HEBRU 12:27 - Rabu Athar New Testament (BSI)

²⁷ Han a tharra vei khat a kan tir an ti ret hin a man kan nok phur ngai jak a om ma, a kan tir a kan nok kut sin rakip ha a manmang rang hi a thiang khet a kando jui.

HEBRU 12:27 ပူးပေါင်းရင်းမြစ်များ

MATHIU 24:35

Vanram le simleiko lamang nati, tak-ha ka chong ngai hiko manglai noning.

ROM MINGAI JIANG PAUL NING A JIAK CHITHI 8:19

Pathian naingai ha do na ranga a ring rakip in ngak lal tak a an om.

ROM MINGAI JIANG PAUL NING A JIAK CHITHI 8:21

Ajarko, jibaning ngal lom man ranga suak an lui chang ha Pathian naingai lianpui na jarra ma sua nanti u.

1 KORINTH 7:31

Ramuolla a nem na a tok, a nei man mingai ham atoklui mi anga om rase, ajarko hiva ramuol omchan hi a sot ko che lai noning.

HEBRU 1:10

A man hingahin nom a ri ret; puma nang in a phut na tak ramuol ha na sin hale na kut a chung van ngaiha na sin ani.

HEBRU 13:14

keini hiva ramuol chunga hin khopui a det ha nei mak sing; hava jarra kein in a hong rang khopui ha kan en chak ani.

HEBRU 9:11

Achang anin nom hin na a om asat sangai chunga thiampulian a changa Khrista ahong jui ani, ama sepa tho na mun ha ko, ramuol la miring in an sin biakinn sunga nimak,

MANJETNA 11:15

Hava suale thaneithiang sari chang na pa ning, pengkul a tum karra vanram tenna rasa a ring khat a hong suak a ti, ramuol rakip hi kan puma ama jiang a om jui, hale ama tirlon Mesaia ha ning amongtibuia ramuol la reng chang rang ani jui.

MANJETNA 21:1

Kei ning vanram a thar khat le ramuol a thar khat ka mu a rapa ramuol le vanram ha ko a mang jui, hale tuionglian tui pui ham a mang jui.

MANJETNA 21:4

A man an mit tui ngaiha not pe rang ani jui, hava han thina om lai noning, pong khodengthei a chap om lai noning, phur aluingai rakip ha a mang so jui.”

MANJETNA 21:5

Hava suale reng ong na mun na a ong han a ti, “Atunko kei ning phur rakip hi ka man thar jui!” a man kei jiang om a ti “Jiakro hiva chongngai hi adik ani tia ngairo.”