EPHESIA 5:26 - Rabu Athar New Testament (BSI)

²⁶ Biakrup hi puma Pathian jiang pek lut na ranga tuija an rasuk suale Pathian ama chongsat han a rasuk jui.

EPHESIA 5:26 ပူးပေါင်းရင်းမြစ်များ

JOHON 13:10

Jisun a ti, “Tu a chang innom tui abialsa miha a ke ni luia a dang rasuk rang om mak, nan renga nan thiangver, tak-ha ankhat jak hake a thiang lui.”

JOHON 15:3

Kein nang ni jiang kinaluiri jarra nanthiangsuajui.

JOHON 15:8

Nang nin a ra tam tak ha nan ni jarra ka pa mahok lianpui na ha ava kando ang han, nang nin kathiamruoi ni rang nan ni.

JOHON 17:7

Atun anmanin an jet jui, i rakip Pathian nang tenna ihong ani.

JOHON 3:5

Jisun a sanga, “Kein nang jiang adik tak ka na ri ke ani, tui le thavang an phut akanjirmak miha tuachang in num Pathian rengram lut tor noniu.

TIRLON 22:16

Atun nangin imo nilakansai? Thui in lang tuilutna neiro, ama a ming ha tel in lang na siatna ngaiha rasukro.

TIRLON 26:18

Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.

ROM MINGAI JIANG PAUL NING A JIAK CHITHI 10:8

Tak-ha imo a ti, nang na kolla na mu jarra na lung sunga chong ha a om, hava ha ko keinin kan ri takngai chong ha ani.

1 KORINTH 6:11

Hiva ngaihi nan karra aviar ko an om tak-ha hava ngaiha ko puma Jisu Khrista a thiang Thavang ning a rasuk jui.

2 KORINTH 11:2

Kei ning nan chunga a thianga Pathian mit en na en lal na ka na nei, ajarko nangni hi numei thiang khat anga kei le chong kan torna nan neia Khrista le lu huang rang ha nanni jui.

EPHESIA 6:17

Kum sot ringna chong ha nan lu hup man changru, Pathian Thavang Thiang lam nan chemsei man changru.

KOLOSIA 3:16

Khrista chongsat ha ning na lung sunga om rase, chingna theina, khat le khat nan man kan chuna, nan kan ripe na rakip a manpak la, biakrup la, choi lom na la, thavang rakip ha nan lung sunga Pathian jiang thoru.

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

HEBRU 10:10

Jisu Khrista a taksa a hong kan pek, Pathian a dei ha ahong tho jarra keini kan renga siatna an phut a na man thiang jui.

HEBRU 10:14

Hiva jarra vei khat kan bol na han siatna a na man thiang mingai ranga kum sot lungdo tung na a sin jui.

HEBRU 10:22

Hiva jarra asat le a siat jet thei na lung adik mak le tak sa ngaihi, lung a thianga takngai le nei man rei.

HEBRU 10:29

Ha aninko Pathian Pasalnai ha a nuisova, Pathian chong shakhi thisen thiang ha ama a siatna tenna i man thiang tor ha a man om mak inko? Thavang thiang manrit na ham i jot lui mi ha i duk khodengthei na mo i mu rang ha ngaidonro.

HEBRU 13:12

Han Jisu Khrista siatna man thiang na rang khopui tual tiang a hong thi ani,

HEBRU 4:12

Ajarko Pathian chong ha a ring chak le chuan tho chak ani, chemsei vei le chang a ngei nek a thuk tak a at tor, tak sha le thavang a kan chun na hale sarule a hang sun khui tor, miring lung ngaidon le dei rakip a jet tor ha ani.

HEBRU 9:14

Hava han adik achang inko, Khrista thisen han a khel la lungdo a tung jui ani, kum sot Khrista thavang a thei jak lungdo tung na khat achanga, Pathian jiang a kan pek ani, kein in a ring chak Pathian nai kan chang thei na rang, animakle chuan an phut kan jet khan na lung hi a thisenin ana man thiang pe rang ke.

JEMS 1:18

A kut sin rakip karra keini ara ma sat tak-ha kan chang thei na rang, chong dik han a lungdo tak keini ha a na hong tuong jui.

1 PITAR 1:2

Pathian ning nang ni ngaihi a na thang sa mi ha nan ni hale Pathian ning ana man thiang jui, ama thavang thiang le Jisu Khrista nuk jui na ranga ama thisen hin na rasuk rang ani.

1 PITAR 3:21

Tui han hava anga jet thei na ha ani. Ti ko baptais nan tho jarra san ring na nan mu jui, taksa a chok ha man thiang na rang jak nimak, Jisu Khrista a hong ringkir jarra ani, Pathian jiang adik dik lui jet na ranga lungdo a tok ha ani.

2 PITAR 1:9

Ajarko hiva rakip a torlui mi ha ko a siatna alui ngai ha a rasuk pa a thei nia ama kol la a om bak a mitdel ha ani.

1 JOHON 5:6

Jisu Khrista ha a juanga tuija alui lut han thisen luanga a thi jui ama tuija a hong chang luia tak sa le tui le thi sen hale a bing jak a man kan thianga adik jui ajarko, a thavang ha adik ani,

JUD TENNA CHITHI 1:1

Jisu Khrista a suak le Jems a u anai chang pui Jud Kei ning Ka pa Pathian ning lungsiat tak a a kui mingai hale puma jiang a omngai, halle Jisu Khrista ning a san ngai jiang;