HEBRU 6:19 - Rabu Athar New Testament (BSI)

¹⁹ Keinin Kan ngaidon na kan mu hi thavang ranga ranak dona anga ani, hivahi a thiang tak vanram biakinn munthinga an duang puan sung tunga lut na ani.

HEBRU 6:19 ပူးပေါင်းရင်းမြစ်များ

MATHIU 27:51

Hale enru, biakinn sunga a thiang mun na an duang puan ha, a chung tak phut a thuaitung khan na herni a kan ektherjui, hale simlei om ning nu a kan nikjui hale pialung om apuak khuijui.

TIRLON 23:6

Paul ning hingan a hong en na aviarin Sadusi, a lek in Pharisi an lui ni tihi a jet ulianrupngai jiang a hong khek a ti, “U le naingai kei ko Pharisi ke Pharisingai an pasalnai ka ni, a thi ngai ning an ringkhir, hava ha ka ngak chak ka om jarra kei hi chongtan na an na nei ke.”

TIRLON 27:29

Keini kan rokuang ha lung lianpa an khat kansuk a jot tia anmanin an chit rokuang puan duang ha ansut kho var na ranga lam na an lui nei.

TIRLON 27:40

Han anmanin rokuang puan duong ha tuionglian na anpaijui, hale rokuang japna an khitde ham anset, rokuang madon tianga puan duong ha an domma leidi om na mun tiang man che na ranga an lui kanshiam.

ROM MINGAI JIANG PAUL NING A JIAK CHITHI 4:16

Hiva jarra manrit na nuk juia nina ranga hava takngai tenna ke, Vonchoi rakip jiang chong pek nuk juia nimak; Abraham ning takngai na inei nuk juia chong ngir na ha man chang na ranga ani.

ROM MINGAI JIANG PAUL NING A JIAK CHITHI 4:18

Nangna vonchoi sunga ni nati anti ang han a dangjat karra mirakip pa a hongni na ranga Abraham ning a ngaidon ha animak innom an ngak lalla a hong ni jui,

ROM MINGAI JIANG PAUL NING A JIAK CHITHI 5:4

Kan dui rat han torna kan nei, hale, kan dui rat na han a thianga kan ngaidon ha kein in kan jet.

1 KORINTH 13:13

Hingahin lungsiat, takngai, lungdo an thum sunga alian chung nung ko lungsiat ha ani.

1 KORINTH 15:58

Hiva jarra ka lungsiat ka u ka naingai nang nin Pathian chuan sin na, nan chuan man kan dengru lung lut tak a adet a ngirru. Ajarko Pathian chuan nan tho rakip ha ariam ma mang noning tihi nan jet.

EPHESIA 2:6

Khrista ama le kan ruaia thina tenna ama le kan hong ring jui hale vanram ramuol la ama le reng chang rang kan ni.

KOLOSIA 1:27

Pathian ning hiva chong ruk hi jatdangngai jiang a manjet jot, nangni hi Khrista ranga lianpui na ha nan ni.

KOLOSIA 3:1

Khrista le nang ni nan ringkhir jarra, nan lungin vanram tianga phur ha ngaidon ru. Pa pathian chang tiang a Khrista ning a om na mun ha;

2 TIMOTHI 2:19

Pathian ning athual in mun ha ko kan nik tor mak, hiva chunga Pathian chong thiang ngaihi alui jiak. Pathian ning a mi ngaiha a jet, tu anga Pathian jiang a om ha mingai ning an siatna ha mak rase u.

HEBRU 4:16

Hiva jarra manrit na mun Pathian chung nung tak ong na tiang lungam tak le ningsat tak a che rei. Hava mun na han keini kan dei le kan ngai tui na chunga ana kan ruai pui rang manrit nale tum rang ha kan mu rang ke.

HEBRU 9:3

Anni chang na puon duang sunga han a thiang tak biakinn anti.

HEBRU 9:7

Tak-ha biakinn sunga han kum khat sunga vei khat jak, thiampulianngain an lut ama a binga rang le, mipui ngai rang, jet lui thai luia an siat tho na chunga mipui rahut thulla thisen a choia Pathian jiang a hong kat jui.

1 PITAR 1:3

Keini puma Jisu Khrista a pa Pathian ham kan manpak, puma ama ning ana lungsiat thei jarra, a thi ngai karra Jisu Khrista ning a hong ring khir jarra, ringkho thar ana pek a hivahin keini hi ring na ranga lungdo a na pek jui.