HEBRU 13:15 - Rabu Athar New Testament (BSI)

¹⁵ Hiva jarra kein in Jisu Khrista kan bol na anga, Pathian jiang manpak na pek chak rei, kan rasa han a ming ha choi man sang rei.

HEBRU 13:15 ပူးပေါင်းရင်းမြစ်များ

MATHIU 11:25

Hava pha han Jisun a sanga a ti, “Vanram le simlei chunga Puma, a pa ka na manpak, ajarko hiva ngai hi mi ching an khat om a jet ngai jiang tenna nang in na luithup ha naipangngai jiang na phuong suak jui.

LUK NING A JIAK CHONGSAT 10:21

Hava lai tak han Jisun Pathian jiang ningsat a lam ma, O, Ka pa vanram le ramuol pumma kein ka na manpak, ajarko nang in hiva ngai hi a ching a thei ngai jiang nathup nai pangngai jiang na manjet jui, ajarko hivahi nang na lungdo ke ani.

JOHON 10:9

Kei kot hakani kei jiang a hong rakip ring na mu nanti; hong lut nati suak nati hale khop nati.

JOHON 14:6

Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.”

ROM MINGAI JIANG PAUL NING A JIAK CHITHI 12:1

Hiva jarra ulenaingai, nangni taksa ha ringpum ma, Pathian lungdo tung na rang an khat phur anga nina rang kei ning Pathian manrit na khan na nang ni ha ka na ri, hivahi nang ni thavang chuan ke.

ROM MINGAI JIANG PAUL NING A JIAK CHITHI 6:19

Miring tak sa nan ni jarra kein in miring omchan anga ka ri ke, ajarko tho salui ha tho na ranga a thiang lui le tho salui tianga suak chang na rang nan taksa pumpui nan pek ang han; atunko a thiang chang na rang le adik suak ha chang na rang nang ni nan tak sa pumpui ha pek lutaru.

EPHESIA 2:18

Jisu Khrista jarra kan renga Jiw le jatdangai le puma madonna khat jak a kan om tor jui.

KOLOSIA 1:12

A thiang mingai ning an tum rang ha nang ni om tum suam na ranga, keini lungdo lung khat a na manni Pathian ama mun na nang nin man pakru, Puma ranga rahui suak lungdo tung ha changru.

HEBRU 12:28

Hiva jarra kein in a kan thit mak rengram ha kan tum jui a chang jarra ningsat tak choi man sang rei, Pathian ha kein in chit tak le jak tak a lung kan man tai na rang chubeibuk a manpak rei;

HEBRU 7:25

Hale aman tu nom kum sot ama jiang an phut Pathian jiang a hong nan ta kum sot ring na a tho tor, ajarko ama kum sot aring chak jarra anmani ranga Pathian jiang a lam pe chak jui.

1 PITAR 2:5

Jisu Khrista jarra Pathian jiang lut thei na ranga Thavang ranga kan pek theiru, a thianga Pathian chuan tho ha changru, nang ni nan taksa a ring lungpui anga Thavang Thianga in ha sinru.

1 PITAR 4:11

Tu ang khat ning chong thiang a ri jot inko Pathian chong thiang ha ri rase. Tu ang khat ning Pathian chuan a tho inko Pathian ning a pek a rat na rakip han chuan tho rase.