EPHESIA 6:8 - Rabu Athar New Testament (BSI)

⁸ Nang nin jetru chuan sat atho mingai chunga Pathian ning chuan sat a pek rang ke, kan chong pa ani nom suakpa aninom.

EPHESIA 6:8 ပူးပေါင်းရင်းမြစ်များ

MATHIU 16:27

Ajarko Mi Pasalnai ha ning ama a pa mahok na han, ama thaneithiangngai le kanruoia hong nati, hava pha han mi rakip jiang an tak in an tho chuan nuk jui a tum rang ha a man pe nati,

MATHIU 20:7

Anmanin ama jiang anti, ajarko tu ning om keini hi chuan sin na manlo ma u; a man anmani jiang a ti, nang ni om darkha rahuan na cheru; mu rang suak ha nang nin mu nanti.

MATHIU 5:12

Ningsatru, a khel la manhuiru; ajarko vanram ma a lian tak nan tum rang a om, hingahin nan madonna Pathian tashantheingai om an luimanpong ani.

MATHIU 6:1

“Misanna nan nei karra mitam mai kung ana mu rase u tia nan tho nima rase. Animak inko vanram ma nan pa jiang nan tum rang om mak.

MATHIU 6:4

Hava jarra misanna nan nei karra rukchian na nan tho ni rase, rukchian na ana mu nan pan na malekhir nati.

LUK NING A JIAK CHONGSAT 14:14

Hava na tho han nang ranga ravansat ni nati, ajarko anmanin nang jiang lamal nasak tor noni u, ajarko a thi ngai ning an hong thuikhir phat han Puman nang ni jiang nasak nati.

LUK NING A JIAK CHONGSAT 6:35

Hiva jarra nang ni a na en dangai ha lungsiatru, chuan sat tho peru, mu khir ranga manpuk maru. Nang ni lo man a lian, nang ni a sang tak pathian nai nan chang rang ani, ajarko mi pong na jet luingai jiang om, mi saluingai jiang om Pathian ningko a san,

1 KORINTH 12:13

Hiva anga keini rakip hi Jiw mo, jatdangai mo, suak mo, kan chong pa mo, Thavang Thiang in tuilutna a na man nei a tak khat a na man chang jui. Keini rakip sunga Thavang ana thun pe jui.

2 KORINTH 5:10

Ajarko Jisu Khrista ning mirakip chunga a man chong ilajen pe rang ke. Ramuol la taksa ringkhuo hin an lui tho nuk jui tho nukjuija asat aninom a salui aninom an tho nuk juia mu nanti.

GALATIA 3:28

Hiva ruia Jiw le Jatdangai le ariang le a nei, numei le pasal nan renga Khrista jiang khat jak nan ni jui.

KOLOSIA 3:11

Hiva mi thar sung hin Griks, Jiws, vuntan le vuntan lui, aching le a am, suak le kan chong suak chang lui, a kan khel na ite om mak, tak-ha Khrista ko aniver, hale Khrista ko irakip a a om.

KOLOSIA 3:24

Puma ning a mingai ranga lo man itet ha katum rang ke tihi ngaidon unang, nan chuan tho ha adik tak Khrista chuan tho ha changru.

KOLOSIA 3:25

A satlui tho ha ning asatlui tum nati, ajarko Pathian ning an thona nuk juia chongtan nati.

HEBRU 10:35

Nan ningsat na ha manmang maru, ajarko nan tum rang alian tak ha hong choi rang ani.

HEBRU 11:26

A man nuk pong lo man a mu rang a en na, ijip lal le thum rakip nei rang nek Mesaia rang jarra mol khang rang han a man a nei det tiha a man a jet jui ani.