EPHESIA 5:8 - Rabu Athar New Testament (BSI)

⁸ Ajarko phat khat a nangni a jing na inna nan lui om tak-ha a tun ko Pathian a varna hin nan om jui.

EPHESIA 5:8 ပူးပေါင်းရင်းမြစ်များ

MATHIU 3:8

Nanlungthul ha mu thei na rang a ra manneiru.

MATHIU 4:16

Ajing mun na a om mingai ning var a lian khat an mu jui. Hale thina ram sung le thina nilim thuoia omngai chunga a hong varjui.”

LUK NING A JIAK CHONGSAT 1:79

avarhi ajinga alui omngai ranga ani, lunghip ning kei hi a na manruai chak jui.”

LUK NING A JIAK CHONGSAT 16:8

A lung thiang lui suakpa ning achinga a tho jarra rengpa ning ama ha amanpak, ajarko “Avara a om mingai nek hiva simleia a om mirual ngai ning an tak nem na rang a tam anching an thei”.

JOHON 1:9

Ramuolla ahong mirakip asat varnarang amahi adik avar ha ani.

JOHON 12:35

Jisun a sang, ‘Varha nan karra a pha bongkhat jak a om, ajieng in ananangmak na rang nang nin a var lai hin lonru, ajarko ajieng karra a om mi han hon mo kiche tiha jet tor mak’.

JOHON 12:36

Nang nin var ha nanneilai, var ha takngairu; ha aninko nang ni varra om miha chang nanti. Jisun hivahi a ri suale, anmani tenna phut a kan thup jui.

JOHON 12:46

Kei tak a na ngai mirakip in veikhat ajieng karra om mak na rang, Kei ramuol la varra ka hong ani.

JOHON 8:12

Jisun veikhat anmani jiang a ti, “Kei ramuol la avar ha ka ni; tu a chang innom kei kanuk anajui ama han ring na a var ha nei nati, hale a jing na mun na om noning.”

TIRLON 17:30

Hiva jarra kan lui jet maklai pha han Pathian ning nalui mumak, tak-ha, a tunko mun rakip a mirakip lung thul na rang man chong pek na ana nei.

TIRLON 26:18

Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.

ROM MINGAI JIANG PAUL NING A JIAK CHITHI 1:21

Anmani ning Pathian ha an jet in nom a maha manpak ma u, hale a man atho pena ham jet ma u; tak-ha an ngaidon rakip ha nemna bui a hong nia an salung a jing jui.

ROM MINGAI JIANG PAUL NING A JIAK CHITHI 13:12

Jan a chimjui, sun a hong nai jui, hiva jarra jan chuan hi kein in mak inang a var chem le pho ha lektarei.

ROM MINGAI JIANG PAUL NING A JIAK CHITHI 2:19

hale jet nale adik ruia dan chong pek sung han nang in na mu a, na tak in mitdelngai lamruoi ajieng mun na a omngai ranga var ha na ni.

1 KORINTH 1:30

Pathian ning nang niha Jisu Khrista jiang ana juang tuang jui, ama hi nan ringkhuo hong suak na ani, Jisu Khrista tenna ama han theina tangbung ha a sin, adik lam ma om na ranga ana manthianga ana sanring jui.

2 KORINTH 3:18

Keini kan renga maikhu puan tho luia puma lurna han ana man varjui, hale hava lurna ha Pathian a tak tenna a thavanga a hong mankonthul anga keini om ama mel anga ana man kan thul jui.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

2 KORINTH 6:14

Nang nin Pathian jet lui mingai le chuan tho chun maru ijamo adik le adik lui ha an om chun rang? Ija mo avar le a jhing ha an om chun rang?

GALATIA 5:25

keinin Thavang Thiang jarra kan ring aninko Thavang chena hin che tarei.

EPHESIA 2:2

Hava phat han nang nin ramuol la asatlui lam ma nan lui che hale ramuol Thavanga ranak ning chung marak a ana lui choi, tak-ha atun ko Thavang Thiang in Pathian chong jui lui ngaiha a chur jui.

EPHESIA 4:18

hava vakhal han Pathian na manjet noning, a jing na lam ma Pathian jet luija mi pang ringkho hin an om.

EPHESIA 5:2

Pathian madonna Jisu Khrista ning thairim hui anga a taksa hi nangni ranga alui kan pek anga nang nin nom lungsiat tak a kan pekru.

EPHESIA 6:12

Keini ning kan tho ral hi thisen le taksa ral chang mak, Seitan ning ramuol la alian a rangai jiang ani lui chuan lam aman tho, hiva Thavang salui ning ramuol aman jing ngai chunga ral kan tho ani.

KOLOSIA 1:12

A thiang mingai ning an tum rang ha nang ni om tum suam na ranga, keini lungdo lung khat a na manni Pathian ama mun na nang nin man pakru, Puma ranga rahui suak lungdo tung ha changru.

KOLOSIA 1:13

Pathian ning Keini ha a jing ranak tenna a na hong san na, ama lungsiat a pasalnai Om na mun han keini jom ana manjet jui.

TITAS 3:3

Ajarko keini om, atuan lai mingai ham, ri jui lui, leisei, a dang a dang omchan salui le kum hei ranga suak, kan enda, khat le khat kan ma tir mi ha kan lui ni.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.