EPHESIA 6:11 - Rabu Athar New Testament (BSI)

¹¹ Puma jiang a om ral tho na chem le pho ngaiha lek taru siatna a salui madonna nan ngir torna rang.

EPHESIA 6:11 ပူးပေါင်းရင်းမြစ်များ

MARK 13:22

Khrista ni lui le tashanthei niluingai hong suaknanta jet nale chuan a ngak pa anthorangke a jot inko athang suakngai ten nom aletiang na tuang na rang tho nanti.

ROM MINGAI JIANG PAUL NING A JIAK CHITHI 13:12

Jan a chimjui, sun a hong nai jui, hiva jarra jan chuan hi kein in mak inang a var chem le pho ha lektarei.

ROM MINGAI JIANG PAUL NING A JIAK CHITHI 13:14

Tak-ha nang nin Puma Jisu Khrista ha puan si diar kei anga kairu, hale taksa ning i dei ha man tung na ranga taksa rang var maru.

1 KORINTH 10:13

Nang ni chunga a om siatna mathemna ha mirakip chunga a om, hale pathian ko a ri ha a tho. A ma ning nan torlui chuan na mathema na pek noning, nang in na khang tor rang le na dui tor ranga mathemna a na pek rang ke.

2 KORINTH 10:4

Ajarko keini ral tho na chem pho ngaiha ko ramuol tenna nimak, tak-ha Pathian tenna ranak han a salui rakip manmang na ranga kan tho ani.

2 KORINTH 11:3

Tak-ha kein ka chit rul ning Eve jiang alui huang anga, nang nin Khrista jiang lung lut a nan om ha asalui ning na manmang ma rase.

2 KORINTH 2:11

Seitan ning keini chunga a salui hin ana manchul mak na ranga kei ning Seitan chuan ha jet lui tho ma rei?

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

2 KORINTH 6:7

Kan chong ri adik le Pathian ranak le athiang omchan han keini ral tho na chem pho kan lui manchang. Ral lut nale ral khan na kan man chang.

EPHESIA 4:14

Hale keini hi rothi phaivuo ning amun khat le amun khat a choi tor nai pangngai anga nima rei. Kan lung det a om rei mi saluingai ning ani lui lam ma man kan tuang maru.

EPHESIA 4:24

Pathian tenna a hong adik ringkhuo le a thiang lam ma puma anga athinga om taru.

EPHESIA 6:13

Nang nin hava nikhuo a hong tung karra a satlui ning ana tor mak na ranga ral chem le puan si ngaiha tho taru.

KOLOSIA 3:10

Hale ana sin pu Pathian ning ama mel pua tak a, jet chiak a ina man thar mithar ha nang nin nan ni jui.

1 THESSALONIKA 5:8

Tak-ha keini ko a varra a om a tak akanchur tor mi ha kan ni jarra puma jiang takngai na hi puan si anga sirei, lungsiat lam ha raka anga kum sot ringna rang lungdo kan nei lam ha lu hup anga hup chak rei.

HEBRU 7:25

Hale aman tu nom kum sot ama jiang an phut Pathian jiang a hong nan ta kum sot ring na a tho tor, ajarko ama kum sot aring chak jarra anmani ranga Pathian jiang a lam pe chak jui.

JEMS 4:7

Hiva jarra nang ni Pathian jiang lutru. Seitan ha not cheiru, hale seitan ha nang ni tenna tan rang ani jui.

1 PITAR 5:8

Ka ning theiru, en chakru, nang ni ana manmang jot seitan ning a chea, nong sha ning a khek ang han a khek a om, tu ang khat manmang ranga a en na a om.

JUD TENNA CHITHI 1:24

Atunko, nang ni kutsui kesui, na man nei lui ranga a na om pui ningsat a nan lungdo tung nga ama mai kunga, lianpui tak an na man ngir tor.

MANJETNA 12:9

Ri reng a lian pa tak-ha vanram tenna an hong ma sul jui, ama ha seitan anti ha ani, ama jiang ramuol pumpui pong na ranak ha a nei, ama le ama nuk jui le thaneithiangngai le an renga ramuol la an hong ma sul jui.

MANJETNA 19:20

Sa ngaiha pong na mun han an tuong ani lui chong ri ngaile kan ruaia anmanin a ngak pa chuan ngaiha ama madonna an tho, hava chuan ha sa ning a jet na ranga a om mingai le kut sin phur chubeibuk ngaiha an lui tuang jui, anmani ha amongtibui mei khurra an lui thun jui.

MANJETNA 2:24

Han Thiyatira hin a om mirakip ning hiva ani luija chuan hi lui jui ma u. Nang ni seitan lung rilla an tho chuan hi la jet ma che u, kein nang ni jiang na ti rong, nang ni chunga kein phur rik i te na pek noni king,