HEBRU 7:19 - Rabu Athar New Testament (BSI)

¹⁹ Ajarko Mousi dan han i jum lungdo tung tor mak hale atun ko asat det an khat a hong choi jui, hava han kein in Pathian jiang kan nai det jui.

HEBRU 7:19 ပူးပေါင်းရင်းမြစ်များ

JOHON 1:17

Mousi jiang anphut chongjen narang chong apek, tak-ha Jisu Khrista jiang anphut lungsiat manrit nale adik ha alui hong suak ani.

JOHON 14:6

Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.”

TIRLON 13:39

Hiva jarra Mousi chongdan han nang ni ha na masua tor mak tak-ha hivami jarra nang ni ha irakip tenna masua na a om.

ROM MINGAI JIANG PAUL NING A JIAK CHITHI 5:2

Kan puma jarra keinin kan ngir na manrit na han kan takngai na lutna ranga kan mu jui, hale kein in Pathian lianpui na han tum suam ranga kan mu rang ke tia kan ning asat.

ROM MINGAI JIANG PAUL NING A JIAK CHITHI 7:7

Aninko kein in ije kan ti rang dan chong pek ha siatna mo ani? Hava ha nima rase, tak-ha dan chong pek jarra niluia kei ning siatna ha lui jet noni king; ajarko na pham rai man siat maro ti a dan chong pek han aluitimak aninko kei ning pham rai siat hi lui jet noning.

ROM MINGAI JIANG PAUL NING A JIAK CHITHI 8:3

Ajarko taksa le dan ani tir lui ha Pathian ning a pasalnai khat jak ha siat nei taksa ang hin siatna ranga a hong tir jui, taksa jiang siatna ha a man nei jui.

GALATIA 2:16

Jetru chuan sat chena dan ajui mihan Pathian jiang adik tak a om tor ma u, tak-ha Khrista jiang takngai na anei mi han ani, kein nom takngai na ka nei, Khrista jiang takngai ama han Pathian jiang a thianga a om tor. Chena dan ajui han nimak, ajarko chena dan ning kan taksa ten nom man thiang tor mak.

GALATIA 3:21

Chena dan ning Pathian chongsan ha a khan mo? lui nimak, chena dan jarra mingai ning Pathian jiang ringna an mu aninko mirakip ning dan ha jui nan ta Pathian jiang an man kan thiang tor rang asuak.

GALATIA 3:24

Hiva jarra Khrista a hong khan na keini hi chena dan ning ana lui khap ha, takngai jarra keini man kan thiang na kan nei jui.

EPHESIA 3:12

Jisu Khrista jarra ama takngai le kan ruaia keini hi Pathian kol la ningsat tak a kan lut tor jui.

KOLOSIA 1:27

Pathian ning hiva chong ruk hi jatdangngai jiang a manjet jot, nangni hi Khrista ranga lianpui na ha nan ni.

1 TIMOTHI 1:1

Jisu Khrista a nuk jui Paul tenna keini ana San ringpa Pathian ning alui ti, Khrista jak hi keini lungdo ha manchang rei tia Paul ning Timothi jiang ati ani.

HEBRU 10:1

Jiwngai dan ha lungdo tunga takngai rang lui chang mak; nuk a tak khet asat det an khat a hong rang melpua ha ani. Akum racham kan bol na ha hangahan anga ngaija a om chak ani, ha aninko Pathian jiang a che mingai ha hiva kan bol na dan ha ijamo lungdo a tung tor rang ani jui.

HEBRU 11:40

Ajarko Pathian in keini ranga asat det an khat thau rang tho na a na nei pui jui, hale keini le anmaningai ha lungdo tung rang hi Pathian sin var ani.

HEBRU 11:6

Takngai na om lui a tu ten Pathian lung man tai na om mak. Ajarko Pathian jianga a hong mi han a ring chak a om, hale ama a tok mingai ha a man ponglo i pek rang ke tihi tak angai chiak rang ani.

HEBRU 3:6

Aninom Khrista ha Pathian in sunga put ranga takngai jot nai an khat ani, keinin kan ngaidon na chunga tak kan ngai le kan ningsat na jak ha a torna tunga kan otit inko, keni hi a inn sung kan ni.

HEBRU 4:16

Hiva jarra manrit na mun Pathian chung nung tak ong na tiang lungam tak le ningsat tak a che rei. Hava mun na han keini kan dei le kan ngai tui na chunga ana kan ruai pui rang manrit nale tum rang ha kan mu rang ke.

HEBRU 6:18

Hingahin a kan thul thei lui rang anni a om, hava ruia Pathian ko a leisei mak, hiva jarra keini ama le kan ruaia ringna kan mu jui keini mai kunga lungam na ana siak pe ha, a det tit kan o na rang ranak a na pek.

HEBRU 7:11

Levingai thiampu chang na chunga Israel naingai dan ha a pek jui, a tun Levi thiampungai chuan ha lungdo a tung a chang inko, Aaron a ruia, omchan nuk juia thiampu an khat chang jot mak.

HEBRU 7:20

Hava han Pathian chong shakhi ham a om de jui. Midangngai han thiampu an chang lai han hava anga Pathian chong shakhi ha lui om mak.

HEBRU 7:25

Hale aman tu nom kum sot ama jiang an phut Pathian jiang a hong nan ta kum sot ring na a tho tor, ajarko ama kum sot aring chak jarra anmani ranga Pathian jiang a lam pe chak jui.

HEBRU 8:6

Ha a chang innom, Jisu ha anmani nek alian det thiampu chuan ha a pek, ajarko asat det ngai khat chunga chong shakhi a chang jarra Pathian le miring karra asat det an khat ani.

HEBRU 9:9

Hivahi tun pha ranga ara mil man mu na an khat ani; Pathian jiang a kutchoi pek han kan bol na Pathian chubeibuk na ngai hin, an buk pha irakip lungdo tung tor mak.

JEMS 4:8

Nang nin Pathian nairu, hale a man a na dep rang ke. E, siat nei mingai; nan kut rasuk thiangru! A sat kan rol ngai, nan lung man thiangru!