HEBRU 12:15 - Rabu Athar New Testament (BSI)

¹⁵ Pathian manrit na an phut tute nuk tiang an kir mak na rang, hale, ramsul a kha anga a hong kei sua a turin mirakip a man chok mak na rang kan ching theiru.

HEBRU 12:15 ပူးပေါင်းရင်းမြစ်များ

LUK NING A JIAK CHONGSAT 22:32

Simon kei ning na lung nathon mak na rang a ka na lam pe, han nang in na nuk nakir karra na u na nai ngaiha an lung mandetpero.

1 KORINTH 10:12

Hiva jarra aringjot ama han athi mak na ranga ngaidon ta rase.

1 KORINTH 13:8

Lungsiat ko a mong ti om mak; Pathian chongsiat alui ri ngaiha an lamang rang ke, chong rakip alui jet ngai ha an lamang rang ke, chingna theina ham a mangrang ke.

1 KORINTH 15:33

Nang ni achinga omru, Siatna ha maaktaru, ajarko nan jak na ranga ka ri ani, nan karra Pathian a jet mi mu making.

1 KORINTH 5:6

Nang nin man kan lian maru. Dei rang om lui omchan aviara a renga a man kanset tiha nang nin nan jet mo nimak?

2 KORINTH 13:5

Nantak nantak ning kan ngaidon ru Pathian jiang takngai jamo nan ring? Nangni ning Pathian ha pummak nan mak mak inko Khrista ha suai luija nangni jiang a om tihi nan jet mo nimak.

2 KORINTH 6:1

Pathian jiang keinin chuan kan tho na hin ama ami lungsiat thei na phual ha a man buia ariampa ko manchang ma rei tia nangni jiang ka na ri ani.

GALATIA 2:13

Jiw pasal khat om achit chu chunga bu nek alui kan chel hale Barnabas ten nom achit chu chunga anmani karra alui man nek.

GALATIA 5:4

Chena dan rakip a juia Pathian jiang man kan thiang kati tia a omngai ha Khrista le nan kan sen ani. Nangni hi Pathian a mi lungsiat thei na va ralla nan om ani.

EPHESIA 5:3

Nan karra a salui chuan tho minu en, mi en lal kan ti ngaihi mak taru athiang karra mi thiang ha chang taru.

KOLOSIA 3:5

Hiva jarra, ramuol ning adei le angai tui ha ko om chansalui, athiang lui, hurna, asatlui, ngai tui, pham raisiat kut a sin ramil chubeibuk khat ani.

TITAS 1:15

Mi thiang ngai ranga phur rakip hi a thiang ver, tak-ha mi thiang luingai ranga ko, takngai rang athiang ite khat om ma; hiva jarra an ngaidon nale adik dik mak jet thei na rang an lung a chok.

HEBRU 3:12

Sap le jar ngai, a ring chak Pathian na an phut tute an kan hei mak na rang, hi ang khan na an lung a samakle an takngai mak na nan karra a om mak na rang kan ning theiru.

HEBRU 4:1

Atunko ama le pong kan sak suom na rang Pathian in keini pong kan sak na mun na lut na ranga chong shakhi a na mak pe jui, hale pong kan sak na mun tung rang tute khat in ama sial mak na rang kan ning thei ri.

HEBRU 4:11

Hiva jarra puma le pong kan sak na mun tung na rang kan tor khan na asat ha thori, tu khat om anmani anga chong jui lui jarra a lut torlui kan chang mak na rang chong jui lui chang ma ri.

HEBRU 6:11

Nangni na ngaidon a adik tak a hong tung na rang a torna tunga nan ning nan man sat rang hi kan dei ani.

2 PITAR 1:10

Hiva jarra ka u ka naingai nang ni ana kuia ana lui thang pa ha a khel la jet na ranga ri theiru. Ajarko nang ni ning hiva ngai hi nan tho inko itik om pong na mu noni che u.

2 PITAR 2:18

Ajarko a nem lui mi pang chong an ri la anmani ning ani luia a ring ngai chunga anmani ning tak sa lungdo tianga an man lut.

2 PITAR 3:11

Hingahin phur rakip mang rang ani jui, nang ni hi ho anga mi mo nan ni rang? Nan ringkhuo ngaihi Pathian jiang a thianga kan pek lutru.

2 PITAR 3:14

Hiva jarra ka lungsiat ka sap ngai, Pathian nan ngak kar hin, nan lung man thiangru hale ani lui khat te nei maru, Pathian madonna han a hip athianga ama le om ru.

2 JOHON 1:8

Hiva jarra nan chuan tho na rakip manmang mak na ranga hale lungdo tunga pong lo nan mu na rang kan ning theiru.