HEBRU 9:24 - Rabu Athar New Testament (BSI)

²⁴ Ajarko adik tak a melpu a miring in kut an sin a thiang han Jisu a lut nimak, a man vanram ma Pathian mai kung a keini rahut a chea tun hin a hong kando ani.

HEBRU 9:24 ပူးပေါင်းရင်းမြစ်များ

MATHIU 18:10

“Kan ning theiru, ashinngai khat nang nin tak tel lui ha tho maru ajarko, kein nang ni jiang, vanram ma anmani thaneithiangain vanram ma om ka pa mai an muchak.

MARK 14:58

“Hiva mipa hin a ti, ‘Hiva kut an sin biakinn hi kein kaset a kut sinlui a dang an khat nithumma kein kasintor rang ke,’ kein in kan jet.”

MARK 16:19

Puma Jisun anmani a kan biakpui suale, vanram tiang ama ning a kalla, Pathiankut chang tiang a ong jui.

LUK NING A JIAK CHONGSAT 24:51

Hingahin phual a pek anmani tenna vanram tiang akaldejui.

JOHON 16:28

Kei ka pa tenna ka hong suak a ramuol chunga ka hong jui, hale a tun ko. Kei ramuol mak kata ka pa kol la che rang ka ni.

JOHON 6:62

Ha aninko, mi pasalnai ha alui om na tiang akan le khir nanmu karra, nang nin imo nanti rang?

TIRLON 3:21

Irakip veikhat ansinkhir maje, ama ha vanram ma man om nati, hiva jarra Pathian ning a tuan lai tenna ama tashanthei athiangngai baisua amanrijui.

ROM MINGAI JIANG PAUL NING A JIAK CHITHI 8:33

Pathian ning athang suaksangai chunga tu ning mo chong an la ri rang? Amandik ha ko Pathian ani.

2 KORINTH 5:1

Keini ning kan jet ramuol la kan om na kan in hiko mang rang ani jui Pathian jiang in hui khat ha kan nei, kut a sin inn ha nimak amongtibui vanram ma a om.

KOLOSIA 3:2

Hiva ramuol chunga phur pai ha nang nin ngaidon maru,

HEBRU 1:3

A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.

HEBRU 12:2

A phut na tenna an phut kan takngai na kan lung ngam na, Jisu ha a torna tunga keini en chak rei, a man Khros chunga mel siat a athi rang ha i jum ngaidon luia, a ral torna ningsat nan a na ngak chak lam ha a ngaidon na Khros lam ha a roa, tun hin Pathian lam lian inn ong na chang tiang ama aongna han a om jui.

HEBRU 4:14

Hiva jarra keinin kan nei tak kan takngai na ha o tit rei, ajarko thiampu a lian tak an khat Pathian jiang a tunga, a che rang Pathian nai Jisu ha keinin kan nei jui.

HEBRU 6:20

Jisu ha keini rahut thul ranga hava mun thiang tunga a lui lut jui, ama Melkijadek anga thiampulian tak an khat suak rang a chang jui.

HEBRU 8:2

Miring in an man sat inhuiha Puma a man sat an phut biakinn adik tak sunga a thiang tak mun na han thiampu alian tak achang aman sepa a tho ani.

HEBRU 8:5

Thiampungai chuan lui tho ha Vanram ma omchan adik tak a ramil ankhat a man chu ani. Mousi le kan ruaia omchan an tho ha hava anga ani, biakinn na a tung rang pha, Pathian in Mousi jiang, “Tangbung chunga na mu anga tak balla sin na rang man thiangro,” a ti.

HEBRU 9:1

Chong shan a masat han chubeibuk na rang le dan ngaile miring in an sin chubeibuk na rang mun alui om.

HEBRU 9:23

Hiva jarra vanram ma phur le pai nei man thei ngaiha man thiang rang a ngai, tak-ha vanram ma a tak khet phur le pai ngaiha an bing binga asat det thun rang hi a ngai ani.

HEBRU 9:9

Hivahi tun pha ranga ara mil man mu na an khat ani; Pathian jiang a kutchoi pek han kan bol na Pathian chubeibuk na ngai hin, an buk pha irakip lungdo tung tor mak.

1 PITAR 3:22

Jisu ko vanram ma alui che jui, han Pathian kut chang tiang han a om jui, Thavang Thiangai liana rat na rakip chunga ama a om jui.

MANJETNA 8:3

Thaneithiang a dang khat a rim hui halna sana phur khat a lek a thiang na mun na a hong ngir, ama jiang a rim hui a tam a pek, a man Puma reng ong na madonna a thiang phur pek nale chubei an buk an lui pek.