EPHESIA 1:7 - Rabu Athar New Testament (BSI)

⁷ Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui.

EPHESIA 1:7 ပူးပေါင်းရင်းမြစ်များ

MATHIU 20:28

Hi anga Mi Pasalnai ha ning a tak sepa man kan tho ranga i hong nima tak-ha a man misepa tho ranga ahong ani, hale mirakip masua na man ranga a ringkhuo akanpek ani.

MATHIU 26:28

ajarko “Hivahi chongtanthar ranga mirakip siat thiang na rang alui suak kei ka thisen ani.

MATHIU 6:12

Hale kein in kan lamaltualngai ngaidam kan nei anga kan lamaltual hi na ngaidamro.

MARK 14:24

Jisu ning anmani jiang a ti, “Hiva mi a tam tak ranga aluang ka thisen, chongsam na thisen ha ani.

LUK NING A JIAK CHONGSAT 1:77

Mirakip jiang tiperu Puma ko San ringpa ani, hale an siatna rakip ham a ngaidam pe jui.

LUK NING A JIAK CHONGSAT 24:47

A ma minga lung thulna chong le ngaidam na chong ha Jerusalem ma anphut jat rakip jiang anlaripe rang ani.

JOHON 20:23

Nang nin mingai siatna nan ngaidam inko, nang ni om na ngaidam nanti hale nang nin nan ngaidam mak inko nang ni om na ngaidam noni u.

TIRLON 10:43

A ma arui ajarra Pathian tashanthei rakip ning shakhi an pek, tiko ama a minga takngai mirakip in siat ngaidam na mu nanti u.”

TIRLON 2:38

Pitar ning anmani jiang a ti, nan siatna thiang na ranga, nan lim man kan sirru, hale Jisu Khrista minga nang ni rakip ning baptais thoru, han nang nin a thiang Thavang kutchoi nan mu rang ke.

TIRLON 20:28

Puma thisen tak in a chok jui Pathian biakinn ha don na rang le vaina ranga, nang ni nan masia le nan renga rup rakip in nan lung manlutru; Thavang Thiang in hava rup rakip lam kairuai ranga nang niha a na manchang jui.

TIRLON 3:19

Hiva jarra nang nin nan siatna ngaiha abuiphir na rang kansir unnang Puma jiang hong kan heiru.

ROM MINGAI JIANG PAUL NING A JIAK CHITHI 2:4

Animakle Pathian chuansat han nang ha lungthul na ranga lam a na ruoi ti ha jet luija, ama lung nem tiko; ana ngak thei le a dui thei hava rakip ha nang in ae shel na mo ninei?

ROM MINGAI JIANG PAUL NING A JIAK CHITHI 3:24

Khrista Jisu jiang a om rakip ha san ring na jarra puma ama manrit na han anmani ha a man buia a man dikjui.

ROM MINGAI JIANG PAUL NING A JIAK CHITHI 3:25

Atuan laia kan lui tho ha ning Pathian ning a na jet pea ana bang pe jarra a man adik ha ana man mu.

ROM MINGAI JIANG PAUL NING A JIAK CHITHI 9:23

A ma lianpui na ha manjetna ranga Pathian ning ama rang na ha lung thak na ha, hale a ranak rat na ha a do jot innom,

1 KORINTH 1:30

Pathian ning nang niha Jisu Khrista jiang ana juang tuang jui, ama hi nan ringkhuo hong suak na ani, Jisu Khrista tenna ama han theina tangbung ha a sin, adik lam ma om na ranga ana manthianga ana sanring jui.

2 KORINTH 8:9

Ajarko nang nin nan jet, kan puma Jisu Khrista ha alui nei achang nom, nang ni jarra ariang achang jui, a man ariang jarra nang nin a nei miha nan ni jui.

EPHESIA 1:14

Thavang Thiang ranak han pathian in keini ranga ana siak pe kan loman kan tum kan mu mak kar je ama lurna le alian na ha manpak rei.

EPHESIA 1:18

Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha.

EPHESIA 1:6

Manpak tarei puma lurna le alian naha, a dei tak anai ha keini ranga a man buia kutchoi a na pek jui.

EPHESIA 1:8

Hivahi puma ching nale varna tenna ani.

EPHESIA 2:4

Tak-ha Pathian ning kan chunga ina lungsiat na hi a mongti om mak.

EPHESIA 2:7

Pathian ning ahong rang phat miruol rakip ning an jet thei na ranga ina man mu ani. A man ina lungsiat nale alian na ranak ha Jisu Khrista jiang ana man mu jui.

EPHESIA 3:16

Kein nang ni ranga lamna ka nei, puma rat na ranak han nangni ha na man rat nati hale ama Thavang Thiang ning nan sunga om rase.

EPHESIA 3:8

Keihi mi thiangai karra asin tak kani nom tok a mu torlui rang Jisu Khrista a chongsat ha jatdangai jiang ana manri.

PHILIPI 4:19

Kei ka Pathian ning nang ni nem na ranga phur rakip ha Khrista jarra lianpui na a om phur rakip nang ni jiang na pek nati.

KOLOSIA 1:14

Keini na san ringpa Ka siatna ngaidam torko a pasalnai jianga a om.

KOLOSIA 1:27

Pathian ning hiva chong ruk hi jatdangngai jiang a manjet jot, nangni hi Khrista ranga lianpui na ha nan ni.

KOLOSIA 2:13

Nangni siatna le vun nan tan mak jarra thina tenna nangni ha Pathian thavang ning ana sanring jui hale Puma ning ama le ring suam na ranga nan siatna rakip ha ana ngaidam jui.

KOLOSIA 2:2

Anmanin kan lungsiat a om thei na rang, hale khat le khat kan jot thei na rang, han Pathian chong ruk ha Khrista ani tihi man jetru.

1 TIMOTHI 2:6

A ma a tak tak ning miring ngaiha sanring na anei hava ha Pathian in ana lungsiat na jet na ani. Aphat chap chalai tak hin Pathian ning miring ngaiha asan ring jot.

TITAS 2:14

Keini siatna rakip na man thiang na ta, asat chuan tianga lung lut a tho thei na rang puman a mi ngaiha ma thiang na ranga puma keini jarra a kan pek jui.

TITAS 3:6

Puma manrit na han a na mandik, amongtibui ring na ha mu thei na ranga ana man chang jui.

HEBRU 9:22

Han na dan nuk juia phur rakip thisen nin man thiang tor a jot, hale thisen suak niluia ngaidam na om mak.

1 PITAR 2:24

Jisu Khrista a tak tak ning kan siatna ngaiha Khros chunga alui choi, hava jarra kan siatna tenna kan thi rang ha chuan sat, chuan dik jarra ringna kan mu jui, ama a taksa a pop han keini ana man dam jui.

1 PITAR 3:18

Khrista ning alui thi vei khat jak a thi han chuan sat tho anga siat nei ngai rakip rahut a Pathian jiang tung thei na ranga, a taksa thina alui nei, tak-ha Thavang Thianga ring na ana man nei jui.

1 JOHON 2:12

Khrista jarra nan siatna hi a na ngaidam jui hava jarra kein nang ni jiang ka na manjet ani.

1 JOHON 2:2

Keini siatna rakip ngaidam na ranga Jisu Khrista ha a om.

1 JOHON 4:10

lungsiat ha hi ani, keinin Pathian kan lungsiat jui ti ni luia, a man keini ana lungsiat jarra Kan siatna ngai rakip ngaidam na ranga a pasalnai ha a juang tir jui.

MANJETNA 14:4

Anmani ha numei le kan tok lui a thiang mi anni, hale belram chena ha an lui jui, anmani ha ramuol mingai karra ring na a mungai ha anni. Hale anmani hi Pathian jiang le belram jiang a rapatak an pek lut rang ngaiha anni.

MANJETNA 5:9

Anmani ning la a thar khat an thoa an lui ti, “Nanghi hiva che chun long ranga rahui na ni, nang in thina na neija na thisen tenna jat rakip le phung rakip chong rakip a chok jui.