EPHESIA 4:6 - Rabu Athar New Testament (BSI)

⁶ Pathian khat, kan pa khat jak ani, amahi chunga a om ama tenna irakip a honga nan sunga a om.

EPHESIA 4:6 ပူးပေါင်းရင်းမြစ်များ

MATHIU 6:13

Mathemna han na ruai maro, tak-ha asat mak khat tenna na sanro; ajarko rengram, ranak hale lianpui na amongtibui ha nangta ani. Amen.’

MATHIU 6:9

‘Hiva jarra hingahin lamru: Vanram ma om kan Pa, na ming thiang chang rase.

JOHON 14:23

Jisun ama jiang a sang, “Tu ang kei ana lungsiat ha kei ka man chuha a jet a ajui ani. Ka pa innom ama lungsiat nati han, Kapa le kein ama jiang chekanta a kol la om rang kan ni.”

JOHON 17:26

Nang in kei nanalungsiat ani, lungsiat na ha anmani sunga aomthei na rang hale kei ning anmani jiang nang jet na rang ka tho pe jui ani, han anmani non an na jet chak na ranga ki tho ani.”

JOHON 20:17

Jisu ning numeinu jiang a ti, “Nasit maro, ajarko, kei ka pa jiang lache making, tak-ha ka u ka nai jiang nang che in lang ripero, ka Pathian, anmani rang om an Pathian jiang kakir rang ke.”

ROM MINGAI JIANG PAUL NING A JIAK CHITHI 11:36

Ajarko phur rakip hi ama ning asin ke, ama jarra irakip hi an ring ke, a tor ti buia ama ha manpak chang rase, Amen.

1 KORINTH 12:6

Chuan ngaiha a kan khel pet tak-ha chuan rakip a man tho pu pathian ko khat jak ani.

1 KORINTH 8:6

Keini rang ko Pathian khat jak ani kan pa Pathian ama ning phur rakip hi alui sin hale Jisu Khrista tenna i rakip alui kan sin hale kein in ama jiang kan om.

2 KORINTH 6:16

Pathian in thiang han, kut a sin Pathian ha om jot nati mo? Ajarko Pathian ning a man thiang in thiang ha keini kan ni. Pathian ning a ti “kein an karra ka om rang ke hale chuan ki tho rang ke, hale kein anmani Pathian ka ni rang ke, hale anmani ha ka mi ka manchang rang ke.”

EPHESIA 1:21

Jisu Khrista ning vanram ma reng a changa ranak rakip hi ama jiang a om jui, hale ama a ming hi ramuol la ming rakip nek a alui lian, han a hong rang phat, nuk hin nom ama ming ang hin om lai noning.

EPHESIA 2:22

Nangni chunga puman biakrup asin ha puma Thavang Thiang om na mun ranga ani.

EPHESIA 3:17

Hale nan takngai na jarra Khrista ning nan lung sunga om rase han lungsiat han a det tak a ngirru.

EPHESIA 6:23

Puma Pathian le Jisu Khrista tenna lunghip na han ka u ka naingai chunga lunghip le takngai na om rase.

1 JOHON 3:24

Tu a chang innom Pathian chong pek a jui mi ha Pathian jiang a om ani, ama a Pathian a om ani ama thavang a na pek ang hin keini sunga Pathian a om ha kan jet ani.