Hava pha han Judia, Galili le Samarija pumpuia, biakinn sin an phut lunghip na an lui mu, hale Puma an chit jarra Thavang Thiang ranak ha an jui jarra a khella miha an hong tam.
Hiva jarra ulenaingai, nangni taksa ha ringpum ma, Pathian lungdo tung na rang an khat phur anga nina rang kei ning Pathian manrit na khan na nang ni ha ka na ri, hivahi nang ni thavang chuan ke.
Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.
Hiva jarra keinin Khrista a rahut a chuan Pathian ning keini jiang ana man tho keini ning Khrista rahut Pathian le kan lungsiat khirna ranga kan ri ani.
Atun nang ni nan ringkhuo pal ha Khrista chongsat jarra asat a palru, kein ka honga nang ni le kan kan mu nom, kan kan mu mak in nom, nang ni lung khat jak nan chang a chongsat chunga takngai nan nei ha kan siam in lang, thavang khat jak nan ngir tihi kein ka jet thei na ranga om ru.
Nang ni nan mi Khrista Jisu a suak Epapharas innom chubei ana hong pek, nang nin Pathian lungdo tak a le nan lung ngir det tak a om na rang lungdo tung khristian nan chang na rang, a pha rakip a nang ni ranga lam na anei.
Hiva jarra kein in phat rakip a lam na kan nei, Puman ana kui hi mi sat khat chang na ranga hale ama ranak han chuan sat tho nale takngai na hin na man rat rase.
Puma ning keini hi a mi khat chang ranga a na kui keini kan chuan tho jarra chang mak tak-ha ama a na lungsiat na jarra ani, ama ning Jisu Khrista jiang a rat na ha a phut na tenna alui hong tir.
Lunghip lungdai Pathian chuan man tho na rang, nan dei nan ngai tui rakip ama ning na man tung pe rase, Jisu Khrista chunga a man a tai na ha tho rase, han Khrista ha a phat a phat da mahok na ha om rase, Amen.
Ka lungsiat ka sap ngai kein nang ni ha ka na mathem, ramuol chunga khual mi khat anga nan taksa ning a dei ngai ha pek maru, hava ngaiha phat rakip a Thavang ning a jot lui ngaiha ani.
A satlui a tho ngai jiang a satlui tho maru khua a na khong ngai jiang khua khong maru, hava rahut a phual pekru. Ajarko nangni phual mu na ranga nangni ha a na kui ani.
Hale Pathian lianpui na ranga Khrista ning nang ni ha a na lui kui ani, hiva phat bongkhat hin nang ni ning khodeng nan thei suale nang ni ha na man rat rang ani, hale na man lian na ta na man ngir rang ani jui.
Pathian rat na ha keini jiang akip a ana pek jui. Keini Pathian jet a ring na ranga ching na jet na hi keini a na kuipu ama tenna ani, ama asat nale a torna, lianpui na mu na ranga ani.
Hiva jarra e numei manritnu, keini kan renga kan lungsiat verrei tia ka na hong lam ani, hivahi chong pek tharke tia ki na manjet nimak; hivahi a phut na tenna kan lui jet sa chong pek ani.