAT 2:7

Hingahin Merining pasalnai nai a rapa a nei jui, hale puan na an chun na Serat chak na kheng kuanga alui manjaljui, ajarko anmani ranga mun atong lui om mak.

LUK NING A JIAK CHONGSAT 9:32

Han Pitar le a kan ruaipui ngai han imu anvuangjui, hale an hong har karra Jisu a lian na ha an lui mu, ti ko mi anni ning an ngirra Puma ha an lui ngak.

JOHON 1:1

Arapatak chong ha alui om, chong ha Pathian le alui om suam, chong ha Pathian alui ni.

JOHON 11:40

Jisun Numeinu jiang a ti, “Nang na takngai na a om inko Pathian lianpui na nimurangke ka na ti nimak mo?”

JOHON 14:6

Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.”

JOHON 14:9

Jisun a hong sang hiduksot kein nang ni le kaomjui, hale, a tun tenna nilajet lui mo Philip?

JOHON 17:22

Nangle kei pumkhat kan chang ang han, an manijom pumkhat an chang na ranga; ninapek mahok lianpui na ha anmani jiang ka pek ani.

JOHON 17:24

“O Apa! ramuol na sin mak ma na lungsiat achang jarra mahok lianpui na nanapekjui, hava ang han anmani an mu na rang, kei ka om na han an manijom an om rang hi ka dei.

JOHON 18:37

Han Pilat in ading kelret, han ko “Nang rengko na ni mo?” Jisun a sang, “Reng na ti ha kei kani, hiva ranga kei nai ka hong changke ani, hale adik chong ngirna rang jarra hiva ramuol la kihong ani, adik mingai ning kei ka chong ha an jet.”

JOHON 2:11

Hava chuanlian angakpa amasat itho hi Galili ram ma kana khuo a alui tho ani. Hava mun na ama lianpui na aphuanga thimruoingain ama takngai na anlui nei.

JOHON 3:16

Ajarko Pathian in hiva ramuol hi a lungsiat jarra a pasalnai ankhatjakha ana pek jui. Tu aninnum ama takngai rakip in amangti om noning, tak-ha kum sot ring na nei nati.

JOHON 3:18

Tu anin nom Mi Pasalnai takngai rakip ko chongtan na om mak, hale tu a chang innom takngai lui rakip ko chongtansa ani jui.

JOHON 6:51

Kei chung vanna anphut ahong ringna bulom ha kani. Tu a chang innom hiva bulom a nek miha kumsot ring nati. Hale kein ama jiang ki pek ranga bulom ha ka taksa ani, hivahi ramuolngai ring na rang ka pek ani.”

JOHON 8:32

Nang ni adik ha nan jet rang ke, hale adik ha ning na san nati.

TIRLON 13:33

Tiko, Pathian ning Jisu ha a man ring khirra, keini kan naingai jiang a man tung jui, hi ang hin anni chang na. La rabu han hinga hin a kan jiak, “Nang ko ka pasalnai nani, ve enni ka na nei jui.”

ROM MINGAI JIANG PAUL NING A JIAK CHITHI 8:3

Ajarko taksa le dan ani tir lui ha Pathian ning a pasalnai khat jak ha siat nei taksa ang hin siatna ranga a hong tir jui, taksa jiang siatna ha a man nei jui.

ROM MINGAI JIANG PAUL NING A JIAK CHITHI 9:5

Pu le pangai ham anmani tenna anni taksa tiangam Khrista ha anmani sung tenna ani, Pathian ko i rakip chunga a om le kan ruaia a tor ti buia manpak rang a suak, Amen.

1 KORINTH 15:47

Ramuol simleia an sin ha ko, ramuol simlei anga ani rang ke, Vanram ma an sin ha ko vanram ma ahong anga anti rang ke.

2 KORINTH 12:9

Tak-ha a man kei jiang a luiti “Kein nang chunga lungsiat theina ka nanei han nang rang ko ajot jui ajarko kei ranak ning na sual rakip ha a man rat jui.” Kein Khrista jiang ningsat tak a ka sual na hin ka manpak rang ani. Ajarko Khrista ha ka sunga a om chak.

GALATIA 4:4

Tak-ha a phat asat da ahong tung karra pathian in anai ha alui hong tir numei tenna nai achanga Jiwngai chena dan thuaija alui om.

EPHESIA 3:8

Keihi mi thiangai karra asin tak kani nom tok a mu torlui rang Jisu Khrista a chongsat ha jatdangai jiang ana manri.

KOLOSIA 1:19

Ajarko, a nai ha ning a binga Pathian chang torna lungdo inei ha Pathian in a man sat ani jui.

KOLOSIA 2:3

Puma Pathian jiang ching na thei na, irakip a kan thup a alui om.

KOLOSIA 2:9

Hiva jarra Khrista jiang a mi lungsiat na lungdo tunga Pathian a chang torna ha a om.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

HEBRU 1:3

A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.

HEBRU 1:5

Ajarko Pathian in thaneithiangngai an khat jiang om hingahin, ka nai na ni; Ve enni kei na pa ka chang jui ke, “timak ani animakle Pathian in thaneithiang an khat jiang, kei a pa chang rang ka ni, Hale ama ka nai chang rang ani,” timak.

HEBRU 10:5

Hiva jarra Khristan ramuol chunga a hong rang tiang a man Pathian jiang a ri, “Nang in kan bol la an khat ha dei mak che, tak-ha, kei ranga tak sha an khat na na kan ning pe jui.”

HEBRU 2:11

A man mingai an siatna an phut a man thiang jui, hale a man thiang ngai hale a man Pa an khat jak a neisuam jui, hiva jarra Jisun anmaningai ha ka sap ka jar ngai ti rang hi jak na nei mak.

HEBRU 5:5

Hale a kan ang rip Khrista ning om Thiampulian tak an khat achanga chit jak na ha abinga kan lui mak. Tak-ha Pathian ning a ti nang ka nai na ni; ve enni kei na pa ka chang jui.

1 JOHON 4:14

Pathian ning a pasalnai ha ramuol san ring na rang a juang tirha Keini ning kan mu jui, hale midangngai jiang om kan ri jui.

1 JOHON 4:9

Keini ring na kan nei thei na rang, Pathian ning keini ana lungsiat na a pasalnai an khat jak ramuol chunga ana juang tirpe ani,

2 JOHON 1:7

Ramuol chunga leisei mitam tak an om jui, ajarko anmani ning Jisu Khrista ha ramuol la miring anga a juang tiha jot ma u hava mi leisei rakip ha Khrista enda anni.

MANJETNA 19:13

A kan khit na rui ha thisen ning alui khu, ama mingko Pathian chong ha anti.

MANJETNA 21:3

Kein rasa a ring tak khat reng ong na mun tenna ka jet, “Atunko Pathian om na hi mingai karra ani jui, a man mingai le om rang ani jui. Anmani ha ama mi chang rang an nijui, Pathian nom anmani le Puma Pathian chang rang anni.