Siatna tak sa hi lamang nata kein in siatna suak ha kan chang mak na rang keini a luisa miha a male kan ruoija Khros chunga kan thi suam jui tiha kein in kan jet.
Ajarko nang nin nan jet, keihi a tuan lai judaism ma ka lui om lai han iduk mo puma biakrup chunga khodengthei na ka lui pek, hale manmang na rang ka lui tho ani.
A thianga keini om hava mingai angnga ramuol la lungdo nuk juia taksa lungdo rakip ha kan lui tho, taksa lingdo ngaiha ko keini khodengthei nale puma lung thok na alui chang.
Ajarko keini om, atuan lai mingai ham, ri jui lui, leisei, a dang a dang omchan salui le kum hei ranga suak, kan enda, khat le khat kan ma tir mi ha kan lui ni.
Keini ranga takngai na jet thei na ranga sakhi lian atam tak in kan sir kan panga a na tan jui ani. Siatna a o tit na rang om a lam rakip kan nok na ngai deng jaun pet innang, kan madonna a om kan lungdo mun tiang jong innang risiat tho innang tanrei.
Nan karra tute khat om siatna an chul mak na rang le a lung a ngar mak na rang ve enni nikhuo a om lai hin chong thiang nei man na khat le khat man kan churru.
Tu a chang innom mi ankhat in dik na tiang lung lut mi ka ni tia a kan ngaidon an om mo? A man a lei akanchur tor mak inko, ama dik na ha a nemna bui le asa mak ha ani.
Ajarko nang ni ning ani lui omchan ju rui, ju inna, matir a om chuan ngai hale ani lui Pathian chubeibuk ngaiha, alui che sa phat a nan lui tho han a jot jui.
Anmani ning khodengthei na chuan an tho jarra khodeng man thei rang a suak, ajarko anmani ning sunvara tak sa khop na rang chuan an tho, an man huija an om nang le bu nek chuan na a omngai ha ravan bui anni ajarko anmani ning chuan salui ha an jui.