HEBRU 13:17 - Rabu Athar New Testament (BSI)

¹⁷ Nan lam kaingai chong jui le kan ruaia an chong na be ha juiru, anmanin an sepa tho na chung changa Pathian jiang an la pek rang ani jarra anmanin pong kan sak chil luia nan thavang chunga an na en chak ani, nang nin chong nan jui aninko anmanin ningsat tak chuan nan tho rang ani, hava ni luia an lunga ning dong pumma chuan an tho aninko nang ni ranga a nemna om noning.

HEBRU 13:17 ပူးပေါင်းရင်းမြစ်များ

LUK NING A JIAK CHONGSAT 16:2

Han ama ning a maha akuia ati, “Kein naruia ka jet, imo nathojui, nang in ni lui nei man na rakip ha na manjet taro, hale nang in veikhat ka chuan thoko jot lai noning”.

TIRLON 20:28

Puma thisen tak in a chok jui Pathian biakinn ha don na rang le vaina ranga, nang ni nan masia le nan renga rup rakip in nan lung manlutru; Thavang Thiang in hava rup rakip lam kairuai ranga nang niha a na manchang jui.

ROM MINGAI JIANG PAUL NING A JIAK CHITHI 14:12

Hiva jarra keini mirakip in kan lui tho na rakip ha Pathian jiang pek anti.

1 KORINTH 16:16

Hiva mingai a chuan tho ngaiha na san peru tia nang ni jang ka na mathem ani.

EPHESIA 5:21

Nangni khat le khat chitlejak a Khrista jiang man kan ritru.

PHILIPI 1:4

Ningsat le kan ruaia pha rakip a nangni rakip ranga lam na kan nei.

PHILIPI 2:12

Ka lungsiat u le naingai, nang nin a pha rakip ka chong ri nan jui ang han, ka om mak in om ka om in nom nangni sanring na nan nei ha khel la lungdo tung thei na ranga chit le kan ruaia thoru.

PHILIPI 2:16

Nangni ning ring na chong ha anmani jiang nan ri rang, ha nan tho inko kein nemna buia chuan ha ka sin na aphat ha ki manmang nimak tihi Khrista nikhuo ahong tung pha han ki man kan lian thei narang ani.

PHILIPI 2:29

Hava jarra, ama hi ningsat ningsat puma minga na lei lui peru.

PHILIPI 3:18

Mitam lammin an lui che jui, hiva ruia kein nang jiang ka mit tui suak veisom, veisom ki na man chu ani, anmani ko Khrista athi na Khros ha an jot mi mang anni tia nang ni jiang ka na man chu.

PHILIPI 4:1

Hiva jarra U le naingai, iduk mo lungsiat nanna lui mu? Hale kei chunga manrit na nan na luitho hiva ngai hin ka lung sunga iduk mo ningsat na alui ni? kein ki man kan lianpui nale ka ning na satpui nang nin puma jiang a det ana ngirperu.

2 THESSALONIKA 3:14

Tu ang khat ning ka chithi hin ka hong jiak chong hi ajui mak inko ama ha makru jak rase.

1 TIMOTHI 5:17

Hale asat a lam ana kei ulianngai ha, Pathian chong ri a, hale mi man chu hin anmani jiang han, matik nei a anmani jiang chitlejak ha ni ru a loman ha pekru.

HEBRU 13:24

Pathian mingai rakip le lam a keingai rakip kan chubei lui pekru, Itali a om sap le jar ngai ning chubei an na hong pek.

HEBRU 13:7

Pathian chong nang ni jianga an na ripengai, lam a keia alui ngaiha ngaidon chakru, anmaningai hongan mo an lui ringa, hongan mo an lui thi tiha ngaidon chak un na, anmani takngai na ha juiru.

JEMS 4:7

Hiva jarra nang ni Pathian jiang lutru. Seitan ha not cheiru, hale seitan ha nang ni tenna tan rang ani jui.

1 PITAR 5:5

Hingahin nang ni nai pangngai ning om nan chunga mingai an duk lutru, nang ni nan renga khat le khat ning chitlejak tak a kan sanru, ajarko Pathian chong thiangin a ti, “A man kan lian ngaiha Pathian ning jot mak, hale a man kan sin ngai chunga Pathian ning a san.”