HEBRU 6:17 - Rabu Athar New Testament (BSI)

¹⁷ Pathian ning a ngaidon ha itik om kan thul ngai ma, hava jarra a chong sam a tum rang ngai jiang a man tum rang hi a dei jarra a chong sam chunga khuo a kan khong ani.

HEBRU 6:17 ပူးပေါင်းရင်းမြစ်များ

JOHON 10:10

Aruk ha ning mithat ranga manmang ranga ihongke ani; kein ka hong hiko, nang ni ring na ranga le lungdo tung na ranga ani.

ROM MINGAI JIANG PAUL NING A JIAK CHITHI 11:29

Ajarko Pathian a kutchoi le i kui na jarra ko a lung thul mak.

ROM MINGAI JIANG PAUL NING A JIAK CHITHI 8:17

Hale a naingai kan ninko nai charapa kan ni, ama le kan ruaia kein in lianpui na musuam ranga hale ama pong khodengthei ha kan duisuam aninko Pathian le Khrista nai ha kan ni jui.

GALATIA 3:29

Hale nang ni Khrista jiang nan om aninko Abraham a naingai ha nan ni jui, hale Pathian a chong san ha nan mu rang ke.

EPHESIA 1:11

A ma lungdo ngaidon nuk juia irakip alui tho, hale a renga ama chong pek nuk juia alui om.

HEBRU 11:7

Takngai na han Nova ning a mu phak nuk a hong suak rang omchan chunga Pathian man chuna han angaia ani, a man achong a juia rokuang a suija hava sunga ama le a inn sung mingai kan san a om jui. Hanga han a man ramuol chunga siatna a man chu ma han takngai han Pathian tenna phut ama mi adik ha a chang jui.

HEBRU 11:9

Takngai jarra ama ning mi ram ma khuol mi a chang an in nom Pathian shakhi pek na ram ma a hong om jui, a man puan na an duang in khuai liang puon inna a om ma Pathian chong shakhi a kan ang rip a tum Isak le Jems om ke khuai liang puon inna an lui om.

HEBRU 6:12

Keinin nan tha siat rang hi dei making, tak-ha Pathian chong shakhi a mungai anga takngai le a dui rat nan chang rang kan dei.

HEBRU 6:16

Mi ankhat ning kho kan khong na a nei inko ama nek a lian an khat ming a ria khuo a kan khong ani. Hangan chong kan kher na rakip chongtan na alui om ani.

HEBRU 6:18

Hingahin a kan thul thei lui rang anni a om, hava ruia Pathian ko a leisei mak, hiva jarra keini ama le kan ruaia ringna kan mu jui keini mai kunga lungam na ana siak pe ha, a det tit kan o na rang ranak a na pek.

JEMS 1:17

Kutchoi pek asat rakip le lungdo kutchoi pek rakip vanram an phut a hong ani; hava ha vanram ma varngai a sin Pathian na an phut a hong ani. A man var ngaiha thul chil lui a man jing luia a man var.

JEMS 2:5

Ka lungsiat ulenaingai, hiva ramuol chunga ariangke tia nan ngaidon mingai ha Pathian in Thavang Thiang takngai ranga athang suak ani, hale ama rengram ha man tum na ranga a thang suok jui.

1 PITAR 1:3

Keini puma Jisu Khrista a pa Pathian ham kan manpak, puma ama ning ana lungsiat thei jarra, a thi ngai karra Jisu Khrista ning a hong ring khir jarra, ringkho thar ana pek a hivahin keini hi ring na ranga lungdo a na pek jui.

1 PITAR 3:7

Hingahin nang ni Pasalngai ning om nan numeingai lung ha jet a nangni nek a sual anni tihi jet le kan ruaia ompuiru, ajarko anmani om Pathian kutchoi ring na ha nang le kan ruaia an mu rang ani.