EPHESIA 3:17 - Rabu Athar New Testament (BSI)

¹⁷ Hale nan takngai na jarra Khrista ning nan lung sunga om rase han lungsiat han a det tak a ngirru.

EPHESIA 3:17 ပူးပေါင်းရင်းမြစ်များ

MATHIU 13:6

Tak-ha, nisat a lum pha han, an renga a char; hale a rajung an nei lui jarra an vuoilik an charjui.

LUK NING A JIAK CHONGSAT 6:48

A ma hi inn mun a satna lung chunga inn sin anga ani. Tui a hong lian karra inn ha a hong nam, aninom inn ha luikannik noning, ajarko inn ha asat a an sin jarra ani.

JOHON 14:17

Hava adik thavang ha nang ni ana om puichak, ramuol inko mutorma, jet om jet mak, nang ninko puma ama ha nan jet; ajarko, puma ama ha nang ni le nankanruoichak hale nan sunga a om jarra nan jet ani.

JOHON 14:23

Jisun ama jiang a sang, “Tu ang kei ana lungsiat ha kei ka man chuha a jet a ajui ani. Ka pa innom ama lungsiat nati han, Kapa le kein ama jiang chekanta a kol la om rang kan ni.”

JOHON 17:23

Kein anmani jiang ka om, nang in kei jiang naomma, anmani lungdo a tunga pumkhat jak changa, ramuol chunga ninahong tirhi an jet thei na rang, kei ninalungsiat ang han anmanijom lungsiatro.

JOHON 6:56

Tu achang innom ka taksa thiang a chak, hale ka thisen a in mi ha kei jiang a om hale kei ning om ama jiang ka om.

ROM MINGAI JIANG PAUL NING A JIAK CHITHI 5:5

A thianga kan ngaidon jarra keini ha na man jakma, ajarko keini jiang i na pek thavang thiang tenna keini lung sunga Pathian lungsiat na ha a na bunthuan.

1 KORINTH 3:6

Kein thing kung ka ling, Apollos ning tui a chai, tak-ha Pathian ning a man kan son ani.

1 KORINTH 8:1

Atunko kut a sin Pathian jiang chakpek ruia kein in kan jet jui. Chingna theina ning thuaina mankanliana a na pek tak-ha lungsiat ning asat chuan na a na mankanson.

2 KORINTH 13:5

Nantak nantak ning kan ngaidon ru Pathian jiang takngai jamo nan ring? Nangni ning Pathian ha pummak nan mak mak inko Khrista ha suai luija nangni jiang a om tihi nan jet mo nimak.

2 KORINTH 6:16

Pathian in thiang han, kut a sin Pathian ha om jot nati mo? Ajarko Pathian ning a man thiang in thiang ha keini kan ni. Pathian ning a ti “kein an karra ka om rang ke hale chuan ki tho rang ke, hale kein anmani Pathian ka ni rang ke, hale anmani ha ka mi ka manchang rang ke.”

GALATIA 2:20

Keihi Khrista le khros chunga ka luithi jui, hale keihi a ringa a om ni lai making, tak-ha Khrista ning ka sunga a ring jui, hale a tunna ka ring taksa ringkho hi Khrista jiang takngai ja a om ringkho ha ani, aman lungsiat tak a aringkhuo hi kei ranga ana pek jui.

GALATIA 5:6

Ajarko keinin Jisu Khrista le kan om suam karra vuntan mo vun tan lui mo a kan khel na om mak. A liantak ko takngaija chuan tho lungsiat ha ani.

KOLOSIA 1:23

Vanram thuaija om phur rakip karra Paul kein nang ni jiang ka lui tho chuan rakip ha nan jet a chuan tho miha ka hong chang; chongsat ha nan jet a phut a dang takngai na khat a nan lung man che lai maru.

KOLOSIA 1:27

Pathian ning hiva chong ruk hi jatdangngai jiang a manjet jot, nangni hi Khrista ranga lianpui na ha nan ni.

KOLOSIA 2:7

Nang nin nan ring thei na ang han ama jiang nan rajung ha a thuk a man om ru, ama jiang lungsiat na ha tet nang, nan takngai na ha a khel la man ngarru.

1 JOHON 4:16

Keini ruia Pathian lungsiat na a om tihi keinin kan jet hale tak kan ngai, Pathian ko lungsiat ke hiva jarra lungsiat ha a chunga a om chak mi ha Pathian jiang a om chak, Pathian ning a om pui chak.

1 JOHON 4:4

Tak-ha Pathian ta a chang ka naingai, nang nin adik lui tashantheingai ha nan tor jui ani, ajarko nan chunga a om Thavang ha ramuol la a om thavang nek a alian det.

MANJETNA 3:20

Ngairo! kein inn khar kunga ka ngirra, inn khar kave, ka rasa a jet mingai ning in khar an long, kein ama inn sung lut ka ta ama le bu kan nek suam rang ke ani.