EPHESIA 2:20 - Rabu Athar New Testament (BSI)

²⁰ Tirlon paul le Pathian chong lui ri ngain, in mun an lui sin chunga Jisu Khrista ning luai chang kacho achanga alui sin in ha nang ni nan ni jui.

EPHESIA 2:20 ပူးပေါင်းရင်းမြစ်များ

MATHIU 16:18

Hale kein nom nang jiang kati, nang ko Pitar ke nani, hale hiva lung chunga kein ka biakrup ka sin rang ke, hale simlei tharsari kot innom hava ha tor noning.

MATHIU 21:42

Jisun ama jiang a ti, “Innsinngain an dei luitak lung ha ning inn ki duirang lung a hong chang hivahi puman i tho ke ani, hale hivahi keini mitda kan mu hi, pathian ning a tho alui ni. Nang nin chong thiang sunga i om ha luipa chil ma che u mo?”

1 KORINTH 12:28

Pathian a rapatak biakrup hin tirlon aluibe hale Pathian chong ri mi, hale, oja mi man chu hale chong rakip a jet mi, hale mi ning torlui chuan a tho tor mi, hale mi mandam a tor mi hale lam kaingai hale chong rakip a jet tor mingai ha aluibe ani.

GALATIA 2:9

Pathian ning kei hi hiva chuan tho ranga ana pek jui, tihi pitar, Jems hale Johon ning om an jet. Hava jarra kei le Barnabas keini le kut kan tokna kan nei. Barnabas le kei ning Jatdangai ngai jang hale anmani ning Jiwngai jiang che rang hi kan lui kan jot.

EPHESIA 3:5

Hiva Pathian chong ruk hi a chesa phat han tute khat jiang lui ripe mak tak-ha atunko Pathian Thavang Thiang hin tirlonngai le Pathian chong lui ringai jiang a man mu jui.

KOLOSIA 2:7

Nang nin nan ring thei na ang han ama jiang nan rajung ha a thuk a man om ru, ama jiang lungsiat na ha tet nang, nan takngai na ha a khel la man ngarru.

1 PITAR 2:6

Ajarko hivahi Pathian chong thianga a kan chel, enru kein Zion na lungpui khat ka phun an thang sa a man nei tak Lungpui ha ani, han ama takngai rakip ha ko jak na mu noni u.

MANJETNA 21:14

Khopuia a om pal ngaiha lungpui somleini hin an phun, hava lung chunga belram tirlon somleini ming ha alui kan jiak.