HEBRU 9:26 - Rabu Athar New Testament (BSI)

²⁶ A man chat luia a lut rang achang inko, ramuol a sin lai an phut pong khodengthei alui khang rang ani. Hava ha ni lui atunko, pha rakip a tor rang tiang a kum khar na ranga siatna rakip man thiang na rang a torna tak ranga, vei khat jak ama a thei jak a kan pek lut a hong kando jui.

HEBRU 9:26 ပူးပေါင်းရင်းမြစ်များ

MATHIU 13:39

Mi enlalla avorpu ha ning seitan ha ani, rasik pha ha ning ramuol torna ha ani, hale a atngai ha ning thaneithiangngai ha anni.

MATHIU 13:40

Hiva jarra ramsul ha manchun nan ta, hale meija an hal rang, ramuol torna pha ha hi ang hin ni rang ani.

MATHIU 25:34

hava han reng ning a chang tianga a om anmani jiang hong ti nati, hongru, ka pa phuol mungai nang ni, ramuol hong phut lai tenna nang ni ranga an lui varsha rengram ha tum taru.

JOHON 1:29

Khuo ahon var suale, Jisu ni ning Johon a kolla a hongha amu a alui ti, “Enru, ramuol siatna achoi Pathian alungnem belramteha hin a om,”

JOHON 17:24

“O Apa! ramuol na sin mak ma na lungsiat achang jarra mahok lianpui na nanapekjui, hava ang han anmani an mu na rang, kei ka om na han an manijom an om rang hi ka dei.

1 KORINTH 10:11

Atunko anmani jiang alui suakngai ha jet thei na rang khat ani, hale anmanin an lui jiak ha keini ranga chong pek ani, hava mingai chunga a torna phat a hong jui.

GALATIA 4:1

Atunko kein na ri kati, nai pang achanga aman a om karlim, ama ning irakip aneipu aninom, ama ha suak le la kan khel mak.

EPHESIA 1:10

A ma a lungdo chuan rakip ha pha ahong tung karra khat jak ala manchang rang ke. Vanram ma a om le ramuol la a om rakip Jisu Khrista thuaija a siak rang ke.

EPHESIA 5:2

Pathian madonna Jisu Khrista ning thairim hui anga a taksa hi nangni ranga alui kan pek anga nang nin nom lungsiat tak a kan pekru.

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

HEBRU 1:2

Tak-ha atun hin ko a nai ning keini le ana kan biakpui jui, Pathian in a naija an phut ramuol hi a sin, hale aman i rakip a neipu a man chang jui.

HEBRU 10:10

Jisu Khrista a taksa a hong kan pek, Pathian a dei ha ahong tho jarra keini kan renga siatna an phut a na man thiang jui.

HEBRU 10:12

Tak-ha Khrista ning kum sot ranga vei khat jak kan bol na achanga a hong kan pek pha, ama Pathian chang tiang ahong jui.

HEBRU 10:26

Ajarko keinin adik ha kan jet sua nuk, kan jet pu pumma siatna kan la tho chak a chang inko, siatna choi rang madonna kan bol na om ret lai noning.

HEBRU 10:4

Ajarko serat a challe kel ngai thisen han an siatna kum sot ranga man thiang tor mak.

HEBRU 4:3

Hiva jarra a takngai kein in Pathian le pong kan sak na kan lut ani, A man hingahin a ti, “kei ka lung a thak pha chongsan an khat ka nei ani; i tik om anmani ka pong kan shak na mun na hong lut ma rase u, a man ramuol a sin suale a chuan a tor jui aninom hivahi a ri ani.”

HEBRU 7:27

A ma ko thiampulian a dangngai anga nimak; ti ko ama ranga ama sat tak havasua mi pui ngai ranga siatna jarra ani tin na kan bol na a man ngai tui mak, a man a tak a thei jak a kan pek pha, mirakip rang vei khat jak kan bol na a changa a kan pek jui.

HEBRU 9:12

Khrista ha mun thiang shunga a lut pha, a man kelle Serat thi kan bol na rang kat rang choi mak, ama thisen khet ha achoia kan bol na ava kat, keini kum sot kan san ring na ana man mu jui.

HEBRU 9:14

Hava han adik achang inko, Khrista thisen han a khel la lungdo a tung jui ani, kum sot Khrista thavang a thei jak lungdo tung na khat achanga, Pathian jiang a kan pek ani, kein in a ring chak Pathian nai kan chang thei na rang, animakle chuan an phut kan jet khan na lung hi a thisenin ana man thiang pe rang ke.

1 PITAR 1:20

Ramuol alui sin madonna Pathian ning ama ha alui thang sa ani, hale a torna nikhuo hin nang ni jarra a hong kando ani.

1 PITAR 2:24

Jisu Khrista a tak tak ning kan siatna ngaiha Khros chunga alui choi, hava jarra kan siatna tenna kan thi rang ha chuan sat, chuan dik jarra ringna kan mu jui, ama a taksa a pop han keini ana man dam jui.

1 PITAR 3:18

Khrista ning alui thi vei khat jak a thi han chuan sat tho anga siat nei ngai rakip rahut a Pathian jiang tung thei na ranga, a taksa thina alui nei, tak-ha Thavang Thianga ring na ana man nei jui.

1 PITAR 4:7

Phur rakip a mang na rang a hong nai jui, Pathian jiang nan lam torna ranga nan lung kan choi theiru.

1 JOHON 3:5

Nang nin nan jet nan siat tho na rakip choi ranga, puma ning a hong kando jui ama chunga siatna i te om mak.

1 JOHON 3:8

Tu a chang innom siatna ala tho ala jui chak mi ha Seitan take ani, ajarko Seitan ko a phut na lai tenna siatna alui tho ani. Seitan chuan tho ngaiha manmang ranga Pathian pasalnai a hong kando ani.

MANJETNA 13:8

Ramuol chunga a om mirakip ning chubeibuk rase u, tak-ha a phut na tenna an lui that belram ama rabu an ming a omngai ko chubeibuk ma rase u.

MANJETNA 17:8

Sa phat khat ako a ring, tak-ha a sot lui ring mak, a man mei khur tenna hong suak na ta mingai manmang rang ani, ramuol la a om mingai ning an ming ngaiha ring na rabu han ko lui kan jiak mak anmanin sa ning i tho ha pum ngak an ngak rang ke, ama ha phat khat ko a ring, a tun ko ring lai mak, tak-ha vei khat ala hong suak rang ke.