HEBRU 10:14 - Rabu Athar New Testament (BSI)

¹⁴ Hiva jarra vei khat kan bol na han siatna a na man thiang mingai ranga kum sot lungdo tung na a sin jui.

HEBRU 10:14 ပူးပေါင်းရင်းမြစ်များ

TIRLON 20:32

Hale atun kein nang ni ha Pathian tiang le ama manrit na chong ha kana pek ani, hiva chong hi ning nang niha ina sinhei an khat om aman thiang sa anmani rakip karra tum rang suak ha nang ni jiang a na pek tor.

TIRLON 26:13

Sunchim lai tak han ninek ivar an khat in vantenna a var ha ning kei le kan kan ruaisuamngai jiang kan lon na lam han ina elha ka lui mu.

ROM MINGAI JIANG PAUL NING A JIAK CHITHI 15:16

Thavang thiang in iman thiangsa jatdangngai ha Pathian ning ana jot pe na rang kei ning thiampu anga Pathian asat chong ruia chuan ha ka tho.

1 KORINTH 1:2

Korinth na a om Pathian biakrup mithiangai Jisu Khrista jianga a om chak amun rakip a ama le a kan ruai mi, kan puma anmani puma an man chang Jisu Khrista chubei abukngai,

EPHESIA 5:26

Biakrup hi puma Pathian jiang pek lut na ranga tuija an rasuk suale Pathian ama chongsat han a rasuk jui.

HEBRU 10:1

Jiwngai dan ha lungdo tunga takngai rang lui chang mak; nuk a tak khet asat det an khat a hong rang melpua ha ani. Akum racham kan bol na ha hangahan anga ngaija a om chak ani, ha aninko Pathian jiang a che mingai ha hiva kan bol na dan ha ijamo lungdo a tung tor rang ani jui.

HEBRU 10:10

Jisu Khrista a taksa a hong kan pek, Pathian a dei ha ahong tho jarra keini kan renga siatna an phut a na man thiang jui.

HEBRU 10:12

Tak-ha Khrista ning kum sot ranga vei khat jak kan bol na achanga a hong kan pek pha, ama Pathian chang tiang ahong jui.

HEBRU 13:12

Han Jisu Khrista siatna man thiang na rang khopui tual tiang a hong thi ani,

HEBRU 2:11

A man mingai an siatna an phut a man thiang jui, hale a man thiang ngai hale a man Pa an khat jak a neisuam jui, hiva jarra Jisun anmaningai ha ka sap ka jar ngai ti rang hi jak na nei mak.

HEBRU 7:19

Ajarko Mousi dan han i jum lungdo tung tor mak hale atun ko asat det an khat a hong choi jui, hava han kein in Pathian jiang kan nai det jui.

HEBRU 7:25

Hale aman tu nom kum sot ama jiang an phut Pathian jiang a hong nan ta kum sot ring na a tho tor, ajarko ama kum sot aring chak jarra anmani ranga Pathian jiang a lam pe chak jui.

HEBRU 9:10

Anmanin chak le nek han dan nuk juia man thiang na a tam tak an tho rang a om ani. Hava ngaiha, Pathian in irakip a sin man sat mak kar je rang jak ma pal phuang a nei man ranga dan ngaiha alui chang.

HEBRU 9:14

Hava han adik achang inko, Khrista thisen han a khel la lungdo a tung jui ani, kum sot Khrista thavang a thei jak lungdo tung na khat achanga, Pathian jiang a kan pek ani, kein in a ring chak Pathian nai kan chang thei na rang, animakle chuan an phut kan jet khan na lung hi a thisenin ana man thiang pe rang ke.

JUD TENNA CHITHI 1:1

Jisu Khrista a suak le Jems a u anai chang pui Jud Kei ning Ka pa Pathian ning lungsiat tak a a kui mingai hale puma jiang a omngai, halle Jisu Khrista ning a san ngai jiang;