JEMS 2:5 - Rabu Athar New Testament (BSI)

⁵ Ka lungsiat ulenaingai, hiva ramuol chunga ariangke tia nan ngaidon mingai ha Pathian in Thavang Thiang takngai ranga athang suak ani, hale ama rengram ha man tum na ranga a thang suok jui.

JEMS 2:5 ပူးပေါင်းရင်းမြစ်များ

MATHIU 11:5

Mitdelngain an mu, hale kekiakngain an lonthei jui, pangphar tongngain an thiang jui, hale a kuorsepngain rasha an jet jui, a thi ngai om an ringkhir jui, hale a ring ngai jiang chongsat ha an manjet jui.

MATHIU 25:34

hava han reng ning a chang tianga a om anmani jiang hong ti nati, hongru, ka pa phuol mungai nang ni, ramuol hong phut lai tenna nang ni ranga an lui varsha rengram ha tum taru.

MATHIU 5:3

“Thavang a a riangai ha ravansat anni; ajarko vanrengram ha an manita ani!

MARK 7:14

Hava suale Jisun mipui ngaiha akuiret anmani jiang a ri, “Nangrenga ka chongngai unlang jetru.

LUK NING A JIAK CHONGSAT 12:21

Pathian tianga lalle thum neiluia an tak rang jak lal a buk ngaiha hingahin ani. Jisun chong ri ha a tor jui.

LUK NING A JIAK CHONGSAT 12:32

Chitmaru rup asintengai, ajarko nan pa ning nang ni jiang rengram inapekhi ama lungdo ani.

LUK NING A JIAK CHONGSAT 16:22

Hingahin bulampa Lazarus ha a thi jui. A thiang thavang ning chungvan na Abraham a rop chunga an man om jui. Hale kanchongpa ham athia an phumjui.

LUK NING A JIAK CHONGSAT 16:25

Han Abraham ning a sanga, ka nai nang ko ramuol la simlei chunga nalenglai ahuinaha rakip ha ka na pe jui, Lazarus ning pongna rakip alui mu, hiva jarra ama ning atun hin imanhui ani, nanglam nipong rang ani jui.

LUK NING A JIAK CHONGSAT 22:29

Hale ka pa ning kei jiang Pathian rengram en ranga ana pek anga, Kein nom nang ni ha ka na pek jui.

LUK NING A JIAK CHONGSAT 6:20

Jisu ning a thiamruoingai ha a en na a ti, “Ariang khodengtheingai ha ravansat nan ni! Pathian rengram ha nang ni ranga ani.

JOHON 7:48

Aluitirpu ngaile Pharisingai an khat in ama tak an ngai jui mo?

TIRLON 7:2

Stephan ning a hong shang ulenaingai le pa le pungai, na ngai peru, mahok lianpui na nei Pathian ha ning keini kan pa Abraham jiang tiko Haranna a che mak ma Mesapotamia a omlai han,

ROM MINGAI JIANG PAUL NING A JIAK CHITHI 8:17

Hale a naingai kan ninko nai charapa kan ni, ama le kan ruaia kein in lianpui na musuam ranga hale ama pong khodengthei ha kan duisuam aninko Pathian le Khrista nai ha kan ni jui.

1 KORINTH 2:9

Chongthianga alui kan jiak mit ning om lui mu phat mak, kuar ning om lui jet phak mak, hale miring lung sung om nai lui chang mak, puman a lungsiat miringngai jiang a alui sin rakip ha.

2 KORINTH 4:15

Hiva rakip hi nang ni jarra ani, Pathian ami lungsiat thei na ha a hong khel anga, mingai ning om puma lurna le manpak na ha a hong khel.

2 KORINTH 6:10

Ning dong na an na lui pek tak-ha kan ning alui sat phat rakip a, ariang anga kan om tak-ha mitamtak kan man nei jui, ite khat anei lui anga kan om tak-ha irakip kan nei.

2 KORINTH 8:9

Ajarko nang nin nan jet, kan puma Jisu Khrista ha alui nei achang nom, nang ni jarra ariang achang jui, a man ariang jarra nang nin a nei miha nan ni jui.

EPHESIA 1:18

Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha.

EPHESIA 3:8

Keihi mi thiangai karra asin tak kani nom tok a mu torlui rang Jisu Khrista a chongsat ha jatdangai jiang ana manri.

1 THESSALONIKA 2:12

Hale ringkhuo asat chang na ranga ana kui hi ama rengram lian nale lur na ranga ani.

2 THESSALONIKA 1:5

Hivahi nang ni ranga shakhi adik tak ha ani. Pathian chongjen ha ko nang ni Pathian rengram mu na ranga ani, ajarko nangnin ama ranga khodengthei na ha nan lui dui jui.

1 TIMOTHI 6:18

Mingai ha chuan sat man thoru, chuan sat tho tianga a nei ha ni ru, hale an lungdo lian rase u, midangngai san ranga ngaidon rase u.

2 TIMOTHI 4:18

Pathian ning a satlui rakip tenna ana san rang ke hale puma rengram hin a huia a na man om rang ke. A ma jiang lian nale ma hok na ha ni rase phat rakip a Amen.

2 TIMOTHI 4:8

Atunko kein pong man ha lui ranga ka om jui, hiva puma chong jen nikhuo hin, kei jak nimak puma ha lungsiat tak a alui ngak mingai ham hava lo man ha an mu rang ani.

HEBRU 11:26

A man nuk pong lo man a mu rang a en na, ijip lal le thum rakip nei rang nek Mesaia rang jarra mol khang rang han a man a nei det tiha a man a jet jui ani.

JEMS 1:12

En sin na chunga takngai lui mi ha a ravan asat; ajarko en sin na ha a man a tor inko, Pathian a lungsiat ngai pek ranga shakhi ring na ha a man mu nati.

JEMS 1:16

U le naingai! Nan tak nan thei jak man kan huong maru!

JEMS 1:19

Ka manrit U le naingai, hivahi ngaidon ru. Chong an ri ha mirakip in a rak tak jet theiru, tak-ha chong ri sot tiang le lung thak na tiang ko nutru.

JEMS 1:9

Ariang achang u le naingai ha Pathian in a dom sang pha, ama a ning man sat rase.

1 PITAR 1:4

Han keini ning a mong torlui Pathian phual ha kan en chak a Pathian ning a mingai ha a siak rang ani, nang ni ranga Pathian ning Vanram ma ana siak pe ha, leisa ning om a manmang torlui, a chuai torlui ha ani.

2 PITAR 1:11

Ajarko hingahin keini kan puma Jisu ama om san ringpa khat chang a kum sot ring na ha nang ni jiang amongtibuia ana pek rang ke.

MANJETNA 2:9

Kein na khodengthei na ha ka jet, nang hi na riang tak-ha a thianga nang hi na nei! Kein ka jet a satlui mingai ning nang jiang an ri; Jiw kan ni anti, tak-ha nima u anmani ko seitan karra an om.

MANJETNA 21:7

Tu ang khat ning ral a tor, ama ning kei tenna hivahi mu nanti.

MANJETNA 3:18

kei jiang a thiang sana ha chokro, kan chong na chang na rang, hale na shi ranga puan ham chokro, puan buia na om hi jak na a om, hale kei jiang thairim hui ha chokro na mit sung not ranga, ha aninko a var ha mu rang na ni.