Jisun ama jiang a ti, nang in na ti jui, aninom kein nang jiang kati, “Hiva suale Mi Pasalnai naining ranak nei achang tianga a hong hale vanram shumphai chunga a hong ha nang nin nan mu rang ke.”
Jisu ning a sang, “Kei ka ni, hale Miring Nai Pasal ha ranak rattak a Pathian chang tiang a onga, vanram sum phai le kan ruaia i hong nang nin nan mu rang ke,” a ti.
Tu khat innom kei Karingkhuo luitor noni u, ka pa ning cham a na pek nuk juia ka ringkhuo ha ka pek jot le ka pek ka lui khir jot le kaluikhir, hiva ranak hi kei ka nei.”
nang ni nan renga le Israel mirakip jiang hivahi na jet peru; nang nin khros chunga nan that Pathian ning athingai kar tenna iman ringkhir, Nazaret Jisu Khrista minga hiva mihi adamma nang ni madonna a ngir.
Israelngai jiang lim kan sir nale siat thiang na pek na ranga Pathian ning ama hi lamkei le san ringpa aman changa, aman a kut chang tiang han a dom sang jui.
Anmani ha tu ning mo man lal na an nei rang? A lui thi ha Khrista Jisu ani, hiva khella a thi ngai kar tenna a ring khirra Pathian chang tiang han a onga keini ranga a na var pe.
Ajarko, vanram le ramuol la mu torlui, a tor pungai ong na mun ranak neingai anninom puma tenna an hong sin mang ke ani; phur rakip hi puma jarra le ama ranga alui sin ani
A ma ning Pathian lurna varna rakip le Pathian mi tak ha ama jiang a om hale Khrista ning ramuol a pumpui hi ama chong thouija a man om. A ma ning miringai siatna rakip ha a ngaidam suale vanram ma puma Pathian a kut chang tiang han ranak nei tak a a ong jui.
Tak-ha kein in Jisu kan mu, ti ko Pathian a na manrit na jarra mirakip ranga Jisu athi thei na rang pha bongkhat thaneithiangngai nek thuai det a siak atun ko a man hava thina a tat ha alui dui jarra chit jak nale lianpui na lu khu an khu ha keinin kan mui jui.
Keini puma Jisu Khrista a pa Pathian ham kan manpak, puma ama ning ana lungsiat thei jarra, a thi ngai karra Jisu Khrista ning a hong ring khir jarra, ringkho thar ana pek a hivahin keini hi ring na ranga lungdo a na pek jui.