HEBRU 9:14 - Rabu Athar New Testament (BSI)

¹⁴ Hava han adik achang inko, Khrista thisen han a khel la lungdo a tung jui ani, kum sot Khrista thavang a thei jak lungdo tung na khat achanga, Pathian jiang a kan pek ani, kein in a ring chak Pathian nai kan chang thei na rang, animakle chuan an phut kan jet khan na lung hi a thisenin ana man thiang pe rang ke.

HEBRU 9:14 ပူးပေါင်းရင်းမြစ်များ

MATHIU 12:28

Tak-ha kein Pathian thavang rat na han seitanngai ha ka notchei aninko; a thiang Pathian rengram ha nang ni jiang a hong jui.

MATHIU 16:16

Hale Simon Pitar ning, a shanga a ti, “Nang ko a ring Pathian Pasalnai Khrista na ni.”

MATHIU 20:28

Hi anga Mi Pasalnai ha ning a tak sepa man kan tho ranga i hong nima tak-ha a man misepa tho ranga ahong ani, hale mirakip masua na man ranga a ringkhuo akanpek ani.

MATHIU 7:11

Nang ni mi sa mak nang ni chunga, nan nai jiang kutchoisat pek na nan jet inko; vanram ma om nan Pa ama ningko a lamngai jiang a khel la asat phur mo penoning?

LUK NING A JIAK CHONGSAT 1:74

Puma ning khodengthei na tenna a na sanringa, chit ti om lui a a chuan a na manthojui.

LUK NING A JIAK CHONGSAT 12:24

Enru va ak ngaiso anmanin vorrom vor ma u, khomum khom ma u Luakom luakmau, innte om sin ma u, tak-ha Pathian ning anmani ha manvat mak, hale va ngai karra om a man a tam tak anni.

LUK NING A JIAK CHONGSAT 12:28

Pathian ning asan a tunna an ring innom jiangako meilaia ipeirang ramsul ngal lom hiva khan asat atho pe, o takngai torlui ngai nang ni jiang ko Pathian in a khel la na tho, navar penoning mo?

LUK NING A JIAK CHONGSAT 4:18

“Puma Thavang ka chunga a om, ajarko a riang khodengtheingai jiang chongrina ranga, Kei hi a na thang jui, anluichur ngaiha ma sua na rang, a mit luidel ngaiha mu khir na ranga, a pong khodengthei ngai ma sua na rang ani.

JOHON 3:34

Pathian in ihongtir mi han, Pathian chong a ri, ajarko Pathian in ama chunga arathaha lungdo tunga alui pek.

TIRLON 1:2

Jisu vanram akalmak kar je a man a thiamruoi chang ranga athang suak mingai ha Thavang Thiang ranak han chong alui pek.

TIRLON 10:38

han na jet Jisu chong ke ija mo Pathian ning ama ha thavang thiang le ranak le kan ruaia sariak anbun thuan na hale a man achena na asat chuan athoa a nat mingai jom alui mandam, ajarko Pathian ning alui kan ruaipui.

TIRLON 14:15

Miringngai, nang nin iruija mo hivahi nan tho? Keini om nang ni anga miringke kanni, nang nin nem na buia nan tho rakip hi a ring Pathian tiang vakanhei na ranga, asat chong hi kein in nang ni jiang kan hong choike, a man vanram, ramuol, tui, an khat om hiva sunga a om rakip asin ke.

TIRLON 15:9

Takngai na an nei jarra ansiatna ha ngaidam na a nei, a man keini le anmani ha i om na man kan khel mak.

ROM MINGAI JIANG PAUL NING A JIAK CHITHI 1:20

Ajarko ramuol an sin mak ma, ama ha mu torlui tiko ama ranak le Pathian an mu jarra kut a sin phur rakip ranak han ama ha a thianga kan muthei hava jarra anmani ha ngaidam na om mak.

ROM MINGAI JIANG PAUL NING A JIAK CHITHI 1:4

A thiang thavang ranak han a man athi tenna ringkhirna a neia ranak neia Pathian nai ani tihi kan jet jui ama hako keini kan puma Jisu Khrista ani.

ROM MINGAI JIANG PAUL NING A JIAK CHITHI 11:12

Anmani siatna jarra ramuol lam nei pui na, hale an ma sialna jarra jatdangngain nei pui na aninko, anmanin an lui ma sial mak inko i duk a an khel rang.

ROM MINGAI JIANG PAUL NING A JIAK CHITHI 11:24

Nang ha ram ma a om cholopho kung tenna a na tuk that, a balam ma cholopho kung nek kheldet a chiak a na sin inko; alui om sa cholopho kung tenna i duk khel la a chiak a sin rang.

ROM MINGAI JIANG PAUL NING A JIAK CHITHI 6:13

Hale nang ni na taksa pumpui ha dikmakna rang tianga pho ang han siatna jiang a pek ha bangru, tak-ha, nang ni nan tak khet in athi ngai kar tenna a ringkhir mingai ang han, nang ni taksa pumpui ha Pathian tiang dik na ranga pho ang han pekru.

ROM MINGAI JIANG PAUL NING A JIAK CHITHI 6:22

Tak-ha a tunko siatna tenna a na hong ma sua jui jarra Pathian suak ha an na man chang jarra thiang na ha tum na rang an khat om a mong na ha ko ator ti buija ring na ha tum rang nan ni.

1 KORINTH 15:45

Hi aninom Thavang omchan chena ha a rapa a hong nimak, taksa omchan lam a rapa a hong ani hale Thavang omchan ahong ani.

2 KORINTH 5:21

Khrista ko siatna neimak, tak-ha keini jarra Pathian ning siatna a manchoi. A ma jarra keinin Pathian kolla adik ringkhuo a om tor kan ti.

2 KORINTH 6:16

Pathian in thiang han, kut a sin Pathian ha om jot nati mo? Ajarko Pathian ning a man thiang in thiang ha keini kan ni. Pathian ning a ti “kein an karra ka om rang ke hale chuan ki tho rang ke, hale kein anmani Pathian ka ni rang ke, hale anmani ha ka mi ka manchang rang ke.”

GALATIA 2:19

Chena dan nuk juia ko, keihi chena dan ning ana that jui, tak-ha kei Pathian jiang ring rang ka ni jui.

EPHESIA 2:5

Keini ning Thavanga kan lui thia a chong kan lui jui mak pha han a man Jisu Khrista tenna ring na a na lui pek. Hivahi Pathian lungsiat jarra nang nin ring na nan mu ani.

EPHESIA 5:2

Pathian madonna Jisu Khrista ning thairim hui anga a taksa hi nangni ranga alui kan pek anga nang nin nom lungsiat tak a kan pekru.

1 THESSALONIKA 1:9

Keini kan lui hong karra ija mo nan na lui don? Kut a sin Pathian ha, ija mo nan mak a aring Pathian ha nan jui tia mirakip ning an lui ri.

1 TIMOTHI 1:17

Amongtibui rengpa a chuai thei lui, an khat jak ani mit a mutor lui pa amongtibuija manpak rei Amen.

1 TIMOTHI 3:15

Han kein ka hong sot aninko, nang ni jiang chong jiak na hin ka na hong manjet rang ke. Biakrup sunga ijamo kan om rang? Hivahi a ring Pathian in ha ani, adik ngai ngir thei na ranga ranak a om.

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

HEBRU 1:3

A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.

HEBRU 10:10

Jisu Khrista a taksa a hong kan pek, Pathian a dei ha ahong tho jarra keini kan renga siatna an phut a na man thiang jui.

HEBRU 10:12

Tak-ha Khrista ning kum sot ranga vei khat jak kan bol na achanga a hong kan pek pha, ama Pathian chang tiang ahong jui.

HEBRU 10:2

Hingahin an tho va Pathian chubeibuk mingai an siatna a thiang aninko, anmanin an dik mak an siatna ha an lunga ning dong pui rang om mak, hale kan bol na rakip an lui bang rang ani jui,

HEBRU 10:22

Hiva jarra asat le a siat jet thei na lung adik mak le tak sa ngaihi, lung a thianga takngai le nei man rei.

HEBRU 11:21

Takngai na in Jakob ning a thi mak ma Josep naingai ravansat a pek jui; hale a man a thiang re ha a o va Pathian chubei a buk jui.

HEBRU 13:12

Han Jisu Khrista siatna man thiang na rang khopui tual tiang a hong thi ani,

HEBRU 3:12

Sap le jar ngai, a ring chak Pathian na an phut tute an kan hei mak na rang, hi ang khan na an lung a samakle an takngai mak na nan karra a om mak na rang kan ning theiru.

HEBRU 6:1

Hiva jarra Khristian chong a phut na tak kein in kan jet na ngaiha kan nuk tiang mak in lang lungdo tung na ma don tiang che ri.

HEBRU 7:16

A ma miring ngaidon nuk juia thiampu akhat a chang nimak; a tor ti buia ring chak ranak rat na han thiampu a chang jui ani.

HEBRU 7:27

A ma ko thiampulian a dangngai anga nimak; ti ko ama ranga ama sat tak havasua mi pui ngai ranga siatna jarra ani tin na kan bol na a man ngai tui mak, a man a tak a thei jak a kan pek pha, mirakip rang vei khat jak kan bol na a changa a kan pek jui.

HEBRU 9:12

Khrista ha mun thiang shunga a lut pha, a man kelle Serat thi kan bol na rang kat rang choi mak, ama thisen khet ha achoia kan bol na ava kat, keini kum sot kan san ring na ana man mu jui.

HEBRU 9:26

A man chat luia a lut rang achang inko, ramuol a sin lai an phut pong khodengthei alui khang rang ani. Hava ha ni lui atunko, pha rakip a tor rang tiang a kum khar na ranga siatna rakip man thiang na rang a torna tak ranga, vei khat jak ama a thei jak a kan pek lut a hong kando jui.

HEBRU 9:7

Tak-ha biakinn sunga han kum khat sunga vei khat jak, thiampulianngain an lut ama a binga rang le, mipui ngai rang, jet lui thai luia an siat tho na chunga mipui rahut thulla thisen a choia Pathian jiang a hong kat jui.

HEBRU 9:9

Hivahi tun pha ranga ara mil man mu na an khat ani; Pathian jiang a kutchoi pek han kan bol na Pathian chubeibuk na ngai hin, an buk pha irakip lungdo tung tor mak.

1 PITAR 1:19

Ti ko a man tam tak Jisu Khrista a thisen a kan pek hi asat tak belram anga ani.

1 PITAR 2:22

A ma ning siatna lui tho mak ani luia satlui ite khat a murra a suak lui mu ma u.

1 PITAR 2:24

Jisu Khrista a tak tak ning kan siatna ngaiha Khros chunga alui choi, hava jarra kan siatna tenna kan thi rang ha chuan sat, chuan dik jarra ringna kan mu jui, ama a taksa a pop han keini ana man dam jui.

1 PITAR 3:18

Khrista ning alui thi vei khat jak a thi han chuan sat tho anga siat nei ngai rakip rahut a Pathian jiang tung thei na ranga, a taksa thina alui nei, tak-ha Thavang Thianga ring na ana man nei jui.

1 PITAR 4:2

A tun na a om nang ni jiang a om ringkhuo ha miringngai ning atun an ring anga ni luia Pathian lungdo han ring na ranga ani.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

1 JOHON 3:5

Nang nin nan jet nan siat tho na rakip choi ranga, puma ning a hong kando jui ama chunga siatna i te om mak.

MANJETNA 1:5

Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.