HEBRU 2:14 - Rabu Athar New Testament (BSI)

¹⁴ A man naipangai a ti ha, miring taksa le thisen choingai a ti jarra, Jisu ama tak han anmani anga an khat a hong changa, miringai a hong chang hale thina ranak neipu seitan ha a torna rang a man hangahan a hong thi jui.

HEBRU 2:14 ပူးပေါင်းရင်းမြစ်များ

MATHIU 16:17

Jisun a hong shanga ama jiang a ti, “Simon nai Johon nang ko ravansat na ni; ajarko tak sa le thi sen in nang jiang an na manjet nimak, tak-ha vanram ma om ka Pa ning ana manjet ani.

MATHIU 25:41

Hava han a man aveitianga a omngai jiang hong ti nati, kho khong na tungngai kei jiang tenna che u nang seitan le ama thaneithiangngai ranga an lui varsha athitibuimei khurra che taru.

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 12:24

Adik tak kein nang ni jiang kari ani; Gehu ru khat in simleia achula athimak inko, mong khierma, tak-ha athi inko ara tam tak a nei.

ROM MINGAI JIANG PAUL NING A JIAK CHITHI 14:9

Hiva jarra keinin kan thi in nom kan ring innom Puma ranga ke, ajarko Khrista ning a thi ngai le a ring ngai Puma chang na ranga a man a thi om a thi jui a ring om a ringkhir jui.

ROM MINGAI JIANG PAUL NING A JIAK CHITHI 8:3

Ajarko taksa le dan ani tir lui ha Pathian ning a pasalnai khat jak ha siat nei taksa ang hin siatna ranga a hong tir jui, taksa jiang siatna ha a man nei jui.

1 KORINTH 1:28

Pathian in ramuolla atualla a om miha a kui suak, ajarko ramuolla alian na a omngai ha i manmang rang ke.

1 KORINTH 15:50

Enru, kein chong ruk a thiang tak-ha na ri pek ati. Keini hi thino nising, tak-ha keini kan renga kan kan thul rang ke.

GALATIA 4:4

Tak-ha a phat asat da ahong tung karra pathian in anai ha alui hong tir numei tenna nai achanga Jiwngai chena dan thuaija alui om.

KOLOSIA 2:15

A man ranak rakip ha a manmang pe suale mitamngai madonna aman kan mua achung suak na rakip ha alei man kan mu jui.

1 TIMOTHI 3:16

Pathian chong ruk a thiang ha mirakip ning adik tia an lui. A ma ning mi anga ahong kan lem ma, thavang thiang tenna chuan dik a man tho, thaneithiangngai ning om an lui mu. Phung rakip jiang le jat rakip jiang alui ripe jui, ramuol chunga tak an lui ngaija hale vanram hin alui lut jui.

2 TIMOTHI 1:10

Atunko Jisu Khrista ning keini sanring ranga a hong hin a kan dang jui hale ama athija a thui khir han Pathian chong thiang ha amongtibui ringkhuo ha ani jui.

HEBRU 10:10

Jisu Khrista a taksa a hong kan pek, Pathian a dei ha ahong tho jarra keini kan renga siatna an phut a na man thiang jui.

HEBRU 10:5

Hiva jarra Khristan ramuol chunga a hong rang tiang a man Pathian jiang a ri, “Nang in kan bol la an khat ha dei mak che, tak-ha, kei ranga tak sha an khat na na kan ning pe jui.”

HEBRU 2:17

Hiva tina ko mingai siatna ha ngaidam na rang, Pathian mai kung a sepa a tho thiampu chung nung manrit na a sip takngai a om tak a chang thei na rang, a lam rakip a sap a jar ngai a man alui chang jui.

HEBRU 2:18

Hale ama tak om mathemna a kan tong puia hale khodengthei a dui jarra, atun hin mathiam na a omngai ha a man a san tor jui.

HEBRU 4:15

Kan thiampulian han keini kan ma sial na ha a jet mak nimak, keini anga a lam rakip mathemna a kan tong pui ani Tak-ha a man siatna ite khat nei mak; Siatna a nei chillui thiampulian ha kein in kan nei ani.

HEBRU 9:15

Hiva jarra Pathian in a kui mingai han kum sot ravansat na Pathian chong shan an mu rang ani, chong shakhi thar chuan var ha Khrista a chang jui; ajarko chong shakhi ama sat thuaia mingai an om lai han a sa mak chuan an tho na an phut ma sua an chang na rang thina rang an khat alui om jarra hivahi an tho thei ani.

1 PITAR 1:20

Ramuol alui sin madonna Pathian ning ama ha alui thang sa ani, hale a torna nikhuo hin nang ni jarra a hong kando ani.

MANJETNA 1:18

kei hi a ring ha ka ni, kei hi ka thi, tak-ha a tunko ring na ka mu jui, kein kum sot ranga ramuol chunga thina ha ka tor jui.

MANJETNA 12:9

Ri reng a lian pa tak-ha vanram tenna an hong ma sul jui, ama ha seitan anti ha ani, ama jiang ramuol pumpui pong na ranak ha a nei, ama le ama nuk jui le thaneithiangngai le an renga ramuol la an hong ma sul jui.

MANJETNA 2:10

Nang in khodengthei na ngaiha i te khat chit maro, jetro, a salui ning nang hi ren inna nala en sin nanti, nang in ni som khan na pong khodengthei nati, kei hi na juiro thina rang khan an in nom kei ning nang ha ring na lu khu na pek ati.

MANJETNA 20:2

A ma ning a tuan laia ri reng ha a chur hava ha ko, khonam ani, a man kum lising khat ranga alui chur ani.